སྲིད་གཞུང་གིས་་ངོ་དེབ་དང་། འཕྲུལ་སྒྲ་སོགས་ཕྱི་རྒྱལ་གྱི་མཉེན་ཆས་རིགས་ཚང་མ་རྒྱལ་ནང་དུ་བཀག་འགོག་བྱས་ཡོད་ཀྱང་། རྒྱ་ནང་དུ་བཟོས་པའི་མཉེན་ཆས་རིགས་འཛམ་གླིང་གི་རྒྱལ་ཁབ་ཚང་མའི་ནང་དུ་ཤུགས་ཆེར་བཀོལ་སྤྱོད་བྱེད་ཀྱི་ཡོད་པ་མ་ཟད། ཏུག་ཡིན་ནམ་འདར་སྒྲ་བཀོལ་ཆས(抖音)་ལྟ་བུར་ཆ་མཚོན་ན།འཛམ་གླིང་ནང་ཕབ་ལེན་བྱེད་མཁན་གྱི་གྲངས་ཀ་དུང་ཕྱུར་གཉིས་ལ་སླེབས་གྲབས་ཡོད། དུས་ད་ལྟའི་བར་རྒྱ་ནང་དུ་བཟོས་པའི་བཀོལ་ཆས་ཁག་ལ་ཕྱི་རྒྱལ་དུ་དཀའ་ངལ་འཕྲད་མྱོང་མེད་ཀྱང་།ཉེ་ལམ་རྒྱ་གར་གཞུང་གིས་རྒྱ་ནང་དུ་བཟོས་པའི་ཁ་པར་ནང་གི་བཀོལ་ཆས་གྲངས་༥༩་ཙམ་གློ་བུར་དུ་བཀག་སྡོམ་བྱས་ཡོད་པ་དང་།
དེར་མཐུད་ནས། “ཨ་རིའི་གཞུང་གིས་ཀྱང་རྒྱ་ནག་གི་འདར་སྒྲ་བཀོལ་ཆས་གཙོས་བཀོལ་ཆས་གཞན་དག་བཀག་འགོག་བྱེད་ངེས་”ཅེས་ཨ་རིའི་ཕྱི་སྲིད་དྲུང་ཆེ་མའེ་ཁིག་ཕོམ་ཕེའོ་ལགས་ཀྱིས་བརྗོད་ཡོད།
