ཧྭ་ཝེ་བཟོ་ཚོང་ཁང་གི་ཉེར་སྤྱོད་མ་ལགHarmonyOS 6 དེ་ཧྭ་ཝེ Mate 80 ཡི་ནང་དུ་དངོས་སུ་འདོན་སྤེལ་བྱེད་རྒྱུ་རེད་འདུག ཁ་པར་ཐོན་རིམ་གསར་པ་འདི་ངོས་འཇམ་དང་། རིག་སྟོབས། བདེ་འཇགས་སོགས་གཙོ་གནད་དུ་བཟུང་སྟེ་འཆར་འགོད་བྱས་ཡོད་འདུག ཁ་པར་འདི་ལ Kirin 9030 ཉིང་ལྷེབ་ཀྱིས་ནུས་ཤུགས་བསྩལ་ཡོད་པ་ཞིག་ཡིན། 

HarmonyOS ནི། ཨ་རིའི་སྲིད་འཛིན་ཁྲི་རོམ་ཕུས་ཧྭ་ཝེ་བཟོ་ཚོང་ཁང་གི་ཐོག་ཏུ་ཚོང་འབྲེལ་གྱི་དམག་འཁྲུག་འགོ་བརྩམས་པ་ལ་བརྟེན་ནས། སྤྱི་ལོ 2019 ལོའི་ཟླ་བརྒྱད་པར་འགྲེམ་སྤེལ་བྱས་པ་ཞིག་ཡིན་ལ། ད་ཆ་མ་ལག་གི་ཐོན་རིམ་དྲུག་པ་དེ་ཆགས་ཡོད། ཧྭ་ཝེ་ཁ་པར་ལ་ད་དུང་ཡང་ཕྱིར་ཚོང་གི་ཚད་བཀག་ཡོད་རུང་། ཐོན་རིམ་གསར་པ་འདིས་ཀུ་ཤུ་དང་ཨན་ཌོ་གཉིས་ཀ་ལས་ལོགས་སུ་གསར་གཏོད་གནང་བའི་རང་དབང་ཅན་གྱི་འཛམ་གླིང་གི་ཁ་པར་མ་ལག་གསར་པ་ཞིག་གི་འཕེལ་རྒྱས་ཀྱི་གོ་རིམ་དང་གྲུབ་འབྲས་སྟོན་ཐུབ་ཀྱི་ཡོད། 

HarmonyOS 6 དེ་སྔར་ལས་ལྷག་པའི་འཇམ་ཤ་དོད་པོ་ཡོད་པ་དང་། བྱེད་ལས་ངོས་ཐད་ནས་བཤད་ན། HarmonyOS 5 དང་བསྡུར་ན་བརྒྱ་ཆ15% ཡི་ནུས་ཤུགས་ཆེ་བ་ཡོད་པ་ཧྭ་ཝེ་བཟོ་ཚོང་ཁང་གིས་བརྗོད་ཡོད།  ད་ལྟའི་ཆར་ཁ་པར་ས་ཡ་23ལྷག་ཙམ་གྱི་ནང་དུ་HarmonyOS 5 བེད་སྤྱོད་བྱེད་བཞིན་ཡོད་པ་དང་། སྐད་འཕྲིནལྟ་བུའི་མཉེན་ཆས་གཙོ་གྲས་ཁག་གིས་HarmonyOS 6་མ་ལག་དང་ལྷན་དུ་ལས་ཀ་བྱེད་ཐུབ་པའི་གསར་སྒྱུར་གྱི་ལས་ཀ་ལེགས་གྲུབ་ཟིན་ཡོད་འདུག  

ཧྭ་ཝེ་རིག་ནུས་ལས་རོགས་(AI助手小易)ཞབས་ཞུའི་རྣམ་གྲངས་རིམ་སྤོར་བྱས་ཡོད་པ་དང་། འགྲུལ་བཞུད་ཀྱི་འཆར་གཞི་འདིང་བ་དང་། སྨན་བཅོས་ཀྱི་ཆེད་དུ་སྨན་པ་དང་དུས་བཅད་བཟོ་བ་སོགས་རྙོག་འཛིང་ཆེ་བའི་ལས་དོན་སྣ་ཚོགས་བཀོད་འདོམས་ཐེངས་གཅིག་གིས་ལག་བསྟར་བྱེད་ཐུབ།  མིག་ཤེས་ཉམས་པའི་འཛད་སྤྱོད་པ་ཚོར་པར་རིས་ངོས་འཛིན་བྱེད་པར་རོགས་པ་བྱེད་ལ། ཡུལ་སྐད་ 16 ལ་རྒྱབ་སྐྱོར་བྱེད་ཀྱི་ཡོད། 

HarmonyOS 6 ནང་དུ་མི་སྒེར་གྱི་གསང་རྒྱ་དང་བདེ་འཇགས་ཀྱི་ཁྱད་ཆོས་ཡར་རྒྱས་བཏང་ཡོད། འཛད་སྤྱོད་པ་ཚོས་ཡིག་ཆ་བདེ་འཇགས་ངང་མཉམ་སྤྱོད་བྱེད་ཐུབ་པ་དང་། གཏང་སའི་མི་དེས་ཡིག་ཆར་ཐེངས་གཅིག་བལྟས་ཚར་ན། བལྟ་སའི་ཡིག་ཆ་དེ་རང་འགུལ་གྱིས་རྩ་བརླག་གཏོང་བའི་གདམ་ག་འདེམས་ཆོག་གི་ཡོད་འདུག