འཕྲུལ་རིག་གསར་འགྱུར།

མིས་བཟོས་རིག་ནུས་ཀྱིས་འཛམ་གླིང་ཡོངས་ལ་དུས་ཡུན་ཐུང་ངུ་ཞིག་གི་ནང་དུ་བློ་ཡུལ་ལས་འདས་པའི་འགྱུར་བ་སྣ་ཚོགས་གཏོང་བཞིན་ཡོད་ཀྱང་། དུས་མཚུངས་སུ་དཀའ་ངལ་ཡང་མང་པོ་ཞིག་བསྐྲུན་གྱི་ཡོད།  དཀའ་ངལ་དེ་དག་གི་ཁྲོད་ཀྱི་གསར་བྱུང་དཀའ་ངལ་ཞིག་ནི་དྲན་ཤེས་ཉིང་ལྷེབ་ཡིན།  མིས་བཟོས་རིག་ནུས་དར་ཁྱབ་ཆེན་པོ་འགྲོ་བཞིན་ཡོད་པ་དང་བསྟུན་ནས། འཕྲུལ་རིག་བཟོ་ཚོང་ཁང་ཁག་གིས་རིག་ནུས་ཀྱི་གཞི་གྲངས་མཛོད་མང་དུ་བསྐྲུན་བཞིན་ཡོད་པ་བཞིན། ཚད་མཐོ་བའི་ཉིང་ལྷེབ་ཀྱི་དགོས་མཁོ་ཤུགས་ཆེ་རུ་འགྲོ་བཞིན་ཡོད། གང་ཡིན་ཞེ་ན། ཚད་མཐོ་ཞིང་ནུས་པ་ཆེ་བའི་ཉིང་ལྷེབ་དེ་དག་ནི་རིག་ནུས་ཀྱི་མ་དཔེར་སྦྱོང་བརྡར་དང་ཚོད་ལྟ་་བྱེད་པར་ཆེས་མེད་དུ་མི་རུང་བའི་མཁོ་ཆས་ཤིག་ཡིན་ཞིང་། རིག་ནུས་ཀྱི་དྲ་བའི་ཞབས་ཞུ་འཕྲུལ་ཆས་རེ་རེར་སྲོལ་རྒྱུན་གྱི་དྲ་བའི་ཞབས་ཞུ་འཕྲུལ་ཆས་ལས་གསོག་བྱང་གི་ནུས་པ་ཧ་ཅང་ཆེན་པོ་དགོས་ཀྱི་ཡོད། མིས་བཟོས་རིག་ནུས་ཀྱི་བཟོ་ལས་ཁང་ཁག་གིས་ཉིང་ལྷེབ་དེ་དག་ལ་གོང་ཆེན་པོ་སྤྲོད་འདོད་ཡོད་པའི་རྐྱེན་གྱིས། ཉིང་ལྷེབ་བཟོ་ཚོང་ཁང་ཁག་གིས་འཛད་སྤྱོད་པ་ཕལ་པ་ཚོས་བཀོལ་བཞིན་པའི་གློག་རྫས་ཁག་ནང་གི་ཉིང་ལྷེབ་ལས་རིག་ནུས་ཉིང་ལྷེབ་བཟོ་རྒྱུར་གལ་འགངས་ཆེན་པོར་བརྩི་ཡི་ཡོད།  དེའི་རྐྱེན་གྱིས། མི་དཀྱུས་མར་ཤུགས་རྐྱེན་གང་དག་ཐེབས་སྲིད་མིན་ཚོད་དཔག་བྱས་ན།  འདི་ནི་འཕྲལ་སེལ་གྱི་མཁོ་སྤྲོད་བརྒྱུད་རིམ་གྱི་དཀའ་ངལ་ཙམ་མིན། ཉིང་ལྷེབ་བཟོ་གྲྭ་གསར་པ་ཞིག་བསྐྲུན་པར་ལོ་མང་པོ་འགོར་གྱི་ཡོད་རུང་། མིས་བཟོས་རིག་ནུས་ཀྱི་རྨང་གཞིའི་བཀོད་སྒྲིག་གི་དགོས་མཁོ་མགྱོགས་པོར་འཕེལ་བཞིན་ཡོད། དེའི་རྐྱེན་གྱིས་མ་འོངས་པའི་ལོ་ངོ་བཅུ་ཕྲག་ལྷག་གི་ནང་དུ་ཉིང་ལྷེབ་ཀྱི་དགོས་མཁོ་སྔར་ལས་ཆེ་རུ་འགྲོ་སྲིད་ཀྱི་ཡོད། ཁ་གསབ།…

ཀུ་ཤུ་བཟོ་ཚོང་ཁང་གིས་སྲིད་གཞུང་གི་དྲ་རྒྱའི་དམ་དྲག་གི་ཁྲིམས་སྲོལ་ལ་གཞིགས་ཏེ། ས་གནས་ཀྱི་འཕྲུལ་རིག་བཟོ་ཚོང་ཁང་ཆེན་མོ་རྒྱ་འདུས་དང་དང་ཨ་ལི་བྷ་བྷ་གཉིས་ཀར་མཉམ་འབྲེལ་བྱས་པ་བརྒྱུད། རྒྱལ་ནང་གི་ཀུ་ཤུ་ཁ་པར་བེད་སྤྱོད་གཏོང་མཁན་ཚོར་ Apple Intelligence མཁོ་འདོན་བྱ་རྒྱུའི་ལམ་ཁ་གསལ་པོ་བཟོས་ཡོད། རྒྱལ་ནང་གི་དྲ་རྒྱ་དང་རིག་ནུས་ཀྱི་ཁྲིམས་སྲོལ་ཁག་ལ་བསྟུན་མཁས་བྱ་ཆེད། ཀུ་ཤུ་བཟོ་ཚོང་ཁང་གིས་རང་ཉིད་ཀྱི་གོ་ལའི་རང་བཞིན་གྱི་སྐད་ཡིག་དཔེ་གཞི་ཁོ་ནར་མ་བརྟེན་པར། ས་གནས་ཀྱི་རིག་ནུས་རྨང་གཞི་སྒྲིག་བཀོད་བེད་སྤྱོད་གཏོང་རྒྱུ་རེད་འདུག  ཨ་ལི་བྷ་བྷ་བཟོ་ཚོང་ཁང་གི་སྟོང་འདྲི་རིག་ནུས་ཀྱི་མ་དཔེ་ཆེན་མོ་བརྒྱུད་ནས། ཀུ་ཤུ་ཁ་པར་སྟེང་གི་གཞི་རྩའི་རིག་ནུས་ཀྱི་བློ་རིག་གི་ནུས་པ་མཁོ་འདོན་བྱེད་རྒྱུ་རེད་འདུག་ལ། བརྒྱ་འདུས་སྤྱད་དེ་དྲ་ལམ་འཚོལ་བཤེར་གྱི་ཉམས་མྱོང་དང་། ཡི་གེ་དང་པར་རིས་གོ་བ་ལེན་པའི་ནུས་པ། དེ་བཞིན་རྒྱལ་ནང་གི་ཁྲོམ་རར་དམིགས་ནས་ Siri ཡི་ནུས་པ་ཆེ་རུ་གཏོང་རྒྱུ་རེད་འདུག  དེ་བས། མི་འགྱངས་བར་རྒྱལ་ནང་གི་ཀུ་ཤུ་ཁ་པར་བེད་སྤྱོད་གཏོང་མཁན་ཚོར་ས་གནས་ཀྱི་ཁྱད་ཆོས་ལྡན་ཞིང་།…

རྒྱལ་ནང་གི་རིག་ནུས་ལས་ཚབ་པའི་མ་ལག་ཆེ་ཤོས་གཉིས་ཏེ། པད་མ་འཁྱུག་རྩལ་ (字节跳动) གྱི་ཏིག་པའོ་ (豆包) དང་ཨ་ལི་བྷ་བྷ་ (阿里巴巴) ཡི་ཆན་ཝུན་ (千问) གཉིས་ཀྱིས་ཟླ་ 7 པའི་ཚེས་ 15 ཉིན་ནས་བཟུང་།  AI རིག་ནུས་ལས་ཚབ་པའི་ནུས་པ་མཚམས་འཇོག་རྒྱུ་རེད་འདུག འདི་ནི་ལོ་ངོ་གཉིས་ཙམ་གྱི་རིང་ལ་ AI…

ཨ་རིའི་སྲིད་འཛིན་ཁྲི་རོམ་ཕུས་ཁུ་ལོ་རིག་ནུས་ཀྱི་མ་དཔེ་ཐོན་གསར་ཤོས Claude Mythos 5 དང་། Claude Fable 5 གཉིས་ཀ་རྒྱལ་ཁབ་གཞན་གྱི་ཁྲོམ་རར་ཕྱིར་གཏོང་དང་བཀོལ་སྤྱོད་བྱེད་རྒྱུར་ཚོད་འཛིན་བྱས་ཡོད་ལ། གནས་ཚུལ་དེ་དང་འབྲེལ་ནས་ཁྲིམས་ཐོག་ནས་རིག་ནུས་སྟངས་འཛིན་དང་། རིག་ནུས་དང་འབྲེལ་བའི་རྒྱལ་སྲུང་བདེ་འཇགས་ཀྱི་དཀའ་ངལ། འཛམ་གླིང་ཡོངས་ཁྱབ་ཀྱི་རིག་ནུས་ཀྱི་འགྲན་རྩོད་བཅས་ཀྱི་སྐོར་ལ་མི་ཚོས་ཚ་ཚ་འུར་འུར་གྱི་ཐོག་ནས་བགྲོ་གླེང་བྱེད་འགོ་བཙུགས་ཡོད།  ཨ་རིའི་གཞུང་གིས་ཁུ་ལོ་རིག་ནུས་ཀྱི་མ་དཔེ་གསར་པའི་ཚད་མཐོ་བའི་དྲ་རྒྱའི་བདེ་འཇགས་དང་འབྲེལ་བའི་ནུས་སྟོབས་དེས་རྒྱལ་ཁབ་ཀྱི་བདེ་འཇགས་ལ་ཉེན་ཁ་བཟོ་སྲིད་པར་བརྗོད་དེ། ཨན་ཐུ་རོ་ཕེ་ཁིག་(Anthropic)་བཟོ་ཚོང་ཁང་ལ་མ་དཔེ་གསར་ཤོས་དེ་ཕྱིར་བསྡུ་བྱེད་དུ་བཅུག་སྟེ་བཀོལ་སྤྱོད་བྱེད་མི་ཐུབ་པ་བཟོས་ཡོད། གནས་ཚུལ་འདིའི་རྐྱེན་གྱིས། གང་ལྟར། གནས་ཚུལ་དེ་དང་འབྲེལ་ནས་དབྱེ་ཞིབ་པ་མང་པོ་ཞིག་གིས། ཁུ་ལོ་རིག་ནུས་ལ་ཚོད་འཛིན་བྱས་པ་དེས་OpenAI་བཟོ་ཚོང་ཁང་ལ་ཁྲོམ་རའི་ཁེ་སྤོགས་ཆེན་པོ་རག་སྲིད་པ་དང་།…

ད་ཆ་མིས་བཟོས་རིག་ནུས་ཀྱི་འཕེལ་རྒྱས་དེ་མ་དཔེ(模型)་ནས་རིམ་བཞིན་ལས་ཚབ་པར(代理 )་ཁ་ཕྱོགས་ཀྱི་ཡོད་པ་འདི་ནི་རིག་ནུས་དུས་རབས་ཀྱི་འཕེལ་རྒྱས་ཀྱི་ཁ་ཕྱོགས་གསར་པ་ཞིག་ཡིན།  གང་ཡིན་ཞེ་ན། མ་འོངས་པའི་རིག་ནུས་ཀྱི་འགྲན་རྩོད་དེ་མ་དཔེ་ཆེན་མོའི(大模型)་འགྲན་རྩོད་ནས་ལས་ཚབ་པའི(自主代理)་འགྲན་རྩོད་ལ་འགྱུར་བ་ཐེབས་བཞིན་ཡོད་པས།  མ་འོངས་པའི་མིས་བཟོས་རིག་ནུས་བཟོ་ཚོང་ཁང་ཁག་གི་དམིགས་ཁ་གཏོད་ས་གཙོ་བོའང་རིག་སྟོབས་ཧ་ཅང་ཆེ་བའི་རིག་ནུས་ལས་ཚབ་པར་འགྱུར་ངེས།  འདས་པའི་ལོ་ཤས་རིང་གི་རིག་ནུས་བཟོ་ལས་ཁང་ཁག་གི་གྲུབ་འབྲས་ཆེན་པོ་ཞིག་ནི་རྨང་གཞིའི་མ་དཔེའི་ནུས་པ་གོང་མཐོར་བཏང་སྟེ་མིའི་འཚོ་བར་སྔར་བྱུང་མ་མྱོང་བའི་སྟབས་བདེ་བསྐྲུན་ཡོད་པ་དེ་ཡིན་ཀྱང་། ད་ལོར་མི་ཚོས་དོ་སྣང་བྱ་ཡུལ་ཞིག་ནི། རིག་ནུས་ཀྱི་མ་དཔེ་མ་ཡིན་པར། མ་དཔེ་དེའི་སྟེང་ནས་བཟོས་པའི་ལས་ཚབ་པའི་མ་ལག་དང་དེའི་དུས་ཡུན་རིང་པོར་དྲ་ཐོག་ཏུ་ལས་དོན་སྒྲུབ་ཐུབ་པའི་བྱེད་ནུས་ཀྱི་སྐོར་ཡིན།  འདི་ནི་རིག་ནུས་དུས་རབས་ཀྱི་འགྱུར་ལྡོག་ཆེན་པོ་ཞིག་ཆགས་ཀྱི་ཡོད། ད་ཆ་འཛད་སྤྱོད་པ་མང་པོ་ཞིག་གི་མཐར་ཐུག་གི་དགོས་མཁོ་ནི། རིག་ནུས་ཀྱི་མ་དཔེ་གང་ཞིག་གིས་སོ་སོའི་དྲི་བར་བསམ་བློ་གཏིང་ཟབ་བཏང་སྟེ་ལན་རྒྱག་ཐུབ་མིན་དེ་མ་ཡིན་པར། རིག་ནུས་ཀྱི་ལས་ཚབ་པས་འཛད་སྤྱོད་པ་གང་དེ་གཉིད་ཁུག་པའི་གནས་སྐབས་སུའང་ཁོང་གི་བསྒྲུབས་མ་ཚར་བའི་ལས་དོན་ཁག་མུ་མཐུད་ནས་སྒྲུབ་ཐུབ་མིན་དང་། རང་ཉིད་ཀྱི་ལས་གཞི་ཁག་དངོས་སུ་ལག་བསྟར་བྱེད་ཐུབ་པའི་ནུས་པ་ཡོད་མེད་དེ་ཡིན། འདིས་རིག་ནུས་ཀྱི་ཁ་ཕྱོགས་དེ་མི་དང་མཉམ་དུ་ཁ་བརྡ་བྱེད་པའི་འཕྲུལ་མིའི་ངོ་བོ་ནས་གྲངས་འཛིན་ལས་རོགས་ཀྱི་ངོ་བོའི་ཐོག་ཏུ་ཁ་ཕྱོགས་བཞིན་ཡོད་པའི་མཚོན་རྟགས་གསལ་པོ་ཞིག་ཆགས་ཀྱི་ཡོད།  འཕེལ་འགྱུར་གྱི་གོ་རིམ་འདིའི་ཁྲོད་དུ། རིག་ནུས་ཀྱི་ལས་ཚབ་པའམ་ལས་རོགས་ཀྱིས་འཛད་སྤྱོད་པའི་དྲི་བར་ཡ་ལན་སྤྲོད་པ་ཙམ་མ་ཡིན་པར། རང་ངོས་ནས་རྒྱུན་ཆད་མེད་པར་སློབ་སྦྱོང་དང་ལས་ཀ་བྱེད་ཕྱོགས་ལ་ལེགས་བཅོས་བཏང་སྟེ།…

ཀུ་ཤུ་བཟོ་ཚོང་ཁང་གིས་མི་འགྱངས་བར་འདོན་སྤེལ་བྱེད་ལ་ཉེ་བའི་ཀུ་ཤུའི་ཉེར་སྤྱོད་མ་ལག་iOS 27་གི་ནང་དུ། རིག་ནུས་ཀྱི་མ་དཔེ་གཞན་སྤྱོད་ཆོག་པ་བཟོ་རྒྱུའི་འཆར་གཞི་འཐེན་བཞིན་ཡོད་ལ། འདི་ནི་གཙོ་བོ་རྒྱལ་ནང་གི་ཀུ་ཤུ་ཁ་པར་བཀོལ་མཁན་ཚོའི་དགོས་འདུན་དང་དཀའ་ངལ་ལ་དམིགས་ཏེ་དངོས་སུ་ལག་བསྟར་བྱ་འཆར་ཡོད་པའི་ལས་གཞི་གལ་ཆེན་ཞིག་ཡིན། གང་ཡིན་ཞེ་ན། རྩ་བའི་ཆ་ནས་ཀུ་ཤུའི་ལམ་ལུགས་ནི་ཁེ་གཙང་དང་སྒོ་སྡམ་གྱི་ལམ་ལུགས་ཤིག་ཡིན་པས། རང་ཉིད་ཀྱི་ཐོན་རྫས་ཁག་གི་ནང་དུ་སོ་སོའི་གསར་གཏོད་ཀྱི་རྒྱུ་ཆ་ཁག་མི་གཏོགས། བཟོ་ཚོང་ཁང་གཞན་གྱི་ཐོན་རྫས་ལས་སླ་པོའི་ཐོག་ནས་ནང་དུ་མི་འཇུག ཡིན་ཡང་། ད་ཆ། ལམ་ལུགས་དེ་དོར་ནས་ Siri དང་། ཡིག་འབྲི། པར་རིས་བཟོ་སྐྲུན་སོགས་ཀྱི་མ་ལག་གི་ནང་དུ་རིག་ནུས་ཀྱི་མ་དཔེ་གཞན་སྤྱོད་ཆོག་པའི་གོ་སྐབས་སྤྲོད་རྒྱུ་ཡིན་པ་རེད། ཀུ་ཤུ་ཉེར་སྤྱོད་མ་ལག iOS 27…