འཕྲུལ་རིག་གསར་འགྱུར།

མིས་བཟོས་རིག་ནུས། 人工智能 Artificial Intelligence ཉེ་ལམ་རྒྱལ་སྤྱིའི་སྟེང་དུ་མིས་བཟོས་རིག་ནུས་ལ་བརྟེན་པའི་འཕྲུལ་མི་(Chat GPT) ཟེར་བ་འདི་སྐད་གྲགས་ཆེན་པོ་ཆགས་དུས། བོད་པ་མང་པོ་ཞིག་གིས་ཀྱང་དེའི་ནང་དུ་བོད་ཡིག་གི་དྲི་བ་སྣ་ཚོགས་བཏང་ནས་ཚོད་ལྟ་བྱས་ཡོད་ཀྱང་། རྒྱལ་སྤྱིའི་སྟེང་གི་གྲགས་ཆེ་ཤོས་ཀྱི་འཕྲུལ་མིས་བོད་ཡིག་ངོས་འཛིན་ཡག་པོ་བྱེད་ཐུབ་ཀྱི་མེད་པའི་གནས་སྟངས་དེས་བོད་མི་མང་པོ་ཞིག་གི་སེམས་ལ་སོ་སོའི་སྐད་ཡིག་དེ་རྒྱལ་ཁབ་གཞན་གྱི་སྐད་ཡིག་དང་གོམ་པ་མཉམ་སྤོ་བྱེད་ཐུབ་ཀྱི་མི་འདུག་སྙམ་པའི་ཚོར་སྣང་བསྐྲུན་ཡོད།  འོན་ཀྱང་། ད་ཆ་བོད་མི་རང་གི་རྩོལ་བ་ལ་བརྟེན་ནས་ལེགས་འགྲུབ་བྱུང་བའི་མིས་བཟོས་རིག་ནུས་ཀྱི་འཕྲུལ་མི་གཉིས་བོད་ཕྱི་ནང་གཉིས་སུ་གསར་དུ་སྐྱེས་པའི་གཏམ་བཟང་ཐོན་ཡོད།  ཁེ་པ་མིས་བཟོས་རིག་ནུས།   ཁེ་པ་མིས་བཟོས་རིག་ནུས་ནི། མཚོ་ལྷོ་ཁུལ་འབའ་རྫོང་ཁེ་པ་སྤྱི་གཉེར་ཁང་གིས་དུས་ཡུན་རིང་པོར་ཞིབ་འཇུག་དང་བཅོས་སྒྲིག་འོག་ལེགས་འགྲུབ་བྱུང་བའི་མིའི་བཟོས་རིག་ནུས་ཀྱི་འཕྲུལ་མི་ཞིག་ཡིན་ལ། དེ་ནི་བོད་ཡིག་གི་དྲི་བ་ཡོད་དོ་ཅོག་ལ་ལན་འདེབས་ཐུབ་པའི་འཕྲུལ་མི་ཐོག་མ་དེ་ཆགས་ཡོད།  འཕྲུལ་མི་འདིར་ཁྱོད་རང་ལ་འཕྲད་ཀྱིན་པའི་གནད་དོན་སྣ་ཚོགས་ལ་དབྱེ་ཞིབ་དང་བློ་འདོན་བྱེད་པའི་ནུས་པ་ཡོད་པ་མ་ཟད། བསླབ་གཞིའི་དཀའ་གནད་དང་རྒྱུན་ལྡན་གྱི་དྲི་བ་སྣ་ཚོགས་ལའང་ལན་འདེབས་བྱེད་ཐུབ་ཀྱི་ཡོད་པ་ཁེ་པ་མིས་བཟོས་རིག་ནུས་སྤྱི་གཉེར་ཁང་གིས་བརྗོད་འདུག …

OpenAI ནི་མིས་བཟོས་རིག་ནུས་ཀྱི་འཕྲུལ་ཆས་གསར་གཏོད་དང་ཡར་རྒྱས་གཏོང་མཁན་གྱི་ཉམས་ཞིབ་ཀྱི་ཚོགས་པ་ཞིག་ཡིན་ལ། ཚོགས་པ་དེའི་ཉམས་ཞིབ་ལས་གཞིའི་ཆ་ཤས་ཤིག་གི་ཁྲོད་ནས་མིས་བཟོས་རིག་ནུས་ལ་བརྟེན་པའི་དམིགས་བསལ་སྐད་ཡིག་གི་མ་དཔེ་ཞིག་གསར་གཏོད་གནང་གྲུབ་ཡོད།  OpenAI ཚོགས་པའི་ཉམས་ཞིབ་ཀྱི་ཁྱབ་ཁོངས་སུ་མིས་བཟོས་རིག་ནུས་དང་འབྲེལ་བའི་བརྗོད་གཞི་སྣ་ཚོགས་ཤིག་ཚུད་ཡོད་ལ། དེ་དག་གི་ཁྲོད་ནས་ཁ་ཤས་ཤིག་བགྲངས་ན། སྐད་ཡིག་ཐག་གཅོད་དང་། རྩིས་འཕྲུལ་གྱི་འཆར་སྣང་། འཕྲུལ་མི། རིག་ནུས་ལ་བརྟེན་ནས་སློབ་སྦྱོང་གི་ནུས་ཤུགས་ཆེ་རུ་གཏོང་བ་སོགས་སོ།། ཚོགས་པ་དེས་མིས་བཟོས་རིག་ནུས་ཀྱི་ནུས་སྟོབས་གོང་མཐོར་བཏང་སྟེ་མིའི་རིགས་ཀྱི་སྤྱི་ཚོགས་ལ་ཁེ་ཕན་བསྒྲུབ་རྒྱུའི་ཐད་ལ་དམིགས་ཁ་གཏོད་ཀྱི་ཡོད་འདུག་ལ། ཁོང་ཚོས་དམིགས་ཡུལ་ནི་ཚད་མཐོ་ཞིང་དར་རྒྱས་ཆེ་བའི་མིས་བཟོས་རིག་ནུས་ཀྱི་མ་ལག་གསར་གཏོད་བྱ་རྒྱུ་དེ་ཡིན་འདུག ChatGPT ནི། OpenAI ཚོགས་པའི་སྐད་ཡིག་ཐག་གཅོད་བྱེད་རྒྱུ་དམིགས་སུ་བཟུང་བའི་དམིགས་བསལ་གྱི་ལས་འཆར་ཞིག་ཡིན་ལ། ChatGPT ཡིས་གཏིང་ཟབ་པའི་སློབ་སྦྱོང་གི་རྩིས་ཚུལ་སྤྱད་དེ་འཛད་སྤྱོད་པ་ཞིག་གིས་ཡར་འཇུག་བྱས་པའི་དྲི་བ་དང་གནས་ཚུལ་ཁག་ལ་མི་ངོ་མ་དང་འདྲ་བར་ལན་འདེབས་གནང་ཐུབ་ཀྱི་ཡོད།…

ཀུ་ཤུ་བཟོ་ཚོང་ཁང་གིས་ཀུ་ཤུ་ཁ་པར་ནང་གི་བིམ་མཛོད་ཀྱི་ཁོངས་ནས་བཀོལ་ཆས་མང་པོ་ཞིག་དང་ཐོག་ནས་བཀག་འགོག་བྱས་ཏེ། མི་ཚོས་ཕབ་ལེན་བྱེད་རྒྱུ་མེད་པ་བཟོ་གི་ཡོད་པ་ཚང་མས་མཁྱེན་གསལ་ལྟར། འཛམ་གླིང་སྟེང་གི་རང་དབང་གི་ཚོགས་སྡེ་ཁག་ཅིག་གིས། ཀུ་ཤུ་བཟོ་ཚོང་ཁང་གི་ལྐོག་གྱུར་གྱི་ཐག་གཅོད་དེས་ཨུ་རུ་སུ་དང་རྒྱལ་ནང་གི་མི་སེར་ཚོའི་སྨྲ་བརྗོད་རང་དབང་ལ་ཚོད་འཛིན་བྱེད་ཀྱི་ཡོད་པར་བརྗོད་དེ་སྐྱོན་བརྗོད་ཤུགས་ཆེར་བྱས་དང་བྱེད་མུས་ཡིན། དེར་བརྟེན། ཉེ་བའི་ལོ་ཤས་ཀྱི་ནང་དུ། ཀུ་ཤུ་བཟོ་ཚོང་ཁང་གི་ཐོག་ཏུ་གནོན་ཤུགས་ཆེན་པོ་སླེབས་ཡོད་ལ། ཟླ་འདིའི་འགོ་སྟོད་དུ། ཀུ་ཤུ་བཟོ་ཚོང་ཁང་གིས་བཀོལ་ཆས་བྱེ་བྲག་ཁག་ཅིག་བཀག་འགོག་བྱེད་དགོས་པའི་རྒྱུ་མཚན་གང་ཡང་སྦ་གསང་མེད་པའི་ཐོག་ནས་ཕྱི་གསལ་ནང་གསལ་གྱི་སྙན་ཐོ་འདོན་རྒྱུ་ཡིན་སྐོར་བརྗོད་འདུག ང་ཚོར་རྒྱུས་མངའ་ཡོད་པ་བཞིན། རྒྱལ་ནང་གི་ཀུ་ཤུ་བིམ་མཛོད་ཀྱི་ནང་ནས་གསང་སྡོམ་གྱི་ཁྱད་ཆོས་ལྡན་པའི་བཀོལ་ཆས་རིགས་ཕབ་ལེན་བྱེད་རྒྱུ་མེད། དེ་གང་ཡིན་ཟེར་ན། ཀུ་ཤུ་བཟོ་ཚོང་ཁང་དང་སྲིད་གཞུང་གཉིས་ཀས་མཉམ་འབྲེལ་ཐོག་ནས་མཉེན་ཆས་དེ་དག་གཏན་འགོག་བྱས་ཡོད།  དེ་ཡང་གནས་ཚུལ་ཡོངས་ཁུངས་ཤིག་ལ་གཞིར་བཅོལ་ནས་གླེང་ན། སྤྱི་ལོ་༢༠༢༡་ལོའི་ལོ་ཕྱེད་ཀྱི་ནང་དུ། སྲིད་གཞུང་གིས་ཀུ་ཤུ་བིམ་མཛོད་ནང་གི་བཀོལ་ཆས་༣༤་ལྷག་གིས་རྒྱལ་ཁབ་ཀྱི་བཅའ་ཁྲིམས་དང་འགལ་ཡོད་པ་བརྗོད་ཡོད་ལ། ཀུ་ཤུ་བཟོ་ཚོང་ཁང་ལ་བཀོལ་ཆས་༨༩་བཀག་སྡོམ་བྱེད་དགོས་པའི་རེ་སྐུལ་ཞུས་ཡོད་འདུག ཉེ་ལམ་གྱི་ཀུ་ཤུ་བཟོ་ཚོང་ཁང་གི་སྙན་ཐོ་ལྟར་ན།…

ཀུ་ཤུ་བཟོ་ལས་ཁང་གིས་འཛད་སྤྱོད་པར་ར་སྤྲོད་ཀྱི་བརྒྱུད་རིམ(验证码)་ལ་གཡོལ་དུ་འཇུག་རྒྱུ་རེད་འདུག ར་སྤྲོད་ཀྱི་བརྒྱུད་རིམ་ནི།དྲ་ཐོག་གི་ཟོག་རྫུས་དང་གཡོ་ཇུས་སོགས་ལ་ཁ་གཏད་གཅོག་ཆེད་དུ་བཟོས་པའི་རྩིས་འཕྲུལ་ནང་གི་ལག་རྩལ་ཞིག་ཡིན་ལ། དེ་བརྒྱུད་ནས་དྲ་རྒྱ་བཀོལ་སྤྱོད་བྱེད་མཁན་དེ་མི་ངོ་མ་ཞིག་ཡིན་མིན་ཐག་གཅོད་བྱེད་ཀྱི་ཡོད། ཁྱེད་ཀྱིས་ཤེས་གསལ་ལྟར། མཚམས་རེར་ཁྱེད་རང་དྲ་ཚིགས་གང་རུང་ལ་མྱུལ་སྐབས་དང་། ཡིག་ཟམ་ནང་དུ་འཛུལ་སྐབས། དེ་མིན།དྲ་ཐོག་གི་ཐོ་མཛོད་གང་རུང་གི་ནང་དུ་འཛུལ་སྐབས་བཅས་སུ། ཁྱེད་ལ་པར་རིས་ཀྱི་དྲ་མིག་ཅིག་གི་ནང་ནས་ཟམ་པའམ། འདྲུད་འཐེན་འཕྲུལ་འཁོར། ཨང་གྲངས། གསལ་བྱེད་ཡི་གེ བྲག་རི་སོགས་ཡོད་པའི་པར་དག་འདེམས་དགོས་པའི་སྐུལ་མ་བྱེད་ཀྱི་ཡོད། འདེམས་དགོས་པའི་པར་རིས་དེ་དག་དུས་རྒྱུན་དེ་འདྲ་གསལ་པོ་མེད། དེ་ནི་འཕྲུལ་ཆས་ཀྱི་མི་མགོ་སྐོར་བའི་ཆེད་དུ་འཆར་འགོད་བྱས་པ་ཡིན་རུང་། དེས་མི་ངོ་མའི་འཚོ་བར་དཀའ་ཚེགས་བཟོ་གི་ཡོད།  ཟླ་༦་པའི་ཚེས་༢༣་ཉིན།ཀུ་ཤུ་བཟོ་ཚོང་ཁང་གིས་ཀུ་ཤུ་མ་ལག་ཐོན་ iOS 16 པའི་ཚོད་ལྟའི་ཐོན་རིམ་གཉིས་པ་འདོན་སྤེལ་བྱས་ཡོད་ལ།…

དེ་ཡང་ངོས་འཛིན་ཧ་ཅང་བྱེད་དཀའ་བའི་མཉེན་འབུ་རིགས་གསུམ་གྱིས་སྐར་ཁུང་རྩིས་འཕྲུལ་བཀོལ་སྤྱོད་བྱེད་མཁན་ཚོར་དམིགས་ནས་བརྩམས་པའི་ཉྭ་འཛིན་གྱི་འཇབ་རྒོལ་ཞིག་གི་ཁྲོད་དུ། མི་སྒེར་གྱི་གསང་བའི་ཡིག་ཆ་དང་གནས་ཚུལ་རྐུ་འཁྱེར་བྱེད་ཀྱི་ཡོད་པ་ཤེས་རྟོགས་བྱུང་ཡོད། ངོས་འཛིན་བྱས་པའི་མཉེན་འབུ་རིགས་མི་འདྲ་བ་གསུམ་དེ་དག་ནི། BitRAT་དང་། PandoraHVNC   AveMariaRAT་བཅས་ཡིན། ཉྭ་འཛིན་གྱི་ལས་འགུལ། Fortinet ཞིབ་འཇུག་ཁང་གི་ཉམས་ཞིབ་པ་ཚོས་ཉྭ་འཛིན་གྱི་འཇབ་རྒོལ་དེ་ངོས་འཛིན་བྱས་ཡོད་པ་མ་ཟད། འཇབ་རྒོལ་དེའི་ཁྲོད་དུ། འཇབ་རྒོལ་པ་ཚོས་གནོད་པ་སྐྱེལ་ཡུལ་གྱི་མི་ཚོའི་དྲ་ཐོག་གི་རྒྱུན་སྤྱོད་མིང་དང་། གསང་གྲངས། ད་དུང་།་དེ་མིན་གྱི་རྣོ་ངར་ལྡན་པའི་གནས་ཚུལ་རིགས། དཔེར་ན། དངུལ་ཁང་གི་གནས་ཚུལ་སོགས་རྐུ་འཁྱེར་བྱས་ཡོད་པ་བརྗོད་ཡོད།  ཆེས་ཐོག་མའི་ཆར། འཇབ་རྒོལ་གྱི་འཕྲིན་ཐུང་ཞིག་བསྐྲུན་ཡོད་ལ།…

ཉེ་ལམ་རྒྱལ་སྤྱིའི་དྲ་ལམ་ཁྲོམ་རའི་ནང་དུ་NFT་ཟེར་བའི་རྒྱུ་རྫས་ཤིག་དར་ཁྱབ་བྱུང་ཡོད། དེ་ན། NFT་ཟེར་བ་དེ་ག་རེ་རེད་ཟེར་ན། དེ་ནི་གློག་རྡུལ་གྱི་རྣམ་པའི་ནང་པའི་རྒྱུ་རྫས་ཤིག་ཡིན་ལ། དེ་ང་ཚོས་བཀོལ་སྤྱོད་བྱས་པའི་ཐོག་ནས་ཐུན་མོང་མ་ཡིན་པའི་དངོས་རྫས་ཁག་གི་བདག་དབང་ལེན་ཐུབ་ཀྱི་ཡོད། དངོས་རྫས་དེ་དག་གི་ཁོངས་སུ། མི་ཞིག་གི་ཐུན་མོང་མ་ཡིན་པའི་སྒྱུ་རྩལ་བརྩམས་ཆོས་དང་། རོལ་དབྱངས། ས་ཁང་བདག་ཁོངས། ཐ་ན། ཁྱེད་ཀྱི་ཁྱིམ་ཆས་སོགས་ཚུད་ཡོད། གློག་རྡུལ་རྒྱུ་རྫས་འདིའི་རིགས་ཀྱི་ཉོ་ཚོང་གི་ཁྲོམ་རའི་མེ་ལྕེ་དགུང་ལ་འཕྱུར་ཏེ། གློག་རྡུལ་རྒྱུ་རྫས་ཁ་ཤས་ལ་ཨ་སྒོར་ས་ཡ་མང་པོའི་རིན་གོང་གཏན་འབེབས་བྱས་ཏེ་བཙོངས་ཡོད། རྒྱུ་རྫས་འདི་དག་ལ་ཐུན་མོང་མ་ཡིན་པའི་ཁྱད་ཆོས་ཡོད་སྟབས། རྒྱུ་རྫས་རིགས་གཞན་པ་དང་བརྗེ་མི་ཐུབ། (ཨ་སྒོར་ས་ཡ་༦༩་ལ་བཙོངས། Source: newyorktimes)…