འཕྲུལ་རིག་གསར་འགྱུར།

སྤྱི་ལོ་༢༠༠༢་ལོར་དར་ཁྱབ་ཏུ་ཕྱིན་པའི་སའར་སི (SARS)་ནད་དུག་རྒྱ་ནང་གི་མི་སྟོང་ཕྲག་མང་པོར་འགོས་པ་མ་ཟད།ནད་དུག་དེའི་རྐྱེན་གྱིས་མི་བརྒྱ་ཕྲག་འདས་གྲོངས་སུ་ཕྱིན་ཡོད།  འོན་ཀྱང་། ནད་དུག་གི་དོན་རྐྱེན་དེ་རྒྱ་ནང་གི་དྲ་ཐོག་གི་ཚོང་ལས་སྡེ་ཁག་ལ་རྐྱེན་ངན་གྲོགས་ཤར་ལྟ་བུ་ཆགས་ཡོད། ནད་དུག་མ་འགོས་པའི་ཕྱིར་དུ། མི་མང་པོ་རང་ཁྱིམ་དུ་བསྡད་དགོས་བྱུང་བ་དེས། དྲ་ཐོག་གི་ཉོ་ཚོང་ཧ་ཅང་དར་ཁྱབ་ཆེན་པོ་ཆགས་སུ་བཅུག་ཡོད། ཨ་ལི་བྷ་བྷ་ཚང་གི་ཐའོ་པའོ་ （淘宝）ཟེར་བ་དེའང་སའར་སི་ནད་དུག་ཤུགས་ཆེར་དར་ཁྱབ་འགྲོ་བཞིན་པའི་སྐབས་སུ་སྒོ་འབྱེད་བྱས་པའི་དྲ་ཐོག་གི་ཚོང་རྭ་ཞིག་ཡིན།  ནད་དུག་དེས་མི་མང་པོའི་ཚེ་སྲོག་འཕྲོག་ཡོད་ཀྱང་། ཕྱོགས་གཞན་ཞིག་ནས་རྒྱ་ནག་གི་དྲ་ལམ་ཚོང་ལས་སྡེ་ཁག་ལ་ཁེ་ཕན་རྒྱ་ཆེར་བསྐྲུན་ཡོད། སའར་སི་ནད་དུག་ཡལ་ནས་ལོ་ངོ་༢༠་འགོར་ལ་ཉེ་བའི་དུས་འདིར། ཏོག་དབྱིབས་ནད་དུག་ཟེར་བ་ཞིག་རྒྱ་ནང་དུ་དར་ཁྱབ་ཕྱིན་ཏེ། གྲོང་ཁྱེར་མང་པོ་བར་གྱི་འགྲོ་འོང་ཆ་ཚང་བཀག་སྡོམ་བྱས་པར་བརྟེན། འཕྲུལ་རིག་བཟོ་ཚོང་ཆེ་ཁག་གིས། འཛད་སྤྱོད་པའི་དགོས་མཁོ་སྐོང་བར་འབད་བརྩོན་བྱེད་བཞིན་ཡོད་ལ། ཁ་ཤས་ཀྱིས་ཏོག་དབྱིབས་ནད་དུག་སྔོན་འགོག་བྱེད་པར།འཕྲུལ་རིག་གི་ཡོ་བྱད་མཁོ་སྤྲོད་བྱས་ཏེ། མི་དམངས་དང་སྲིད་གཞུང་ལ་རོགས་པ་བྱེད་ཀྱི་ཡོད།…

ཀྲུང་གོའི་སྲིད་གཞུང་གིས། ད་ལྟའི་ཝུའུ་ཧན་ནང་གི་ཏོག་དབྱིབས་ནད་དུག་གསར་པའི་གློ་ཚད་དང་མ་འོངས་པའི་རིམས་ནད་ཁག་ལ་འགོག་རྒོལ་བྱེད་པར་དམིགས་ཏེ། ཁྱབ་ཆེ་བའི་སྐད་འཕྲིན་གྱི་ནུས་པ་བཀོལ་སྤྱོད་བྱེད་བཞིན་ཡོད་འདུག  ད་ལྟའི་ཆར། རྒྱལ་ཡོངས་ཧྲིལ་པོ་ནད་དུག་གིས་བཟུང་ཡོད་པའི་གནས་སྐབས་འདིར། ཁྱབ་ཆེ་བའི་སྐད་འཕྲིན་བཀོལ་ཆས་ཀྱི་ནང་དུ། ནད་དུག་དང་འབྲེལ་བའི་གནས་ཚུལ་དང་དོན་རྐྱེན་ཡར་ཞུ་བྱེད་ཐུབ་པའི་ཁྱད་ཆོས་གསར་པ་ཞིག་འདོན་སྤེལ་བྱས་འདུག སྡིངས་ཆ་དེ་ནད་དུག་འགོག་སྲུང་ལ་དམིགས་ཏེ། མང་ཚོགས་དང་འབྲེལ་ཡོད་སྡེ་ཁག་གི་ཕྱོགས་ནས་བསམ་ཚུལ་བསྡུ་རུབ་བྱེད་པའི་ཆེད་དུ་གསར་སྐྲུན་བྱས་འདུག་ལ།  རྒྱལ་སྲིད་སྤྱི་ཁྱབ་ཁང་གི་གཞུང་དོན་ལས་ཁུངས་（国务院办公厅）ཀྱི་གསལ་བསྒྲགས་ལྟར་ན།  སྡིངས་ཆ་དེའི་ནང་དུ། ས་གནས་གང་རུང་གི་ནང་དུ། ནད་དུག་འགོག་པའི་བྱེད་སྒོ་དང་ལག་ལེན་འདང་ངེས་མེད་ཚེ། དེ་ཡང་ཡར་ཞུ་བྱེད་དུ་འཇུག་གི་ཡོད་ཅེས་གསལ་འདུག  སྐད་འཕྲིན་འཛད་སྤྱོད་པ་ཚོས། ནམ་རྒྱུན་གྱི་འགྲིམ་འགྲུལ་ཉེས་ཆད་སྤྲོད་ས་དང་། སྨན་པར་དུས་བཅད་བཟོ་ས་ཡོད་པའི་གྲོང་ཁྱེར་ཞབས་ཞུ་(城市服务)ཟེར་བའི་སྐད་འཕྲིན་ནང་གི་མཉེན་ཆས་ཆུང་ཆུང（小程序）་དེའི་ནང་ནས་ནད་དུག་དང་འབྲེལ་བའི་གནས་ཚུལ་ཡར་ཞུ་བྱེད་ཆོག་གི་ཡོད་འདུག འོན་ཀྱང་དེ་ལས་ལྡོག་སྟེ།…

ཐིན་ཞུན་བཟོ་ཚོང་ཁང་གིས་འདར་སྒྲ་དང་མགྱོགས་འཕྲིན་མཉེན་ཆས་གཉིས་ཀར་ཁ་གཏད་གཅོག་པར་དམིགས་ཏེ། སྐད་འཕྲིན་ནང་དུ་བརྙན་ཐུང་སྤེལ་ཐུབ་པའི་ཁྱད་ཆོས་གསར་པ་ཞིག་ཚོད་ལྟ་བྱེད་བཞིན་ཡོད་འདུག ད་ལྟའི་ཆར་སྐད་འཕྲིན་གྱི་རྒྱབ་ལྗོངས་སུ། སྐར་ཆ་༡༥་ཙམ་གྱི་བརྙན་ཐུང་རིགས་མ་གཏོགས། དེ་ལས་རིང་བའི་བརྙན་ཐུང་རིགས་ཡར་འཇུག་བྱེད་མི་ཐུབ་པ་མ་ཟད། ཡར་འཇུག་བྱས་ཚར་བའི་སྐར་ཆ་༡༥་ཅན་གྱི་བརྙན་ཐུང་དེ་དག་ཀྱང་རང་ཉིད་ཀྱི་གྲོགས་པོ་ཚོས་མ་གཏོགས་མཐོང་མི་ཐུབ།  ཡིན་ཡང་། ད་ཆ་ཀྲུང་གོའི་གྲོང་ཁྱེར་ཁག་དང་གཞི་རིམ་ཞིང་གྲོང་ས་ཁུལ་ཁག་གི་ནང་དུ་འདར་སྒྲ(抖音)་མཉེན་ཆས་དང་མགྱོགས་འཕྲིན（快手）གཉིས་ནགས་ལ་མེ་ཤོར་བ་ལྟར་ས་ཁྱབ་རྡོ་ཁྱབ་ཏུ་འགྲོ་བཞིན་ཡོད་པར་བརྟེན། སྐད་འཕྲིན་བཟོ་མཁན་གྱི་ཐིན་ཞུན་བཟོ་ཚོང་ཁང་གིས། གསར་བྱུང་གི་མཉེན་ཆས་དེ་དག་ལ་ཚོང་ལས་ཀྱི་ཕྱོགས་ནས་འགྲན་རྩོད་བྱེད་པར་དམིགས་ཏེ། རང་གི་གྲོགས་པོ་ཙམ་མ་ཡིན་པར། སྐད་འཕྲིན་བཀོལ་སྤྱོད་བྱེད་མཁན་ཚང་མས་མཐོང་ཐུབ་པའི་སྐར་མ་གཅིག་ཙམ་གྱི་བརྙན་ཐུང་ཡར་འཇུག་གི་ཁྱད་ཆོས་གསར་བ་ཞིག་སྐད་འཕྲིན་ནང་གསར་དུ་མཁོ་སྤྲོད་བྱེད་པར་གྲ་སྒྲིག་བྱེད་བཞིན་ཡོད་འདུག ཐིན་ཞུན་བཟོ་ཚོང་ཁང་གི་༢༠༡༩་ལོའི་ལོ་མཇུག་གི་སྙན་ཐོ་ལྟར་ན། ད་ཆ་སྐད་འཕྲིན་བཀོལ་སྤྱོད་བྱེད་མཁན་གྱི་གྲངས་ཀ་དུང་ཕྱུར་༡༢བརྒལ་ཡོད་ལ། སྐད་འཕྲིན་བཀོལ་ཆས་བཀོལ་སྤྱོད་བྱེད་མཁན་སྔར་ལས་ཇེ་མང་ཏུ་གཏོང་བར་དམིགས་ཏེ། ཉེ་བར་ཆར་སྐད་འཕྲིན་ནང་མཉེན་ཆས་གསར་སྣོན་རིམ་པ་མང་པོ་བྱས་ཡོད་པ་མ་ཟད། སྤྱི་ཚོགས་འབྲེལ་མཐུད་དྲ་བའི་ནང་གི་ཤུགས་རྐྱེན་ཆེ་བའི་མི་ཁོ་ན་བདམས་གསེས་བྱས་ཏེ།སྐད་འཕྲིན་ནང་སྐར་མ་གཅིག་ཙམ་གྱི་བརྙན་ཐུང་ཡར་འཇུག་གི་ཁྱད་ཆོས་གསར་པ་དེ་བཀོལ་སྤྱོད་བྱེད་དུ་བཅུག་སྟེ། དེས་འཛད་སྤྱོད་པ་གསར་པ་སྐད་འཕྲིན་ནང་ཚུར་འགུག་གི་ནུས་པ་ཡོད་མེད་ཚོད་ལྟ་བྱས་ཡོད།…

འཁྱུག་དབྱངས་བཀོལ་ཆས་ནི（抖音）་པེ་ཅིན་དུ་རྟེན་གཞིས་བྱས་པའི་ByteDance་ཟེར་བའི་སྤྱི་ཚོགས་འབྲེལ་མཐུད་དྲ་བའི་བཟོ་ཚོང་ཁང་ཞིག་གིས་གཙོ་གཉེར་བྱེད་བཞིན་པའི་ཁ་པར་ནང་གི་བཀོལ་ཆས་ཤིག་ཡིན་ལ། བཀོལ་ཆས་འདི་ByteDance་བཟོ་ཚོང་ཁང་གི་འགན་འཛིན་ཀྲང་ཡིས་མིན་(张一鸣)གྱི་སྣེ་ཁྲིད་འོག སྤྱི་ལོ་༢༠༡༦་ལོར་དངོས་སུ་རྒྱལ་ནང་གི་ཁྲོམ་རྭར་འགྲེམས་སྤེལ་བྱས་ཡོད་ལ། སྤྱི་ལོ་༢༠༡༧་ལོར། མིང་ལ་ TikTok ཟེར་བའི་ངོ་བོ་གཅིག་ཡིན་ཡང་། རྣམ་པའི་མི་འདྲ་བའི་འཁྱུག་དབྱངས་བཀོལ་ཆས་ཞིག་རྒྱལ་སྤྱིའི་ཁྲོམ་རྭར་ཡང་འགྲེམས་སྤེལ་བྱས་ཡོད། ཨ་རིའི་གཞུང་གིས་རྒྱལ་ཁབ་ཀྱི་བདེ་སྲུང་ལ་དམིགས་ཏེ།འཁྱུག་དབྱངས་བཀོལ་ཆས་(TikTok)འདི་ལ་ཡང་ཧྭ་ཝེ་ཁ་པར་དང་གཅིག་མཚུངས་ལྟར་དོགས་ཟོན་བྱེད་ཀྱི་ཡོད།འཁྱུག་དབྱངས་བཀོལ་ཆས་བཟོ་ཚོང་ཁང་གིས། “ཀྲུང་གོའི་སྲིད་གཞུང་དང་ཁྲིམས་ལུགས་ལག་བསྟར་ཚན་ཁག་གིས་ང་ཚོར་འཁྱུག་དབྱངས་བཀོལ་སྤྱོད་བྱེད་མཁན་མི་སྒེར་གྱི་གནས་ཚུལ་མཁོ་སྤྲོད་བྱེད་དགོས་པའི་བཀའ་རྒྱ་གང་ཡང་བཏང་མ་སོང་”ཞེས་བརྗོད་ཡོད་ཀྱང་། ཟླ་༡༢་པའི་ཟླ་མཇུག་ཏུ། ཨ་རིའི་གཞུང་གིས་(TikTok)མཉེན་ཆས་དེ་རྒྱལ་ཁབ་ཀྱི་བདེ་འཇགས་ལ་ཉེན་ཁ་ཡོད་པར་བརྗོད་དེ། ཨ་རིའི་སྐམ་དམག་དང་མཚོ་དམག་རྣམས་ཀྱིས་མཉེན་ཆས་དེ་གཞུང་གིས་མཁོ་སྤྲོད་བྱས་པའི་ཁ་པར་གྱི་ནང་དུ་བཀོལ་སྤྱོད་བྱེད་མི་ཆོག་པ་བཟོས་ཡོད། འཁྱུག་དབྱངས་བཀོལ་ཆས་ཀྱི་འགོ་གཙོ་ཁག་གིས་ཨ་རིའི་ཁྲིམས་བཟོ་དང་གྲོས་ཚོགས་འཐུས་མི་ཁག་ལ་ཞུ་གཏུགས་བྱས་ཏེ། མཉེན་ཆས་ཀྱི་བདག་པོ་རྒྱ་མི་ཡིན་ཡང་། འཁྱུག་དབྱངས་བརྙན་ཐུང་གི་སྡིངས་ཆའི་སྟེང་དུ། ཨ་རིའི་ནང་གི་མི་སྒེར་གྱི་གསང་རྒྱ་དང་། གནས་ཚུལ་བཀག་སྡོམ།…

སྤྱི་ལོ་༢༠༡༩་ལོའི་ཟླ་༡༢་པ་ནས་བཟུང་།ཀྲུང་གོའི་བཟོ་ལས་དང་ཆ་འཕྲིན་ཅན་པུའུ་ཡིས་ཁ་པར་ཨང་གྲངས་གསར་པ་ཐོ་འགོད་བྱེད་པར།རང་ཉིད་ཀྱི་ཐོབ་ཐང་ལག་འཁྱེར་མཁོ་སྤྲོད་བྱེད་པ་ཙམ་མ་ཡིན་པར། ངེས་པར་དུ་རང་ཉིད་ཀྱི་ངོ་གདོང་བཤེར་དགོས་པའི་ཆ་རྐྱེན་གསར་པ་ཞིག་བཟོས་ཡོད། སྲིད་གཞུང་གིས།སྐྱེ་དངོས་ཁྱད་རྟགས་ཀྱི་གཞི་གྲངས་ཕྱོགས་བསྡུས་བྱེད་པའི་ལག་ལེན་གསར་པ་འདིས།ལམ་ལྷོང་ལྡན་པའི་ཐོག་ནས།དྲ་ཐོག་གི་ངན་བྱུས་མགོ་སྐོར་རིགས་བཀག་འགོག་བྱས་ཏེ།དྲ་རྒྱའི་ནང་གི་མི་སེར་ཚོའི་ཁྲིམས་མཐུན་གྱི་ཐོབ་ཐང་དང་ཁེ་ཕན་སྲུང་སྐྱོབ་བྱེད་ཐུབ་ཀྱི་ཡོད་ཅེས་བརྗོད་ཡོད། སྲིད་གཞུང་གིས་ལག་ལེན་གསར་པ་འདིའི་ཁྲོད་དུ། མིས་བཟོས་རིག་སྟོབས་ཀྱི་ཚད་མཐོའི་ནུས་པ་བེད་སྤྱད་དེ། ཁ་པར་གྱི་བྱང་བུ་གསར་དུ་ཐོ་འགོད་བྱེད་མཁན་གྱི་མི་ཚོའི་ངོ་བོ་བདེན་དཔང་བྱེད་ཀྱི་ཡོད་པ་མ་ཟད།རྒྱལ་ནང་གི་ཁ་པར་དང་དྲ་རྒྱ་བཀོལ་སྤྱོད་བྱེད་མཁན་ཡོངས་རྫོགས་ལས་སླ་པོའི་ཐོག་ནས་རྗེས་འདེད་གཏོང་གི་ཡོད། དེ་སྔོན་ཁ་པར་བཀོལ་སྤྱོད་བྱེད་མཁན་ཚོས་རང་ཉིད་ཀྱི་བྱང་བུ་ཐོ་འགོད་བྱེད་པར། ཐོབ་ཐང་ལག་འཁྱེར་དང་ཡང་ན། ལམ་ཡིག་སྤྲད་ན་འགྲིག་གི་ཡོད་ཀྱང་། ངོ་གདོང་བཤེར་དགོས་པའི་ཆ་རྐྱེན་འཕར་མ་དེས་མི་ཚོར། སྒེར་གྱི་གནས་ཚུལ་དང་འབྲེལ་བའི་བདེ་འཇགས་ཀྱི་ཐད་ལ་སེམས་འཚབ་བསྐྲུན་ཡོད། ད་ལོའི་ཟླ་༡༡་པའི་ནང་། གོ་པིན་ཟེར་བའི་ཀྲིག་ཅིང་འཕྲུལ་རིག་ཚན་རྩལ་སློབ་གྲྭ་ཆེན་མོའི་དགེ་རྒན་ཞིག་གིས།  ཀྲིག་ཅིང་ཞིང་ཆེན་ནང་གི་རི་དྭགས་སྤྱན་གཟིགས་ཁང་ཞིག་གི་འབྲེལ་ཡོད་ལས་ཁུངས་ཀྱིས།མི་ཚོའི་མོས་མཐུན་དང་ཆོག་མཆན་མེད་པའི་ཐོག་ནས།རི་དྭགས་ཁང་ནང་དུ་གཟིགས་སྐོར་ལ་ཕེབས་མཁན་གྱི་མི་ཚོའི་ངོ་གདོང་བཤེར་ཏེ་སྒེར་གྱི་གཞི་གྲངས་བསྡུ་རུབ་བྱས་པ་དེས། འཛད་སྤྱོད་པའི་ཁེ་དབང་སྲུང་སྐྱོབ་ཀྱི་བཅའ་ཁྲིམས་《消费者权益保护法》ལ་འགལ་བའི་ཉེས་འཛུགས་བྱས་ཏེ་ཁྲིམས་གཏུགས་བྱས་པ་དེ་ནི་རྒྱལ་ནང་གི་ངོ་གདོང་ངོས་འཛིན་གྱི་ལག་བསྟར་ལ་རྒོལ་བའི་ཁྲིམས་ཐོག་གི་གཏུག་བཤེར་ཐེངས་དང་པོ་དེ་ཆགས་ཡོད། ངོ་གདོང་ཞིབ་བཤེར་གྱི་གནད་དོན་འདིའི་ཐོག་ཏུ། པོད་ཕྲན་ནང་གི་མི་ཚོའི་ལྟ་ཚུལ་ཕྱོགས་གཉིས་སུ་གྱེས་ཡོད་དེ། མི་མང་པོ་ཞིག་གིས་རྒྱབ་སྐྱོར་བྱེད་ཀྱི་ཡོད་པ།…

ཀྲུང་གོའི་སྲིད་གཞུང་གིས་རྒྱ་གར་གྱི་ས་མཚམས་དང་ཐག་ཉེ་བའི་བོད་ཀྱི་ས་ཁུལ་དུ་5G་ས་ཚིགས་གསུམ་གསར་འཛུགས་བྱས་ཡོད་ལ། དེ་འཛུགས་དགོས་པའི་དམིགས་ཡུལ་ནི། དྲ་ལམ་འབྲེལ་མཐུད་ཡར་རྒྱས་བཏང་སྟེ། ས་གནས་མང་ཚོགས་ལ་ཞབས་ཞུ་བསྒྲུབ་རྒྱུའི་ཆེད་དུ་ཡིན་སྐོར་བརྗོད་ཡོད། འོན་ཀྱང་། གནད་དོན་དབྱེ་ཞིབ་པ་མང་པོ་ཞིག་གིས། 5G དྲ་བའི་འབྲེལ་མཐུད་ཀྱིས། ཀྲུང་གོའི་དམག་དོན་དང་འབྲེལ་བའི་དམིགས་ཡུལ་མང་དག་ཅིག་ལེགས་འགྲུབ་བྱེད་པར་རོགས་འདེགས་བྱེད་ཐུབ་པའི་ཡིད་ཆེས་བྱེད་ཀྱི་ཡོད་ལ། དེའི་ཁོངས་སུ། རི་མཐོའི་རྒྱལ་མཚམས་དོ་དམ་དང་། གོ་མཚོན་དབོར་འདྲེན་སོགས་ཚུད་ཡོད། ཁང་ཁྱིམ་གྱི་ཕྱི་ལོགས་སུ་ཚོད་ལྟ་བྱས་པ་ལྟར་ན། བོད་ཁུལ་དུ་ཡོད་པའི་5G་ས་ཚིགས་ཀྱིས། ཆ་སྙོམས་ཀྱི་དྲ་བའི་མགྱོགས་ཚད་ 500 Mbps མཁོ་སྤྲོད་བྱེད་ཐུབ་ཀྱི་ཡོད་པ་དང་། …