ZOM

འདས་པའི་ལོ་ཁ་ཤས་ཀྱི་རིང་དུ། བདག་གིས་བོད་ཁུལ་གྱི་འཕྲུལ་རིག་གི་འཕེལ་རྒྱས་སྐོར་ལ་དོ་སྣང་བྱས་པ་ཡིན་ལ། གོ་རིམ་དེའི་ཁྲོད་དུ། བོད་པ་ཕལ་ཆེ་བས་ཀུ་ཤུ་ཁ་པར་བཀོལ་སྤྱོད་བྱེད་ཀྱི་ཡོད་པ་ཤེས་རྟོགས་བྱུང་། འདས་པའི་དུས་སུ། བོད་པ་ཚོས་ཀུ་ཤུ་ཁ་པར་ཉོ་དགོས་པའི་རྒྱུ་མཚན་ནི། ཁ་པར་གཞན་དག་གི་ནང་དུ་སྔོན་ཚུད་ནས་བོད་ཡིག་མེད་སྟབས་སྤྱོད་བདེ་པོ་མེད། ཡིན་ནའང་། དེང་གི་དུས་སུ། ཀུ་ཤུ་དང་ཨན་ཌོ་ཁ་པར་གཉིས་ཀའི་ནང་དུ་བོད་ཡིག་གི་ཡིག་གཟུགས་ཡོད་པས། ཚོང་རྟགས་གཅིག་པུར་བལྟས་ཏེ་ཀུ་ཤུ་ཁ་པར་ཉོ་བའི་དུས་སྐབས་དེ་རྫོགས་ཚར་ཡོད། གཤམ་དུ་ཀུ་ཤུ་ཁ་པར་གྱི་ཚབ་ཏུ་ཨན་ཌོ་ཁ་པར་ཉོས་ན་བཟང་བའི་རྒྱུ་མཚན་ལྔ་བགྲངས་ཡོད།  ཀུ་ཤུ་ཁ་པར་སྤྱོད་མཁན་གྱི་གཞི་གྲངས་ཁག་ཀུ་ཤུ་བཟོ་ཚོང་ཁང་གིས་རྒྱ་ནང་དུ་ཉར་ཚགས་བྱེད་དུ་བཅུག་ཡོད། ཀུ་ཤུ་བཟོ་ཚོང་ཁང་ལ། སྲིད་གཞུང་གིས་དོ་དམ་འོག་ཡོད་པའི་རྒྱ་ནང་གི་བཟོ་ལས་ཁང་ཞིག་གིས་སྟངས་འཛིན་བྱེད་ཀྱིན་པའི་གཞི་གྲངས་ལྟེ་གནས་ཤིག་ཀོས་ཀྲུག་ཞིང་ཆེན་ནང་དུ་ཡོད་ལ། གཞི་གྲངས་ལྟེ་གནས་གཞན་དེ་ནང་སོག་ཏུ་ཡོད།  ཉེ་ལམ་རྒྱ་ནང་གི་ཀུ་ཤུ་འཛད་སྤྱོད་པས་སྤྲིན་སྟེང་ཀོས་ཀྲུག་(云上贵州，全称云上贵州大数据产业发展有限公司)ཟེར་བའི་ཀུ་ཤུའི་ཞབས་ཞུ་མཁོ་སྤྲོད་བྱེད་མཁན་གྱི་བཟོ་ལས་ཁང་དེའི་སྤྲིན་མཛོད་ཀྱི་ཞབས་ཞུ་ངོས་ལེན་བྱེད་དགོས་པའི་ཆ་རྐྱེན་ཞིག་ཀུ་ཤུ་བཟོ་ཚོང་ཁང་གིས་གསར་དུ་བསྐྲུན་ཡོད། ཀུ་ཤུ་བཟོ་ཚོང་ཁང་གིས་འགྱུར་བ་དེ་གཏོང་དགོས་པའི་དམིགས་ཡུལ་ནི།…