འཕྲུལ་རིག་གསར་འགྱུར།

ཨ་རིའི་ཕྲ་མཉེན་བཟོ་ཚོང་ཁང་(Microsoft Corporation)་གི་གཞུང་འབྲེལ་གྱི་དྲ་བའི་སྟེང་དུ་གསལ་བསྒྲགས་བྱས་པ་ལྟར་ན།  བཟོ་ཚོང་ཁང་འདིས་བཟོས་པའི་སྐད་སྒྱུར་བཀོལ་ཆས་(Microsoft Translator)ཀྱི་ནང་དུ་སྐད་རིགས་གསར་པ་མི་འདྲ་བ་བཅུ་གཉིས་ཙམ་ཁ་སྣོན་བྱས་་ཡོད་པ་དེའི་ཁོངས་སུ་བོད་ཀྱི་སྐད་ཡིག་ཀྱང་ཚུད་འདུག ཕྲ་མཉེན་བཟོ་ཚོང་ཁང་གི་སྐད་སྒྱུར་གྱི་བཀོལ་ཆས་འདི་སྤྱི་ལོ་2000ལོར་གསར་བཟོ་བྱས་ཏེ། དུས་ད་ལྟའི་བར་དུ་འཐུས་སྒོ་ཇེ་ཚང་དང་ཡིག་སྒྱུར་གྱི་སྤུས་ཚད་ཇེ་ལེགས་སུ་བཏང་དང་གཏོང་མུས་རེད་འདུག དེ་ཡང་གནས་ཚུལ་ཐོན་གསལ་ལྟར་ན། ཡིག་སྒྱུར་གྱི་བཀོལ་ཆས་འདིའི་ཁོངས་སུ། མིས་བཟོས་ཀླད་རྩའི་དྲ་བ(Artificial neural networks)བཀོལ་སྤྱོད་བྱས་ཡོད་སྟབས། སྐད་སྒྱུར་མཉེན་ཆས་གཞན་དང་བསྡུར་ན་འགྱུར་ཧ་ཅང་དག་པོ་ཡོད་པ་བརྗོད་ཀྱི་འདུག ད་ལྟའི་ཆར། སྐད་སྒྱུར་བཀོལ་ཆས་འདིའི་ཁོངས་སུ། སྐད་རིགས་མི་འདྲ་བ་བརྒྱ་དང་གསུམ་ཙམ་བཅུག་འདུག་ལ།  སྐད་རིགས་དེ་དག་ཕར་སྒྱུར་ཚུར་སྒྱུར་བྱེད་ཐུབ་ཀྱི་འདུག   གལ་ཏེ།…

  ཡིག་ཟམ་གྱི་གསང་རྒྱ་སྲུང་སྐྱོབ། གློག་འཕྲིན་ཡིག་ཟམ་ཁག་ཁྱེད་རང་གིས་བསམ་པ་ཇི་བཞིན་བདེ་འཇགས་དང་གསང་རྒྱ་ཅན་མིན། ཚོང་ལས་ངོ་བོ་ཅན་གྱི་ཡིག་ཟམ་ཁག་གི་ནང་དུ་པར་རིས་ཆུང་ཆུང་དེ་འདྲ་བསྐུངས་ཡོད་ལ། དེས་ཁྱེད་ཀྱིས་སོ་སོའི་ཡིག་ཟམ་ག་དུས་སྒོ་ཕྱེ་ཡོད་མེད་ཧ་གོ་ཐུབ་ཀྱི་ཡོད། རྗེས་འདེད་ཡོ་ཆས་འདི་དག་གིས་ཁྱེད་ཀྱི་ཁ་པར་རམ་རྩིས་འཕྲུལ་གྱི་IP ཁ་བྱང་ཐེ་བའི་གནས་ཚུལ་མང་དག་ཅིག་བསྡུ་རུབ་བྱེད་ཀྱི་ཡོད། དེ་དག་བཀོལ་སྤྱོད་བྱས་ཏེ་ཁྱེད་ཀྱི་དངོས་ཡོད་ཀྱི་སྡོད་གནས་རྗེས་དཔག་བྱེད་ཐུབ། ཡིག་ཟམ་གྱི་བཀོལ་ཆས་གསར་པའི་ཁོངས་ཀྱི་བདེ་འཇགས་ཀྱི་ཁྱད་ཆོས་གསར་པ་དེས་ཁྱེད་ཀྱི་་IP ཁ་བྱང་སྦ་གསང་བྱེད་ཀྱི་ཡོད་སྟབས། ཡིག་ཟམ་གཏོང་མཁན་གྱི་གང་ཟག་སུ་ཡིན་རུང་། ཁོས་བཏང་བའི་ཡིག་ཟམ་དེ་ཁྱེད་ཀྱི་དྲ་ཐོག་གི་བྱེད་སྒོ་གཞན་ཁག་དང་སྦྲེལ་མི་ཐུབ་ལ། ཁྱེད་ཀྱི་སྡོད་གནས་ཀྱང་གཏན་འཁེལ་བྱེད་མི་ཐུབ་མ་ཟད། ཡིག་ཟམ་གཏོང་མཁན་གྱི་གང་ཟག་དེར། ཁྱེད་ཀྱིས་ཡིག་ཟམ་དེ་ཁ་ཕྱེ་ཡོད་མེད་དང་། ག་དུས་ཁ་ཕྱེ་ཡོད་མེད་སོགས་ཀྱང་མཐོང་དུ་མི་འཇུག Safari དྲ་རྒྱ་བཤེར་ཆས་ཀྱི་བདེ་འཇགས་བསྐྱར་བཅོས།  Safari…

གནད་བསྡུས། འཆམ་མཐུན་ཉེར་སྤྱོད་མ་ལག་ནི། ཧྭ་ཝེ་བཟོ་ཚོང་ཁང་གིས་གྷོ་གྷིལ་བཟོ་ཚོང་ཁང་གི་ཨན་ཌོ་ཉེར་སྤྱོད་མ་ལག་གི་ཚབ་ཏུ་བཟོས་པའི་ཁ་པར་གྱི་ཉེར་སྤྱོད་མ་ལག་ཅིག་ཡིན།  ཉེར་སྤྱོད་མ་ལག་འདི་བཟོ་སྐྲུན་བྱས་ཏེ། ཁ་པར་ནང་དུ་བཀོལ་སྤྱོད་བྱེད་པར་ལོ་གཉིས་འགོར་ཡོད། སྤྱི་ལོ་༢༠༡༩་ལོའི་ཟླ་༨་པའི་ནང་དུ། ཧྭ་ཝེ་བཟོ་ཚོང་ཁང་གིས་འཆམ་མཐུན་ཉེར་སྤྱོད་མ་ལག་དེ་ཐོག་མར་བརྙན་འཕྲིན་ནང་བཀོལ་སྤྱོད་བྱེད་འགོ་བཙུགས་ཡོད་ལ། སྤྱི་ལོ་༢༠༢༠་ལོར་ཁྱད་ཆོས་སྣ་འཛོམས་ཅན་གྱི་ལག་འདོགས་ཆུ་ཚོད་ནང་དུ་བཀོལ་སྤྱོད་བྱས་ཡོད།  འཛམ་གླིང་ནང་གི་ཁ་པར་བཟོ་ལས་ཁང་ཆེ་ཤོས་སུ་ངོས་འཛིན་བྱེད་ཀྱིན་པའི་ཧྭ་ཝེ་བཟོ་ལས་ཁང་གིས་ཉེ་ལམ་རང་ངོས་ནས་གསར་དུ་འདོན་སྤེལ་བྱས་པའི་འཆམ་མཐུན་ཉེར་སྤྱོད་མ་ལག་ཐོན་གསར་པའི་སྐོར་གྱི་ཁྱབ་བསྒྲགས་ཤིག་སྤེལ་ཡོད། ༢༠༡༩་ལོའི་ཨ་རྒྱ་གཉིས་ཀྱི་ཚོང་འབྲེལ་དམག་འཁྲུག་འགོ་མ་བཙུགས་པའི་སྔོན་དུ། རྒྱ་ནང་གི་ཧྭ་ཝེ་ཁ་པར་ཡོད་ཚད་ཀྱི་ནང་དུ་ཨ་རིའི་གྷོ་གྷིལ་བཟོ་ཚོང་ཁང་གིས་བཟོས་པའི་ཨན་ཌོ་ཉེར་སྤྱོད་མ་ལག་བཀོལ་སྤྱོད་བྱེད་ཀྱི་ཡོད། འོན་ཀྱང་། ཨ་རིས་ཚོང་འབྲེལ་གྱི་ཉེས་ཆད་བཅད་པ་ནས་བཟུང་། ཧྭ་ཝེ་ཁ་པར་ཚང་མའི་ནང་དུ་ཨན་ཌོ་མ་ལག་ཞབས་ཞུ་མང་དག་ཅིག་རང་བཞིན་གྱི་ཐོག་ནས་མེད་པར་ཆགས་ཡོད། དེའི་རྒྱུ་ཚན་གྱིས། ཧྭ་ཝེ་བཟོ་ཚོང་ཁང་གིས་ཨན་ཌོ་མ་ལག་དང་ཀུ་ཤུ་མ་ལག་གཉིས་ཀར་འབྲེལ་བ་མེད་པའི་ཁ་པར་གྱི་མ་ལག་གསར་པ་ཞིག་གསར་བསྐྲུན་བྱ་རྒྱུའི་དམིགས་ཡུལ་བཅངས་ཡོད། མ་ལག་དེ་ཁ་པར་གཅིག་པུ་ཙམ་མ་ཡིན་པར། ཁྱད་ཆོས་སྣ་འཛོམས་ཅན་གྱི་ལག་འདོགས་ཆུ་ཚོད།…

ཨ་རིའི་དབུས་གཞུང་གི་འབྲེལ་མཐུད་ལྷན་ཁང་གིས་ཨ་རིའི་འབྲེལ་མཐུད་ཀྱི་དྲ་བར་སྲུང་སྐྱོབ་བྱེད་པའི་ཆེད་དུ། ཕྱི་ལོ་༢༠༡༩་ལོར་གཏན་འབེབས་གནང་བའི་བཅའ་ཁྲིམས་ཤིག་གཞིར་བཟུང་སྟེ། ཨ་རིའི་རྒྱལ་སྲུང་བདེ་འཇགས་ལ་ཉེན་ཁ་བཟོ་མཁན་གྱི་ཀྲུང་གོའི་ཚན་རྩལ་བཟོ་ལས་ཁང་ལྔ་ཡི་མིང་ཕྱིར་བསྒྲགས་བྱས་ཡོད་ལ། བཟོ་ཚོང་ཁང་དེ་དག་ནི། ཧྭ་ཝེ་བཟོ་ཚོང་ཁང་དང་།(华为技术有限公司) ཀྲུང་ཞུན་བཟོ་ཚོང་ཁང་།(中兴通讯) ཧེ་ནིན་ཏ་བཟོ་ཚོང་ཁང་།(海能达通讯)ཧང་ཀྲུག་གི་ཧའེ་ཁང་བཟོ་ལས་ཁང་། (杭州海康威视数字技术有限公司)ཀྲིག་ཅང་གི་ཏ་ཧྭ་བཟོ་ཚོང་ཁང་(浙江大华技术有限公司)བཅས་རེད་འདུག ཕྱི་ལོ་༢༠༡༩་ལོར་གཏན་འབེབས་གནང་བའི་བཅའ་ཁྲིམས་ཤིག་གི་ནང་དུ། ཨ་རིའི་དབུས་གཞུང་གི་འབྲེལ་མཐུད་ལྷན་ཁང་གིས། ཨ་རིའི་རྒྱལ་སྲུང་བདེ་འཇགས་ལ་ངོས་ལེན་གནང་ཐབས་བྲལ་བའི་ཉེན་ཁ་སྤྲོད་ཀྱི་ཡོད་པའི་འཛམ་གླིང་ནང་གི་འབྲེལ་མཐུད་ཀྱི་ཡོ་ཆས་བཟོ་སྐྲུན་བྱེད་མཁན་དང་དེ་འབྲེལ་གྱི་ཞབས་ཞུ་མཁོ་སྤྲོད་བྱེད་མཁན་གྱི་བཟོ་ལས་ཁང་ངོས་འཛིན་བྱེད་དགོས་པའི་ཆ་རྐྱེན་བཏོན་ཡོད། དེ་ཡང་།ཨ་རིའི་དབུས་གཞུང་གི་འབྲེལ་མཐུད་ལྷན་ཁང་གི་ཚོགས་གཙོ་ལྕམ་ཇེ་སེ་ཁ རོ་སིན་ཝོར་སིལ་ལགས་ཀྱིས། ཨ་རིའི་རྒྱལ་སྲུང་བདེ་འཇགས་ལ་ཉེན་ཁ་བཟོ་མཁན་གྱི་བཟོ་ལས་ཁང་གི་ཐོ་གཞུང་འདིས། ཨ་རིའི་ནང་གི་དྲ་བའི་འབྲེལ་མཐུད་ཀྱི་རིམ་པ་རྗེས་མ་ཁག་བསྐྲུན་པའི་སྐབས་སུ། འདས་པའི་ནོར་འཁྲུལ་བསྐྱར་ཟློས་མི་བྱེད་པའི་ཆེད་དུ་མིང་དོན་མཚུངས་པའི་ལམ་སྟོན་གནང་ཡོད་ཅེས་བརྗོད་ཡོད།  ཕྱི་ལོ་༢༠༡༩་ལོར། ཨ་རིའི་གཞུང་གིས།…

སྤྱི་ལོ་༢༠༢༡་ལོའི་སྤྱི་ཚོགས་བདེ་རྩ་ལ་དམིགས་པའི་ལས་འཆར་ཞིག་གི་ཁོངས་སུ།  ཧྲང་ཧེ་གྲོང་ཁྱེར་ནང་གི་ཅཱ་ཏིན་ཁུལ་(嘉定区)དང་ས་གནས་ཀྱི་བཟོ་ལས་ཁང་གཉིས་ཀས་མཉམ་འབྲེལ་གྱི་ཐོག་ནས་མིས་བཟོས་རིག་སྟོབས་ཞོགས་ཟས་ཟ་ཁང་(“智能”早餐店)༦༠་ཙམ་གསར་རྒྱག་བྱས་ཡོད་འདུག  ནན་ཞིང་ཚོང་དོན་ལྟེ་གནས་(南翔商务中心)་སུ་ལས་ཀ་གཉེར་བཞིན་པའི་བུ་མོ་ལིས་ལགས་ཀྱིས་བརྗོད་ན། “ཁྱེད་རང་ལས་ཁུངས་ཀྱི་ཕྱི་རུ་འགྲོ་མ་དགོས་པར་ཞོགས་ཟས་ཉོས་ཆོག་”ཟེར། མོས་མགྱོགས་པོར་འབྱོར་ཡོང་ཟེར་བའི་ཞོགས་ཟས་འཕྲུལ་ཆས་(“早点到”早餐机)ནང་ནས་འོ་མ་ཤོག་སྒམ་གང་དང་ཕི་ས་ཞིག་ཉོས་ཡོད་པ་རེད།  རང་འགུལ་ཞབས་ཞུའི་ཞལ་ཟས་འཕྲུལ་ཆས་འདིའི་ནང་དུ་འོ་མ་དང་། བག་ལེབ་ཅུང་རྡོག  ཕི་ས་སོགས་ཟས་རིགས་འདྲ་མིན་སྣ་ཚོགས་ཤིག་ཡོད་འདུག  ཞོགས་ཟས་ཀྱི་འཕྲུལ་ཆས་འདིས་ཟས་རིགས་སྣ་ཚོགས་དར་འཁྱག་ཏུ་འཇུག་པ་དང་། ཚ་བོ་བཟོ་པ་ལ་སོགས་པའི་བྱེད་ལས་སྣ་ཚོགས་ཤིག་རྩོམ་ཐུབ་ཀྱི་ཡོད་འདུག་ལ།  མི་ཞིག་གིས་ཟ་མ་མངགས་ཚར་བའི་རྗེས་སུ། འཕྲུལ་ཆས་འདིས་རང་འགུལ་གྱི་ཐོག་ནས་མངགས་ཉོ་བྱས་ཚར་བའི་ཟ་མ་དེ་ཚ་བོ་བཟོ་ཡི་ཡོད། མ་འོངས་པར་ཞོགས་ཟས་འཕྲུལ་ཆས་གང་མང་ཞིག  ཚན་རྩལ་བཟོ་ཚོང་ཁང་(高科技商务中心)དང་། ནན་ཞིན་རོལ་རྩེད་བཟོ་ཚོང་ཁང་།(南翔游戏产业园) གནམ་སྔོན་པོ་བྱ་བཞག་གསར་གཏོད་ཐང་ཆེན་(蓝天创业广场)སོགས་སུའང་འཛུགས་རྒྱུ་རེད་འདུག   ཟླ་༣་པའི་ནང་དུ། ཅཱ་ཏིན་ཁུལ་དུ་ཞོགས་ཟས་འཕྲུལ་ཆས་གསར་པ་༦་ནས་༨་གསར་པ་ཁ་སྣོན་བྱེད་རྒྱུ་རེད་འདུག་ལ།…

རྒྱལ་ནང་གི་འཕྲུལ་རིག་བཟོ་ལས་ཁང་ཁག་གི་འཕེལ་ཚད་དང་ཁྱབ་རྒྱ་ཆེ་དྲགས་པ་བརྟེན་ནས། ཁོང་ཚོའི་ཐོག་ཏུ་གཞུང་གི་དོ་དམ་ཚན་ཁག་གི་གནོན་ཤུགས་ཆེན་པོ་སླེབས་ཡོད།  ད་བར་ཐིན་ཞུན་（腾讯）བཟོ་ཚོང་ཁང་གི་སོ་སོའི་ཚོང་རའི་རིན་ཐང་གི་ཁྲོད་ནས་ཨ་སྒོར་དུང་ཕྱུར་༦༠༠་ལྷག་གི་ཁེ་སྤོགས་བཟོས་ཡོད་ལ། གཞུང་གི་གནོན་ཤུགས་ཆེ་རུ་ཕྱིན་པ་ལ་བརྟེན་ནས། ཁོང་ཚོའི་མ་རྐང་གི་ཆ་ཤས་ཀྱི་རིན་གོང་ཅུང་མར་ཆགས་ཡོད།  གསར་ལམ་དུ་གནས་ཚུལ་ཐོན་གསལ་ལྟར་ན། ཐིན་ཞུན་གྱི་དོ་ཟླ་ཡིན་པའི་ཨ་ལི་བྷ་བྷ་འཕྲུལ་རིག་བཟོ་ལས་ཁང་གིས་ཀྱང་གཞུང་གི་གནོན་ཤུགས་འོག་སོ་སོའི་ཆ་འཕྲིན་རྒྱུ་རྫས་ཁག་ཅིག་བཙོང་དགོས་སྲིད་ཀྱི་ཡོད་འདུག གང་ཡིན་ཞེ་ན། གཞུང་གི་ཚོང་རའི་དོ་དམ་ལྷན་ཁང་གིས་འཕྲུལ་རིག་བཟོ་ལས་ཁང་ཁག་གི་ཐོག་ཏུ་སྔར་ལས་ལྷག་པའི་དམ་དྲག་བྱེད་རྒྱུ་ཡིན་པའི་རྣམ་འགྱུར་བསྟན་ཡོད།  རྒྱལ་ཁབ་ཀྱི་ཚོང་རའི་ལྟ་སྐུལ་དོ་དམ་སྤྱི་ཁྱབ་ལྷན་ཁང་གིས་བརྗོད་གསལ་ལྟར་ན། རྒྱལ་ཁོངས་ཀྱི་བཟོ་ཚོང་ཁང་༡༢་ཡི་ཚོང་འབྲེལ་གྱི་བྱེད་སྒོ་༡༠་ཙམ་གྱིས་ཚོང་དབང་གཅིག་འཛིན(སྒེར་སྡེམ)་ལ་རྒོལ་བའི་སྒྲིག་སྲོལ་ལ་འགལ་བར་བརྟེན། གཞུང་གིས་ཉེས་ཆད་བཅད་ཡོད་འདུག་ལ། བཟོ་ཚོང་ཁང་དེ་དག་གི་ཁོངས་སུ། ཐིན་ཞུན་བཟོ་ཚོང་ཁང་དང་། པའེ་ཏུའུ། ཏིས་ཏིས། SoftBank བྷེ་ཁྲི་སྒྲན་སི་དང་བཟོ་ཚོང་ཁང་གིས་རྒྱབ་སྐྱོར་བྱེད་བཞིན་པའི་ཚོང་ལས་ཁང་བཅས་ཚུད་ཡོད་འདུག…