འཕྲུལ་རིག་བསྐྱར་ཞིབ།

འཛམ་གླིང་ཡོངས་རྫོགས་བརྡ་འཕྲིན་ཅན་དུ་གྱུར་བས། འཕྲུལ་རིག་ལག་རྩལ་དང་གློག་ཆས་སོགས་ང་ཚོའི་འཚོ་བའི་ཆ་ཤས་ཤིག་ཏུ་གྱུར་ཡོད། སློབ་མ་ཚོ་དངོས་སུ་སློབ་གྲྭར་བསྐྱོད་མ་དགོས་པར་དྲ་ལམ་ནས་འཛིན་གྲྭ་འཚོགས་པ་དང་། ལས་ཁུངས་ཀྱི་ལས་ཀ་མང་དག་ཅིག་ཁྱིམ་ནས་སྒྲུབ་པ། ལྷག་པར་དུ། ནད་དུག་གི་དུས་སྐབས་འདིར། མི་མང་པོ་ཞིག་གི་ལས་ཀའི་ཐོན་སྐྱེད་ནུས་ཤུགས་སམ་གྲུབ་འབྲས་ཀྱང་འཕྲུལ་རིག་ཡོ་ཆས་དང་འབྲེལ་བ་དམ་ཟབ་ཆགས་ཡོད།  དེང་སང་། སྐུད་མེད་རྣ་ཉན་རིགས་སྐུད་མེད་དྲ་བའི་ཁྱད་ཆོས་ཡོད་པའི་རྩིས་འཕྲུལ་དང་། རྩིས་འཕྲུལ་ལེབ་མོ། ཁ་པར་སོགས་ཚང་མའི་ནང་དུ་བཀོལ་སྤྱོད་བྱེད་ཐུབ་ཀྱི་ཡོད། ཉིན་མ་རེ་རེར་ཐོན་རྫས་གསར་པ་སྣ་མང་ཞིག་འདོན་སྤེལ་བྱེད་ཀྱི་ཡོད་སྟབས། མཚམས་རེར་ཐོན་རྫས་གང་ཞིག་རང་ཉིད་ཀྱི་དགོས་མཁོ་དང་དངུལ་གྱི་སྔོན་རྩིས་དང་འཚམ་མིན་ཐག་གཅོད་བྱེད་དཀའ་མོ་ཆགས་ཀྱི་ཡོད། གང་ལྟར། རྣ་ཉན་གང་རུང་ཞིག་མ་ཉོས་པའི་སྔོན་དུ། ང་ཚོས་ངེས་པར་དུ་དོན་ཚན་གལ་ཆེན་ཁག་ཅིག་གི་ཐོག་ལ་ཞིབ་ཏུ་བསམ་བློ་གཏོང་དགོས། སྦུག་སྒྲའི་སྤུས་ཚད། སྦུག་སྒྲས་སྐད་སྒྲ་དང་རོལ་དབྱངས་སོགས་ལ་དབྱངས་རྟ་མཁོ་སྤྲོད་བྱེད་ཀྱི་ཡོད་ལ།…

ཁ་པར་གྱི་འཆར་ངོས་ཆེན་པོ་ལ་དགའ་མཁན་ཞིག་ཡིན་ན། སེམས་སོང་ཁ་པར་འདི་ནི་ཁྱེད་ལ་དགོས་པ་དེ་ཡིན། གང་ཡིན་ཞེ་ན། ཁ་པར་འདི་ནི། སྤྱི་ལོ་༢༠༢༡་ལོར་འདོན་སྤེལ་བྱས་པའི་ཨན་ཌོ་ཁ་པར་ཚང་མའི་གྲས་ཀྱི་ཁ་པར་ཡག་ཤོས་ཅིག་ཆགས་ཀྱི་ཡོད། ཁ་པར་འདི་ལ་ཡོད་པའི་ཁྱད་ཆོས་དམིགས་བསལ་ཞིག་ནི། ཁ་པར་སྟེང་གི་མདུན་རྒྱབ་ཀྱི་པར་ཆས་གཉིས་ཀ་དུས་མཉམ་དུ་བཀོལ་སྤྱོད་བྱས་ཏེ་བརྙན་ལེན་ཐུབ་ཀྱི་ཡོད་པ་དེ་ཡིན་ལ། རྒྱང་རིང་གི་ཡུལ་ལྗོངས་དང་ཅ་ལག་སོགས་མདུན་ལ་ཤུགས་ཆེར་འཐེན་ཐུབ་པ་གང་ཞིག་ལ། པར་གྱི་སྤུས་ཚད་ཞན་དུ་མི་འགྲོ་བ་དེའང་མི་ཚོས་དགའ་མོས་བྱ་སའི་ཁ་པར་འདིའི་ཁྱད་ཆོས་གཞན་ཞིག་ཡིན།  དེ་མ་ཟད། ཁ་པར་འདིའི་སྟེང་དུ། འཛད་སྤྱོད་པས་སེམས་སོང་ཚང་གིས་བཟོས་པའི་S Pen་གློག་སྙུག་ཡང་བཀོལ་སྤྱོད་བྱེད་ཆོག་གི་ཡོད། ཁ་པར་འདིའི་རྒྱབ་ངོས་ཤེལ་གྱིས་བཟོས་ཡོད་ལ། ཁ་པར་གྱི་བོངས་ཚད་ཏོག་ཙམ་ཆེན་པོ་ཡོད་སྟབས། ཁ་པར་བཀོལ་སྤྱོད་ཡག་པོ་བྱེད་པ་ལ། ལག་པ་གཉིས་ཀ་དགོས་ཀྱི་ཡོད། འདི་ནི་སྐྱོན་ཆ་ཞིག་ཡིན་ལ།…

Oppo A74 5G ཁ་པར་ནི། རིན་གོང་མི་མཐོ་བའི་5G དྲ་བ་རྒྱབ་སྐྱོར་བྱེད་མཁན་གྱི་ཨན་ཌོ་ཁ་པར་ཐོན་གསར་པ་ཞིག་ཡིན་ལ། ཁ་པར་འདིའི་ནང་དུ་ཉིན་མོའི་དུས་སུ་བླངས་པའི་པར་གྱི་སྤུས་ཚད་ལེགས་ཀྱང་། ཉི་འོད་མེད་པའི་དུས་སུ་བླངས་པའི་པར་གྱི་སྤུས་ཚད་ཞན་པོ་ཡོད་པ་དེས་འཛད་སྤྱོད་པ་མང་པོ་ཞིག་སེམས་ཤུགས་ཆགས་སུ་བཅུག་ཡོད། དེར་བརྟེན། པར་ཆས་གཅིག་པུའི་ངོས་ཐད་ནས་བཤད་ན། ཁ་པར་ཐོན་གསར་པ་འདི་ལ་དམིགས་བསལ་གྱི་ཡར་རྒྱས་ཆེན་པོ་གང་ཡང་བཏང་མེད། ཁ་པར་འདིའི་རིན་གོང་གཅིག་པ་ཡིན་པའི་4G ཁ་པར་ཁ་ཤས་ཀྱི་པར་ཆས་ཁ་པར་འདིའི་པར་ཆས་ལས་ལེགས་པ་ཡོོད།  Oppo A74 ཁ་པར་ཐོན་གསར་པ་འདི་ཨོ་ཕོ་Oppo A54་དང་ཧ་ཅང་འདྲ་བོ་ཡོད། ཁ་པར་ཐོན་གསར་རྙིང་འདི་གཉིས་ཀྱི་མི་འདྲ་ས་གཙོ་བོ་ནི།…

དེང་སང་དྲ་སྟེང་དུ། ཁྲོམ་རར་གསར་དུ་སླེབས་པའི་ཀུ་ཤུ་ཁ་པར་ཐོན་༡༣་སྐོར་ལ་གནས་ཚུལ་མང་པོ་ཞིག་ཐོན་གྱི་ཡོད་པ་བཞིན། འདིར་ཕྲན་གྱིས་ཁ་པར་གསར་པ་འདིའི་སྐོར་ལ་བསྐྱར་ཞིབ་ཐུང་ཐུང་ཞིག་འབྲི་འདོད་བྱུང་། དེ་ཡང་ཀུ་ཤུ་ཁ་པར་ཐོན་༡༣་པའི་འཆར་འགོད་ཀྱི་ཐད་ལ་འགྱུར་བ་བཏང་ཡོད་པ་མ་ཟད། ཁ་པར་གྱི་པར་ཆས་དང་གློག་རྫས་སོགས་ཀྱི་ནུས་ཤུགས་ཀྱང་ཆེ་རུ་བཏང་ཡོད་འདུག  ད་དུང་། འཛད་སྤྱོད་པ་ཚོའི་འདོད་མོས་བཞིན་ཁ་པར་གྱི་ཚོན་མདོག་ཀྱང་སྣ་མང་ཞིག་བཟོས་འདུག ཁ་པར་འདོན་སྤེལ་གྱི་དུས་ཚེས། ཀུ་ཤུ་བཟོ་ཚོང་ཁང་གཞུང་འབྲེལ་གྱི་ཐོག་ནས་ཀུ་ཤུ་ཁ་པར་ཐོན་༡༣་དེ་ཕྱི་ལོ་༢༠༢༡་ལོའི་ཟླ་༩་ཚེས་༢༤་ཉིན་འདོན་སྤེལ་བྱས་ཡོད།  ཀུ་ཤུ་ཁ་པར་ཐོན་༡༣་ལ་རིགས་མི་འདྲ་བ་བཞི་ཡོད་དེ། དེ་དག་ནི། iPhone 13, iPhone 13 Mini, iPhone 13…

ལྷོ་ཁོ་རི་ཡའི་འཕྲུལ་རིག་བཟོ་ལས་ཁང་གྲགས་ཅན་སེམས་སོང་བཟོ་ལས་ཁང་གིས་གསར་དུ་འདོན་སྤེལ་གནང་བའི་ལྟེབ་ཆོག་པའི་སེམས་སོང་ཁ་པར་ཐོན་༣་པའི་སྐོར་ལ་རོབ་ཙམ་བསྐྱར་ཞིབ་བྱེད་རྒྱུ་ཡིན། ལྟེབ་ཆོག་པའི་སེམས་སོང་ཁ་པར་ཐོན་༣་པ་དེ་འདོན་ཐེངས་སྔོན་མ་ཁག་དང་བསྡུར་ན། བོངས་ཚད་ཀྱི་ཆ་ནས་ཆེ་བ་མ་ཟད། སྤུས་ཚད་ཀྱི་ཐད་ནས་ཀྱང་སྔར་ལས་མཐོ་བ་ཡོད་འདུག   ལྟེབ་ཆོག་པའི་ཁ་པར་ཁག་གི་གདོང་ལེན་བྱེད་དགོས་པའི་གནད་དོན་གཙོ་བོ་གཉིས་ནི། ཁ་པར་གྱི་འདང་ཚད་(ཚེ་ཚད)དང་མཉེན་ཆས་གཉིས་ཆགས་ཀྱི་ཡོད་པ་བཞིན། སེམས་སོང་བཟོ་ལས་ཁང་གིས་གནད་དོན་དེ་གཉིས་ཀའི་ཐོག་ཏུ་ཤུགས་སྣོན་རྒྱག་བཞིན་ཡོད། དེང་སང་གི་ཁ་པར་ཕལ་ཆེ་བར་ཆུ་འགོག་གི་ནུས་པ་ཡོད་ཀྱང་། ལྟེབ་ཆོག་པའི་ཁ་པར་ཁག་གི་ནང་དུ་ཆུ་འགོག་གི་ནུས་པ་བསྐྲུན་རྒྱུ་དེ་དཀའ་ངལ་ཆེན་པོ་ཞིག་ཆགས་ཀྱི་ཡོད།  ཡིན་ནའང་། ལྟེབ་ཆོག་པའི་སེམས་སོང་ཁ་པར་གསར་པ་འདིའི་ནང་དུ། ད་གཟོད། ང་ཚོས་གཞི་ནས་ཆུ་འགོག་གི་ནུས་པའི་གྲུབ་ཆ་ཁག་ཅིག་མཐོང་ཐུབ་ཀྱི་ཡོད། ཁ་པར་གསར་པ་འདིའི་ཆུ་འགོག་གི་ནུས་པའི་ཚད་གཞི་དེ་ IP68མ་ཡིན་པར། IPX8 ཡིན་ལ། དེའི་དོན་ནི།…

ཉེ་བའི་ལོ་ཁ་ཤས་ཀྱི་ནང་དུ། གསང་སྡོམ་དངུལ་སྒོར་ཁག་འཛམ་གླིང་གི་ས་ཆ་སོ་སོའི་ནང་གི་གསར་འགྱུར་བརྒྱུད་ལམ་ཁག་གི་གསར་འགྱུར་གྱི་འགོ་བརྗོད་གཙོ་བོ་དེ་ཆགས་ཡོད་པ་བཞིན། རྒྱལ་ཁབ་སོ་སོའི་སྲིད་གཞུང་གིས་ཀྱང་དཔལ་འབྱོར་གྱི་ཁྲོམ་ར་དོ་དམ་བྱེད་པའི་འབད་རྩོལ་བྱེད་ཀྱིན་ཡོད་རུང་། པི་ཐེ་དངུལ་ལོར(比特币)་དང་ཁྱི་ལོར་(狗币)སོགས་ཐེ་བའི་གསང་སྡོམ་དངུལ་སྒོར་གྱི་ཁྲོམ་རའི་ནང་དུ་མ་རྩ་འཛུགས་མཁན་གྱི་གྲངས་འབོར་ཆར་རྗེས་ཀྱི་ཤ་མོ་བརྡོལ་བ་ལྟར་འཕེལ་ཡོང་གི་ཡོད། གསང་སྡོམ་དངུལ་སྒོར་འདི་དག་གི་རྒྱབ་ཀྱི་འཕྲུལ་རྩལ་གྱི་མིང་ལ་སྡོམ་ཐག་(区块链)ཟེར།  སྡོམ་ཐག་ནི་ཅི་ཞིག་ཡིན།  སྡོམ་ཐག་ཟེར་བའི་ཐ་སྙད་འདི་སྐད་ཡིག་ཡོད་དོ་ཅོག་གི་ནང་དུ་ཅུང་ཟད་མགོ་ཉོག་ཅིག་ཏུ་མཐོང་གི་ཡོད། འོན་ཀྱང་། དོན་དངོས་ཐོག་སྡོམ་ཐག་གི་ལྟ་གྲུབ་བམ་སྤྱི་དོན་ནི་ཧ་ཅང་སྟབས་བདེ་ཞིག་ཡིན། སྡོམ་ཐག་ནི་གཞི་གྲངས་ཀྱི་རེའུ་མིག་ཅིག་ཡིན། གཞི་གྲངས་ཀྱི་རེའུ་མིག་ནི་རྩིས་འཕྲུལ་གྱི་མ་ལག་གི་ཁོངས་སུ་གློག་རྡུལ་གྱི་རྣམ་པའི་ཐོག་ཉར་ཚགས་བྱས་པའི་ཀུན་བཏུས་ཀྱི་ཆ་འཕྲིན་དང་གཞི་གྲངས་ལ་ཟེར། སྡོམ་ཐག་གིས་དབང་ཚད་ཆ་བགོས་ཀྱི་གཞི་གྲངས་སམ། གློག་རྡུལ་རྩིས་ཁྲ། ཉོ་ཚོང་གི་རྩིས་ཁྲ་སོགས་སྡོམ་ཐག་གི་དྲ་བའི་སྟེང་དུ་ཡོད་པའི་མི་ཚང་མར་མཐོང་དུ་འཇུག་གི་ཡོད། དྲ་བ་འདི་རྩིས་འཕྲུལ་མང་པོ་ཞིག་གི་ཕྲེང་བ་ཡིན་ལ། དེས་དྲ་བའི་སྟེང་གི་ཉོ་ཚོང་གི་བརྗེ་ལེན་མཐའ་དག་ར་སྤྲོད་དང་ཉར་ཚགས་མ་བྱས་པའི་གོང་དུ་ངེས་པར་དུ་ངོས་ལེན་བྱེད་དགོས་ཀྱི་ཡོད། སྡོམ་ཐག་ནི།  དུས་ཚོད་ཀྱི་ཐམ་རྟགས་བརྒྱབ་པའི་རིམ་པ་བསྟར་ཆགས་ཀྱི་གཞི་གྲངས…