སྟབས་བདེའི་ཞོགས་ཟས།

སྤྱི་ལོ་༢༠༢༡་ལོའི་སྤྱི་ཚོགས་བདེ་རྩ་ལ་དམིགས་པའི་ལས་འཆར་ཞིག་གི་ཁོངས་སུ།  ཧྲང་ཧེ་གྲོང་ཁྱེར་ནང་གི་ཅཱ་ཏིན་ཁུལ་(嘉定区)དང་ས་གནས་ཀྱི་བཟོ་ལས་ཁང་གཉིས་ཀས་མཉམ་འབྲེལ་གྱི་ཐོག་ནས་མིས་བཟོས་རིག་སྟོབས་ཞོགས་ཟས་ཟ་ཁང་(“智能”早餐店)༦༠་ཙམ་གསར་རྒྱག་བྱས་ཡོད་འདུག 

ནན་ཞིང་ཚོང་དོན་ལྟེ་གནས་(南翔商务中心)་སུ་ལས་ཀ་གཉེར་བཞིན་པའི་བུ་མོ་ལིས་ལགས་ཀྱིས་བརྗོད་ན། “ཁྱེད་རང་ལས་ཁུངས་ཀྱི་ཕྱི་རུ་འགྲོ་མ་དགོས་པར་ཞོགས་ཟས་ཉོས་ཆོག་”ཟེར། མོས་མགྱོགས་པོར་འབྱོར་ཡོང་ཟེར་བའི་ཞོགས་ཟས་འཕྲུལ་ཆས་(“早点到”早餐机)ནང་ནས་འོ་མ་ཤོག་སྒམ་གང་དང་ཕི་ས་ཞིག་ཉོས་ཡོད་པ་རེད། 

རང་འགུལ་ཞབས་ཞུའི་ཞལ་ཟས་འཕྲུལ་ཆས་འདིའི་ནང་དུ་འོ་མ་དང་། བག་ལེབ་ཅུང་རྡོག  ཕི་ས་སོགས་ཟས་རིགས་འདྲ་མིན་སྣ་ཚོགས་ཤིག་ཡོད་འདུག 

ཞོགས་ཟས་ཀྱི་འཕྲུལ་ཆས་འདིས་ཟས་རིགས་སྣ་ཚོགས་དར་འཁྱག་ཏུ་འཇུག་པ་དང་། ཚ་བོ་བཟོ་པ་ལ་སོགས་པའི་བྱེད་ལས་སྣ་ཚོགས་ཤིག་རྩོམ་ཐུབ་ཀྱི་ཡོད་འདུག་ལ།  མི་ཞིག་གིས་ཟ་མ་མངགས་ཚར་བའི་རྗེས་སུ། འཕྲུལ་ཆས་འདིས་རང་འགུལ་གྱི་ཐོག་ནས་མངགས་ཉོ་བྱས་ཚར་བའི་ཟ་མ་དེ་ཚ་བོ་བཟོ་ཡི་ཡོད། མ་འོངས་པར་ཞོགས་ཟས་འཕྲུལ་ཆས་གང་མང་ཞིག  ཚན་རྩལ་བཟོ་ཚོང་ཁང་(高科技商务中心)དང་། ནན་ཞིན་རོལ་རྩེད་བཟོ་ཚོང་ཁང་།(南翔游戏产业园) གནམ་སྔོན་པོ་བྱ་བཞག་གསར་གཏོད་ཐང་ཆེན་(蓝天创业广场)སོགས་སུའང་འཛུགས་རྒྱུ་རེད་འདུག  

ཟླ་༣་པའི་ནང་དུ། ཅཱ་ཏིན་ཁུལ་དུ་ཞོགས་ཟས་འཕྲུལ་ཆས་གསར་པ་༦་ནས་༨་གསར་པ་ཁ་སྣོན་བྱེད་རྒྱུ་རེད་འདུག་ལ། སོས་ཧྲིན་པན(随申办市民云)་APP་བཀོལ་ཆས་དང་དྲ་ཐོག་གི་སྡིངས་ཆ་གཞན་དག་དང་མཉམ་འབྲེལ་བྱེད་རྒྱུ་རེད་འདུག  མི་མང་པོ་ཞིག་གིས་དྲ་ཐོག་གི་ལམ་ཁ་སྣ་མང་བརྒྱུད་དེ་རང་ཉིད་ལ་དགོས་པའི་ཟ་མ་མངགས་ཆོག་ལ། རྗེས་སུ། ཞལ་ཟས་འཕྲུལ་ཆས་ཀྱི་ནང་དུ་ཟ་མ་ལེན་དུ་འགྲོ་ཆོག་གི་ཡོད། 

ལོ་འདིའི་ལོ་མཇུག་བར་དུ། ཅཱ་ཏིན་ཁུལ་གྱིས་ཞལ་ཟས་འཕྲུལ་ཆས་༩༠་ལྷག་ཁ་སྣོན་བྱེད་རྒྱུ་རེད་འདུག