འཕྲུལ་རིག་གསར་འགྱུར།

སྒོམ་ཆེན་ཟེར་བའི་གསང་མྱུལ་དྲ་འབུ་ཞིག་གིས་(Hermit移动间谍软件)ཨན་ཌོ་དང་ཀུ་ཤུ་ཁ་པར་གཉིས་ཀར་འཇབ་རྒོལ་བྱེད་པའི་དམིགས་ཡུལ་བཟུང་ཡོད་འདུག ཉེ་ལམ། ལག་རྩལ་ངོས་ཐད་ནས་ཧ་ཅང་ཚད་མཐོ་བའི་གསང་མྱུལ་དྲ་འབུ་ཞིག་གིས་ཡུ་རོབ་ཀྱི་དབྱི་ཏ་ལི་རྒྱལ་ཁབ་དང་། ཨེ་ཤེ་ཡའི་ཁ་རྫག་སི་ཐན་རྒྱལ་ཁབ་གཉིས་ཀྱི་ནང་གི་ཨན་ཌོ་དང་ཀུ་ཤུ་གཉིས་ཀར་འཇབ་རྒོལ་རྩོམ་གྱི་ཡོད་པའི་གནས་ཚུལ་ཞིག་དྲ་ལམ་དུ་ཁྱབ་ཡོད།  གཟའ་འཁོར་སྔོན་མའི་ནང་དུ། གྷོ་གྷིལ་བཟོ་ཚོང་ཁང་གི་འཇིགས་སྐུལ་དབྱེ་ཞིབ་ཚོགས་ཆུང་(谷歌威胁分析团队)གིས་བཏོན་པའི་ཟིན་བྲིས་ཤིག་གི་ནང་དུ།  འཇབ་རྒོལ་པས་སྒོམ་ཆེན་ཟེར་བའི་གསང་མྱུལ་དྲ་འབུ་ཞིག་བཀོལ་སྤྱོད་བྱས་པའི་ཐོག་ནས་ཁ་པར་ཡོ་ཆས་ཁག་ལ་འཇབ་རྒོལ་རྩོམ་ཐབས་བྱས་ཡོད་པའི་སྐོར་གྱི་གནས་ཚུལ་རྒྱས་འགྲེལ་གནང་ཡོད།  སྒོམ་ཆེན་ཟེར་བའི་གསང་མྱུལ་དྲ་འབུ་དེས་ག་རེ་བྱེད་ཐུབ་ཀྱི་ཡོད་དམ། སྒོམ་ཆེན་པའི་མཉེན་འབུ་དེ་གསང་མྱུལ་དྲ་འབུ་ཞིག་ཡིན་ལ། མཉེན་འབུ་དེ་འཛད་སྤྱོད་པའི་ཁ་པར་ནང་དུ་ནང་འཇུག་བྱས་ཚར་ན། དེས་ཁ་པར་གྱི་སྐད་སྦུག་སྤྱད་པའི་ཐོག་ནས་སྒྲ་ལེན་ཐུབ་ཀྱི་ཡོད་ལ། འཛད་སྤྱོད་པའི་ཆོག་མཆན་མེད་པའི་ཐོག་ནས་མི་གཞན་ལ་ཁ་པར་གཏོང་ཐུབ་ཀྱི་ཡོད་པ་མ་ཟད། དེ་མིན་གྱི་བྱེད་སྒོ་གང་མང་ཞིག་རྩོམ་ཐུབ་ཀྱི་ཡོད།  ཁ་པར་ནང་གི་ནད་དུག་འགོག་བྱེད་ཀྱི་མཉེན་ཆས་Lookout བཟོ་སྐྲུན་བྱེད་མཁན་གྱིས་བཟོ་ལས་ཁང་གིས་བརྗོད་ན། གསང་མྱུལ་དྲ་འབུ་དེས། འཛད་སྤྱོད་པའི་ཁ་པར་ནང་གི་ཡིག་ཟམ་གྱི་གནས་ཚུལ་ཆ་ཚང་དང་། ཁ་པར་ནང་གི་འབྲེལ་ཐོ། དེ་བཞིན།…

མི་ཚང་མས་རེ་སྒུག་བྱ་སའི་ཀུ་ཤུའི་མ་ལག་ཐོན་༡༦ ད་ཆ་དངོས་སུ་འགྲེམས་སྤེལ་གནང་ཟིན་པར་ལྟར། འདིར་ཕྲན་གྱིས་མ་ལག་ཐོན་གསར་པ་དེའི་ནང་གི་འབུར་དུ་ཐོན་པའི་ཁྱད་ཆོས་ཁག་༡༡་ཙམ་རྒྱ་ཆེ་བའི་ཀློག་པ་པོ་ཚོའི་སྤྱན་ལམ་དུ་འབུལ་རྒྱུ་ཡིན། ༡   ༽   འཕྲིན་ཐུང་། ནམ་རྒྱུན་ང་ཚོས་ཁ་པར་ནང་མི་གཞན་ལ་འཕྲིན་ཐུང་ཞིག་བཏང་ཚར་བ་ཡིན་ན། འཕྲིན་ཐུང་དེའི་ནང་དུ་ནོར་འཁྱུག་སོགས་ག་འདྲ་ཞིག་ཡོད་ནའང་། དེ་ལ་འགྱུར་བ་གཏོང་ཐབས་མེད། འོན་ཀྱང་། ད་ཆ། ཁྱེད་ཀྱིས་སོ་སོའི་ཀུ་ཤུའི་མ་ལག་ཐོན་༡༡་པའི་ཐོག་ཏུ་གསར་སྣོན་བྱས་ཚེ། ཁ་པར་ནང་བཏང་ཚར་བའི་འཕྲིན་ཐུང་ཁག་གི་ནང་དོན་ལ་སྐབས་ཐོག་ཏུ་འགྱུར་བ་གཏོང་ཆོག་པ་མ་ཟད། འཕྲིན་ཐུང་དེ་དག་ཕྱིར་འཐེན་ཡང་བྱེད་ཐུབ་ཀྱི་ཡོད། དེ་མ་ཟད། ཁྱེད་ལ་འཕྲིན་ཐུང་ཞིག་འབྱོར་སྐབས། དེ་ལ་སྐབས་ཐོག་ཏུ་ལན་འདེབས་མི་ཐུབ་ཚེ། འཕྲིན་ཐུང་དེར་རྟགས་བརྒྱབ་སྟེ་བཀླགས་མེད་པའི་ཁོངས་སུ་བཅུག་ཆོག་པས།ཁྱེད་ལ་འཕྲིན་ཐུང་ཞིག་འབྱོར་ཡོད་པ་བརྗེད་དུ་མི་འཇུག…

དེང་སང་དྲ་ཐོག་ཏུ་མི་མང་པོ་ཞིག་གིས། འཛམ་གླིང་ནང་སྙན་གྲགས་ཆེ་བའི་ཁྲེ་སི་ལ་（特斯拉）གློག་འཁོར་བཟོ་ལས་ཁང་གིས་མི་འགྱངས་པར་གསར་བརྗེ་རང་བཞིན་ལྡན་པའི་ཁྱད་ཆོས་སྣ་འཛོམས་ཅན་གྱི་ཁ་པར་ཞིག་འདོན་སྤེལ་བྱེད་རྒྱུ་ཡིན་སྐོར་གྱི་གནས་ཚུལ་ཤུགས་ཆེར་ཁྱབ་སྤེལ་གཏོང་གི་ཡོད། གནས་ཚུལ་དེ་བདེན་པ་ཡིན་ནམ། གཤམ་དུ་ངས་ཁྱེད་ཚོར་ཁྲེ་སི་ལ་ཁ་པར་སྐོར་ལ་ཞིབ་ཏུ་འགྲེལ་ཆོག ཁྲེ་སི་ལ་ནི་འཛམ་གླིང་ནང་གི་གློག་འཁོར་བཟོ་མཁན་གྱི་བཟོ་ལས་ཁང་གྲགས་ཆེ་ཤོས་དེ་ཡིན་ལ། ཁ་སང་དེ་རིང་། བཟོ་ལས་ཁང་དེས་Model S, Model 3, Model X, and Model Y་སོགས་གློག་འཁོར་གྱི་མ་དཔེ་མི་འདྲ་བ་ཁག་བཞི་འཚོང་གི་ཡོད། བཟོ་ལས་ཁང་དེའི་བདག་པོ་ཨེ་ལང་མ་སི་ཁིག(伊朗马斯克)་གིས་ཁྲེ་སི་ལ་ཁ་པར་ཞིག་འདོན་སྤེལ་བྱེད་རྒྱུའི་བསྒྲགས་གཏམ་གང་ཡང་སྤེལ་མེད་ཀྱང་། སྤྱི་ལོ་༢༠༡༡་ལོའི་ཟླ་༢་པའི་ནང་དུ། མི་ཞིག་གིས་ཡོ་ཁྲོ་ཕི་དྲ་བརྙན་གྱི་ནང་དུ་ཁྲེ་སི་ལ་ཁ་པར་ག་འདྲ་ཡོད་མེད་ཀྱི་་བརྙན་ཐུང་ཞིག་བཟོས་ཏེ།…

མཉམ་འབྲེལ་རྒྱལ་ཚོགས་ཀྱི་སློབ་གསོ་དང་། ཚན་རིག རིག་གནས་རྩ་འཛུགས་དང་མཉམ་འབྲེལ་གྱི་ཐོག་ནས་བསྒྲུབས་པའི་Talkmate ཟེར་བའི་ཁ་པར་གྱི་བཀོལ་ཆས་དེས་གཞུང་གི་སྲིད་ཇུས་ལ་ཁ་གཡར་ཏེ་བོད་སྐད་ཡིག་བཀག་སྡོམ་བྱས་ཡོད་འདུག Talkmate ཟེར་བའི་བཀོལ་ཆས་དེ་ནི་པེ་ཅིན་གྱི་(北京酷语言时代教育科技有限公司)སྐད་ཡིག་ཚན་རྩལ་སྤྱི་གཉེར་ཁང་བཟོས་ཡོད་པ་དང་། དེའི་ནང་དུ་ཨ་རབ་ཀྱི་སྐད་དང་། ཡུ་རོབ་རྒྱལ་ཁབ་འདྲ་མིན་གྱི་སྐད་སོགས་འཛམ་གླིང་གི་སྐད་ཡིག་མི་འདྲ་བ་༡༠༠་ལྷག་ཙམ་གྱི་ནང་སློབ་ཁྲིད་མཁོ་སྤྲོད་བྱེད་ཀྱི་ཡོད་སྟབས། བཟོ་ཚོང་ཁང་འདིས་རང་ཉིད་ཀྱི་སྣ་མང་རང་བཞིན་ངོམ་སོ་བྱེད་ཀྱི་ཡོད། ཡིན་ནའང་བོད་སྐད་ཡིག་བཀག་སྡོམ་བྱས་པ་དེས་གྲངས་ཉུང་མི་རིགས་ཀྱི་སྐད་ཡིག་དང་། མི་རིགས་འདྲ་མཉམ་ལྟ་ཚུལ་ལ་རྒྱབ་འགལ་བྱས་ཡོད།  བཟོ་ཚོང་ཁང་དེས་བོད་ཡིག་བཀག་སྡོམ་བྱས་པའི་ཉིན་ཁ་ཤས་ཀྱི་རྗེས་སུ། ཡང་བསྐྱར་རྒྱ་ནང་གི་དྲ་ལམ་ཐད་གཏོང་གི་བཀོལ་ཆས་གྲགས་ཅན་Bilibili  དེའི་ནང་ནས་ཀྱང་བོད་ཡིག་བཀག་སྡོམ་བྱས་ཡོད་འདུག  འོན་ཀྱང་། བོད་ཡིག་བཀག་སྡོམ་བྱེད་མཁན་གོང་གི་བཀོལ་ཆས་གཉིས་ཀ་ཁོ་ན་མིན། དཔེར་ན། མགྱོགས་འཕྲིན་དང་འཁྱུག་དབྱངས་སོགས་ཐད་གཏོང་བཀོལ་ཆས་གཞན་ཁག་གི་ནང་དུའང་བོད་ཡིག་བཀག་སྡོམ་བྱེད་ཀྱི་ཡོད། …

ན་ནིང་ནས་བཟུང་། སྲིད་གཞུང་གིས་འཕྲུལ་རིག་བཟོ་ཚོང་ཁང་ཁག་གི་ཐོག་ཏུ་དམ་བསྒྲགས་ཤུགས་ཆེ་རུ་གཏོང་འགོ་བཙུགས་ཡོད་ལ། དེའི་ཁོངས་སུ་རྒྱལ་ནང་གི་འཕྲུལ་རིག་བཟོ་ལས་ཁང་གྲགས་ཆེ་ཤོས་ཐིན་ཞུན་(腾讯)ཡང་ཚུད་ཡོད། དཔེར་ན། ཉེ་ལམ་རྒྱལ་ནང་གི་འཕྲུལ་རིག་བཟོ་ལས་ཁང་ཁག་གིས་བཟོས་པའི་བཀོལ་ཆས་སྣ་མང་ཞིག་གིས་འཛད་སྤྱོད་པའི་ཐོབ་ཐང་དང་ཁེ་ཕན་རྩིས་མེད་བཏང་བ་བརྗོད་དེ། སྲིད་གཞུང་གིས་བཀའ་རྒྱ་གསར་པ་ཞིག་བཏང་ཡོད། བཀའ་རྒྱ་དེ་ནི། འཕྲུལ་རིག་བཟོ་ཚོང་ཁང་ཁག་གིས་སོ་སོའི་བཀོལ་ཆས་(APP)གསར་པ་དང་། མ་ལག་གསར་སྣོན་ཁག་ཁྲོམ་རར་ཁྱབ་སྤེལ་མ་བྱས་པའི་སྔོན་དུ། དང་ཐོག་སྲིད་གཞུང་ལ་རྩིས་སྤྲོད་བྱས་ཏེ། ཞིབ་བཤེར་བྱེད་དུ་འཇུག་དགོས་ཀྱི་ཡོད་པ་དེ་རེད། “ང་ཚོས་དུས་རྒྱུན་དུ་འཛད་སྤྱོད་པ་ཚོའི་ཁེ་ཕན་སྲུང་སྐྱོབ་བྱེད་པའི་ཆེད་དུ། བཀོལ་ཆས་ཁག་ནང་གི་དེ་འབྲེལ་གྱི་ཁྱད་ཆོས་ཁག་ཡར་རྒྱས་གཏོང་བའི་ལས་དོན་གྱི་ཐོག་ཏུ་ཤུགས་སྣོན་རྒྱག་གི་ཡོད་ལ། དུས་མཚུངས་སུ། གཞུང་གི་འབྲེལ་ཡོད་ལྟ་སྐུལ་དོ་དམ་ཚན་པའི་ལམ་སྟོན་སྒྲིག་གཞི་ཁག་ཀྱང་བརྩི་སྲུང་བྱེད་ཀྱི་ཡོད་”ཅེས་ཐིན་ཞུན་བཟོ་ཚོང་ཁང་གིས་མགྲིན་ཚབ་པས་བརྗོད་ཡོད།  དེ་ཡང་གནས་ཚུལ་ཡོངས་ཁུངས་གཞན་ཞིག་གི་ནང་དུ་འཁོད་གསལ་ལྟར་ན། རྒྱལ་ཡོངས་བཟོ་ལས་དང་ཆ་འཕྲིན་ལག་རྩལ་ལྷན་ཁང་གིས་ཟླ་༡༡་པའི་ཚེས་༣༡་བར། ཁ་པར་བཀོལ་ཆས་དང་གསར་སྣོན་ཡོངས་རྫོགས་བཀོལ་ཆས་ཕབ་ལེན་གྱི་མཛོད་དུ་ཡར་འཇུག་མ་བྱས་པའི་སྔོན་དུ།…

ད་ལོ་ཁྲི་འདུ་གྲོང་ཁྱེར་ནང་དུ་ལོ་འཁོར་ཐེན་ཧྥུ་བུམ་པ(天府杯)་ཟེར་བའི་་རྒྱལ་སྤྱིའི་ནག་ཚོགས་མགྲོན་པོའི་(黑客)འགྲན་བསྡུར་དེ་འཚོགས་ཡོད། འགྲན་བསྡུར་འདི་ནི། རྒྱ་ནང་གི་ནག་ཚོགས་མགྲོན་པོ་(བདེ་འཇགས་ཉམས་ཞིབ་མི་སྣ)རྩེ་ཕུད་ཁག་གིས་ཁོང་ཚོའི་ཐུན་མོང་གི་ནུས་སྟོབས་ངོམ་སའི་སྡིངས་ཆ་ཞིག་ཆགས་ཡོད། དེ་ཡང་། གཟའ་འཁོར་སྔོན་མའི་གཟའ་མཇུག་ཏུ་འཚོགས་པའི་འགྲན་བསྡུར་དེའི་ཁྲོད་དུ། འཕྲུལ་རིག་ནག་ཚོགས་མགྲོན་པོ་རྩེ་ཕུད་ཁག་གིས་ཀུ་ཤུ་ཁ་པར་གསར་ཤོས་ཐོན་༡༣་པ་དང་། དེའི་ནང་གི་མ་ལག་ཐོན་གསར་ཤོས་(iOS 15.0.2) ཡིན་པའི་ཁ་པར་ལ་གཏོར་རྒོལ་ཐེངས་གཉིས་བྱེད་ཐུབ་པ་བྱུང་ཡོད། ཁུ་ནུ་ཚོད་ལྟ་རུ་ཁག་(昆仑实验室)(ཚོགས་པ་འདིའི་སྤྱི་ཁྱབ་འགན་འཛིན་གྱིས་དེ་སྔོན་奇虎360 ཡི་འཕྲུལ་རིག་སྤྱི་ཁྱབ་འགན་འཛིན་གྱི་ལས་གནས་འཁུར་མྱོང་།)གིས་ཀུ་ཤུ་ཁ་པར་ནང་གི་སྔར་ཡོད་ཀྱི་དྲ་རྒྱ་བཤེར་ཆས་ས་ཧྥ་རེ(Safari )ནང་ལ་རྒྱང་རིང་གི་ཨང་ཚབ་ལག་བསྟར་བྱེད་པའི་ཐབས་ལམ་བེད་སྤྱད་དེ་འགྲན་བསྡུར་གྱི་གར་སྟེགས་ཐོག་ ཀུ་ཤུ་ཁ་པར་iPhone 13 Pro་ནང་དུ་འཇབ་རྒོལ་རྩོམ་ཐུབ་ལ། འཇབ་རྒོལ་་དེ་རྩོམ་པར་དུས་ཡུན་སྐར་ཆ་བཅོ་ལྔ་ཙམ་ལས་འགོར་མེད། འཇབ་རྒོལ་དེ་སྡིངས་ཆའི་སྟེང་དུ་སྟོན་པར་ཁོང་ཚོས་ཟླ་བ་ཁ་ཤས་རིང་དུ་གྲ་སྒྲིག་བྱས་ཡོད་པ་ནི་བཤད་མ་དགོས་པ་ཞིག་རེད། ཡིན་ནའང་འཇབ་རྒོལ་གྱི་མྱུར་ཚད་དེས་ཡོད་ཚད་སེམས་འཚབ་ཀྱི་མཚོ་རླུང་ཁྲོད་དུ་བསྐྱེལ་ཡོད།…