རྒྱལ་སྤྱིའི་གཞི་གྲངས་ལྷན་ཚོགས་ངོས་ནས་བཏོན་པའི་༢༠༢༠་ལོའི་སྙན་ཐོ་གསུམ་པའི་ནང་དུ། ཀོ་རི་ཡའི་ཁ་པར་གྱི་ཚོང་རྟགས་གྲགས་ཅན་སེམས་སོང་དེ། འཛམ་གླིང་ནང་གི་ཁ་པར་ཚོང་འགྲེམས་གཞི་རྒྱ་ཁྱབ་ཆེ་ཤོས་དེ་ཡིན་པ་གསལ་ཡོད།
ཏོག་དབྱིབས་ནད་དུག་གིས་འཛམ་གླིང་ཁྱོན་ཡོངས་ཀྱི་ཚོང་ལས་སྡེ་ཁག་ལ་ཤུགས་རྐྱེན་ཆེན་པོ་སྤྲད་ཡོད་པ་བཞིན། རྒྱལ་སྤྱིའི་གཞི་གྲངས་ལྷན་ཚོགས་ཀྱིས། ཏོག་དབྱིབས་ནད་དུག་གི་དབང་གིས་འཛམ་གླིང་ནང་ཁ་པར་ཚོང་འགྲེམས་ཀྱི་བརྒྱ་ཆ་༩ ཙམ་མར་ཆགས་ངེས་པའི་ཚོད་དཔག་བྱས་ཡོད་ཀྱང་། ད་ལོའི་ཟླ་༧་པ་ནས་༩་པའི་བར་དུ། འཛམ་གླིང་ནང་ཁ་པར་གྲངས་ས་ཡ་353.6 ཙམ་ཚོང་འགྲེམས་བྱས་ཡོད་པས།ཁ་པར་གྱི་ཁྲོམ་ར་དེ་ཉམས་ཞིབ་པ་ཚོའི་ཚོད་དཔག་ནས་རིང་དུ་བརྒལ་ཡོད།
སྙན་ཐོ་དེར་གཞིར་བཞག་ན། ད་ལོའི་སྟོན་ཁར། ཞའོ་མིས་ཁ་པར་གྱི་ཚོང་འགྲེམས་ཀྱི་ཁྱབ་རྒྱ་དེ་ཀུ་ཤུ་ཁ་པར་ལས་བརྒལ་ཡོད་སྟབས། ཞའོ་མིས་ཁ་པར་དེ་འཛམ་གླིང་ནང་གི་ཁ་པར་ཚོང་རྟགས་ཁྱབ་ཆེ་ཤོས་གསུམ་པ་དེ་ཆགས་ཡོད། ཞའོ་མིས་ཁ་པར་གྱིས་འཛམ་གླིང་གི་ཁ་པར་ཁྲོམ་རའི་བརྒྱ་ཆ་༡༣.༡ ཟིན་ཡོད་ལ། ཚོང་འགྲེམས་ཀྱི་གྲངས་ཀ་ས་ཡ་༤༦.༥་བརྒལ་ཡོད། རིན་གོང་ཆུང་བ་དང་འབྲིང་ཙམ་གྱི་ཁ་པར་འདིའི་རིགས། རྒྱ་གར་ལྟ་བུའི་ཡར་རྒྱས་འགྲོ་བཞིན་པའི་རྒྱལ་ཁབ་ཁག་གི་ནང་དུ་དགོས་མཁོ་ཆེ་རུ་ཕྱིན་པས། ཞའོ་མིས་ཁ་པར་ཚོང་འགྲེམས་གྱི་བརྒྱ་ཆ་༤༢་ཡར་འཕར་ཡོད་འདུག
