ཉེན་སྲུང་ལྕགས་རི།

ཁྲེ་ཟིན(Tessian)དང་པོ་ཎེ་མོན་ལྟེ་གནས་ཁང་(Ponemon 研究所)གཉིས་ཀྱི་ཉམས་ཞིབ་པ་ཚོས། ལས་མི་ཚོས་ཡིག་ཟམ་ནང་དུ་ནོར་འཁྲུལ་བཟོས་པ་ལ་བརྟེན་ནས། འདས་པའི་ཟླ་བ་༡༢་ཀྱི་ནང་དུ་འཛམ་གླིང་གི་ཚོགས་སྡེ་ཁག་གི་བརྒྱ་ཆ་60%་ལྷག་ལ་གཞི་གྲངས་བོར་བརླག་དང་སིམ་འཛུམ་གྱི་དོན་རྐྱེན་བྱུང་ཡོད་པའི་གནས་ཚུལ་ཕྱིར་བསྒྲགས་བྱས་ཡོད། དེ་ཡང་དྲ་ལམ་བདེ་འཇགས་ཆེད་གཉེར་མི་སྣའི་བརྒྱ་ཆ་65% ལྷག་གིས་བརྗོད་གསལ་ལྟར་ན། ཡིག་ཟམ་ནི་དྲ་ཐོག་གི་འབྲེལ་མཐུད་ཀྱི་བརྒྱུད་ལམ་ཉེན་ཁ་ཆེ་ཤོས་དེ་ཡིན་འདུག དེའི་རྗེས་ཀྱི་ཉེན་ཁ་ཆེ་ཤོས་དེ་སྤྲིན་ལམ་(云)གྱི་ཡིག་ཆ་མཉམ་སྤྱོད་ཡིན་འདུག་ལ། དེ་ནས་འཕྲིན་ཐུང་གླེང་མོལ་གྱི་སྡིངས་ཆ་ཁག་ཡིན་འདུག ཉམས་ཞིབ་དེའི་ཁོངས་སུ། འཛམ་གླིང་ཁྱོན་ཡོངས་ཀྱི་དྲ་ལམ་བདེ་འཇགས་ཆེད་གཉེར་མི་སྣ་༦༡༤་ལྷག་ལ་དྲི་བ་དྲིས་ཡོད་པ་དང་། བརྒྱུད་རིམ་དེའི་ཁྲོད་ནས་གཤམ་གྱི་གྲུབ་དོན་འདི་དག་གསལ་འདོན་གནང་ཡོད། ཚོགས་སྡེ་ཁག་གི་ལས་མི་ཚོས་རང་རང་སོ་སོའི་ཚོགས་སྡེས་གཏན་ལ་ཕབ་པའི་སྲིད་ཇུས་ཁག་སྣང་མེད་དུ་བསྐྱུར་བའི་བྱ་སྤྱོད་ཀྱི་དབང་གིས། གཞི་གྲངས་བོར་བརླག་གི་དོན་རྐྱེན་སྣ་འདྲེན་བྱས་ཡོད། (བརྒྱ་ཆ 40%) གཞི་གྲངས་བོར་བརླག་གི་དོན་རྐྱེན་གྱི་བརྒྱ་ཆ་27%ལྷག་ཚོགས་པའི་ནང་གི་ངན་སེམས་ཅན་གྱི་ལས་མི་དང་འབྲེལ་བ་ཆགས་ཡོད། ཚོགས་པའི་ནང་གི་ངན་སེམས་ཅན་གྱི་ལས་མིའི་བྱེད་ལས་ལ་བརྟེན་ནས་བྱུང་བའི་གཞི་གྲངས་བོར་བརླག་དང་ཕྱིར་འདྲེན་གྱི་དོན་རྐྱེན་ཁག…

ཨན་ཌོ་དང་ཀུ་ཤུ། ༡  ༽    ཚ་དྲོད་རྒྱས་པ། ཁ་པར་ནང་དུ་འཛུལ་ཚར་བའི་མཉེན་འབུ་ཡིས་བྱེད་ལས་རྩོམ་པར། འཛད་སྤྱོད་པའི་ཁ་པར་གྱི་སྒྲིག་གཅོད་ཆས་དང་དེ་མིན་གྱི་རྒྱུ་ཆ་གཙོ་བོ་ཁག་བཀོལ་སྤྱོད་བྱེད་དགོས་ཀྱི་ཡོད་སྟབས། དེས་ཁ་པར་དང་ཁ་པར་ནང་གི་ལྷུ་ལག་ཁག་ལ་ཚ་དྲོད་རྒྱས་སུ་འཇུག་གི་ཡོད། གལ་ཏེ། ཁྱེད་ཀྱི་ཁ་པར་དུས་རྒྱུན་དང་མི་འདྲ་བར་ཚ་དྲོད་ཞེ་དྲག་རྒྱས་ཀྱི་ཡོད་པ་དོ་སྣང་བྱུང་ཚེ། ཉེ་ལམ་སོ་སོའི་ཁ་པར་ནང་དུ་ཕབ་ལེན་བྱས་པའི་བཀོལ་ཆས་ཁག་ལ་བསྐྱར་ཞིབ་བྱེད་དགོས་ལ། དོགས་གཞི་ཅན་གྱི་མཉེན་ཆས་རིགས་ཁ་པར་ནས་ཕྱིར་འདོན་བྱེད་དགོས། གང་ཡིན་ཟེར་ན། གསར་དུ་ནང་འཇུག་བྱས་པའི་མཉེན་ཆས་དེ་དག་གི་ནང་དུ་ནད་དུག་བསྐུངས་ཡོད་སྲིད། ཡང་ན། ཁྱེད་ཀྱིས་སོ་སོའི་ཁ་པར་ནང་གི་གཞི་གྲངས་ཁག་གྲབས་ཉར་བྱས་རྗེས། ཁ་པར་བསྐྱར་སྒྲིག་ཀྱང་བྱེད་ཆོག ༢…

དེང་སང་ཁྱིམ་ཚང་ཞིག་གི་ནང་གི་ནང་མི་ཡོངས་རྫོགས་ཀྱིས་དྲ་རྒྱ་བཀོལ་སྤྱོད་བྱས་པའི་ཐོག་ནས། དྲ་ལམ་ནས་ཅ་ལག་ཉོ་བ་དང་། དྲ་ཐོག་གི་རྩེད་མོ་ལ་རོལ་བ། སྤྱི་ཚོགས་འབྲེལ་མཐུད་དྲ་བའི་ནང་དུ་ཞུགས་པ་ལ་སོགས་པའི་ལས་སྣ་ཚོགས་ཤིག་རྩོམ་གྱི་ཡོད་སྟབས། རྒན་དར་གཞོན་གསུམ་ཚང་མས་འགན་འཁུར་ཡོད་པའི་ཐོག་ནས་བདེ་འཇགས་ངང་དྲ་རྒྱ་བཀོལ་སྤྱོད་བྱེད་རྒྱུ་ནི་ཧ་ཅང་གལ་ཆེན་པོ་ཆགས་ཡོད།  རང་ཉིད་ཀྱི་ཁ་པར་གསར་སྣོན་བྱེད་དགོས། རང་ཉིད་ཀྱི་ཁ་པར་ལ་ནད་འབུས་གནོད་སྐྱོན་མ་ཕོག་པའི་ཆེད་དུ། ཁ་པར་ནང་གི་མ་ལག་དང་མཉེན་ཆས་ཁག་གསར་སྣོན་བྱེད་རྒྱུ་ཧ་ཅང་གལ་ཆེ། མཉེན་ཆས་གསར་སྣོན་གྱི་ཁོངས་སུ། ཁྱད་ཆོས་གསར་པ་ཁ་སྣོན་དང་། བདེ་འཇགས་དང་འབྲེལ་བའི་སྐྱོན་ཆ་ལེགས་བཅོས་སོགས་ཚུད་ཡོད།  རང་ཉིད་ཀྱི་ཁ་པར་ལ་ཟྭ་རྒྱག་དགོས། ཁ་པར་ལ་ཟྭ་རྒྱག་པའི་གོམས་གཤིས་དེས་རང་ཉིད་ཀྱི་ཡིག་ཆ་དང་གཞི་གྲངས་གལ་ཆེན་ཁག་སྲུང་སྐྱོབ་བྱེད་པར་རོགས་འདེགས་བྱེད་ཐུབ། ཁ་པར་ལ་ཟྭ་མི་རྒྱག་པ་ནི། རང་ཉིད་སྒེར་གྱི་ཡིག་ཆ་དང་། ཆེས་གསང་བའི་ཡིག་ཆ་སོགས་རྒྱུས་མེད་ཀྱི་མི་ལ་ཡོངས་ཁྱབ་ཀྱི་ཐོག་ནས་ལྟ་ཆོག་པའི་ཆོག་མཆན་སྤྲད་པ་དང་གཅིག་མཚུངས་ཡིན།  ཡིག་ཟམ་གཙོས་དྲ་ཐོག་གི་ཐོ་མཛོད་ཁག་གི་རྒྱུན་སྤྱོད་མིང་དང་གསང་གྲངས་ཁོ་ནས་ཁྱེད་ཀྱི་ཐོ་མཛོད་སྲུང་སྐྱོབ་བྱེད་མི་ཐུབ། དེ་བས་སྐྱེས་དངོས་ཁྱད་རྟགས་དང་།…

དེ་ཡང་དྲ་ལམ་གྱི་བསམ་ཚུལ་བསྡུ་ལེན་ག་གེ་མོ་ཞིག་གི་ཁྲོད་ནས་ཤེས་རྟོགས་བྱུང་བ་ལྟར་ན། མི་མང་པོ་ཞིག་གིས་རང་ཉིད་ཀྱི་གསང་ཚིག་གང་རུང་ཞིག སོ་སོའི་ནང་མི་དང་། གྲོགས་པོ། མཛའ་གྲོགས་བཅས་དང་མཉམ་སྤྱོད་བྱས་ཏེ་དྲ་ལམ་གྱི་ཞབས་ཞུ་ཁག་ཅིག་མཉམ་དུ་ལོངས་སྤྱོད་བྱེད་ཀྱི་ཡོད་པ་ཁས་ལེན་བྱས་ཡོད། དེ་དག་གི་ཁྲོད་ཀྱི་མི་ཕལ་ཆེ་བས་གསང་ཚིག་རྩ་བ་ནས་བརྗེ་གི་མེད་པས། ཁོང་ཚོར་དྲ་ཐོག་གི་འཇབ་རྒོལ་ཕོག་སྲིད་ཀྱི་ཡོད།  མི་ཁག་ཅིག་གིས་དྲ་ལམ་དུ་རིན་པ་སྤྲད་ནས་ཉོ་དགོས་པའི་ཞབས་ཞུ་གང་རུང་ཞིག་ལོངས་སྤྱོད་བྱེད་པར། ཚང་མས་ཞབས་ཞུ་དེ་མཉམ་རུབ་ཀྱི་ཐོག་ནས་ཉོས་རྗེས། དེའི་གསང་ཚིག་མཉམ་སྤྱོད་བྱས་ཏེ། བཀོལ་སྤྱོད་བྱས་ན། ཞབས་ཞུ་གང་རེའི་རིན་པ་མི་དེ་ཚོར་བགོས་ན། མི་རེ་རེས་རིན་པ་ཉུང་ཉུང་རེ་མ་གཏོགས་སྤྲོད་མི་དགོས་པས། འཛད་སྤྱོད་པ་ཚོའི་འགྲོ་གྲོན་ཆུང་དུ་གཏོང་ཐབས་ཤིག་ཆགས་ཡོད། འོན་ཀྱང་། ཁོང་ཚོ་མང་ཆེ་བས་གསང་ཚིག་མཉམ་སྤྱོད་དང་འབྲེལ་བའི་དྲ་ལམ་གྱི་ཉེན་ཁའི་སྐོར་ལ་དེ་ཙམ་བསམ་བློ་གཏོང་གི་མེད། སྣང་མེད་ཀྱི་བྱ་སྤྱོད་དེ་ལ་བརྟེན་ནས་ཁོང་ཚོར་དྲ་ཐོག་གི་འཇབ་རྒོལ་གྱི་གནོད་འཚེ་ཕོག་གི་ཡོད།  དྲ་ཐོག་ཏུ་རང་ཉིད་ཀྱི་གསང་ཚིག་བརྟན་པོ་ཉར་ཐབས།…

གཞི་གྲངས་ཀྱི་གསང་རྒྱ་ཟེར་བའི་སྐབས་སུ། མི་ཞིག་གིས་རང་ཉིད་སྐོར་གྱི་གནས་ཚུལ་ག་ཚོད་ཅིག མི་གཞན་ལ་ག་དུས་བརྒྱུད་སྤེལ་དང་། ཇི་ལྟར་བརྒྱུད་སྤེལ་བྱེད་མིན་ཐག་གཅོད་བྱེད་པའི་ནུས་པ་ལ་ཟེར། སྒེར་གྱི་གནས་ཚུལ་ཟེར་དུས། མི་ཞིག་གི་མིང་དང་། ཁ་པར་ཨང་གྲངས། སྡོད་གནས། འབྲེལ་གཏུག་ཁ་བྱང་སོགས་གང་ཡང་ཡིན་ཆོག  མི་ཞིག་གིས་མི་གཞན་ཞིག་སོ་སོའི་སྒེར་གྱི་ཁ་བརྡ་བྱ་སའི་ཚོགས་པ་ཞིག་གི་ནང་ནས་སྒོར་ཕུད་པ་བཞིན། དྲ་ལམ་གྱི་འཛད་སྤྱོད་པ་ཚོས་རང་ཉིད་སྒེར་གྱི་གཞི་གྲངས་མི་གཞན་གྱིས་བསྡུ་རུབ་བྱེད་ཀྱི་ཡོད་པ་དེ་ཚོད་འཛིན་དང་བཀག་འགོག་བྱེད་འདོད་ཡོད།  དྲ་རྒྱའི་སྤྱོད་སྒོ་ཆེ་རུ་ཕྱིན་པ་དང་ལྷན་དུ། གཞི་གྲངས་ཀྱི་གསང་རྒྱ་ཡང་གལ་ཆེན་དུ་གྱུར་ཡོད། དྲ་ཚིགས་དང་། བཀོལ་ཆས། སྤྱི་ཚོགས་འབྲེལ་མཐུད་དྲ་བ་ཁག་གིས་འཛད་སྤྱོད་པར་ཞབས་ཞུ་སྣ་མང་མཁོ་སྤྲོད་བྱེད་པའི་ཆེད་དུ། མི་སྒེར་གྱི་གཞི་གྲངས་བསྡུ་རུབ་དང་ཉར་ཚགས་བྱེད་ཀྱི་ཡོད།  གཞི་གྲངས་ཀྱི་གསང་རྒྱ་གལ་ཆེན་པོ་ཡིན་པའི་རྒྱུ་མཚན་གང་ཡིན། …

ཁེ་སི་ཕིར་སི་ཁེ་(Kaspersky)བདེ་འཇགས་དྲ་བའི་ཉམས་ཞིབ་གྲུབ་དོན་ལྟར་ན། སྤྱི་སྤྱོད་སྐུད་མེད་དྲ་བའི་མཐུད་སྣེ་ཕལ་ཆེ་བས་གཞི་གྲངས་བདེ་འཇགས་ཀྱི་དམིགས་དོན་ལ་དགོས་གལ་ཆེ་བའི་གསང་སྡོམ་གྱི་རིགས་གང་ཡང་བཀོལ་སྤྱོད་བྱེད་ཀྱི་མེད། དེང་གི་དུས་སུ། ང་ཚོས་ལས་དོན་ཡོངས་རྫོགས་དྲ་ལམ་ན་སྒྲུབ་ཀྱི་ཡོད་སྟབས། རང་ཉིད་ཀྱི་ཡོ་ཆས་སྦྲེལ་སའི་སྐུད་མེད་དྲ་བ་གང་དེ་གསང་སྡོམ་བྱས་ཡོད་པའི་ཁག་ཐེག་བྱེད་རྒྱུ་ཧ་ཅང་གནད་འགག་ཆེ།  དེ་མ་ཟད། སྤྱི་སྤྱོད་སྐུད་མེད་དྲ་བ་གང་རུང་ཞིག་གསང་སྡོམ་བྱས་ཡོད་རུང་། དེ་མིན་གྱི་ཉེན་ཁ་ཁག་ཅིག་གིས་ང་ཚོར་མུ་མཐུད་ནས་དཀའ་ངལ་བསྐྲུན་སྲིད།  དྲ་རྒྱ་བཀོལ་སྤྱོད་བྱེད་མཁན་གྱི་འཛད་སྤྱོད་མང་པོ་ཞིག་གིས་སྤྱི་སྤྱོད་སྐུད་མེད་དྲ་བའི་ཉེན་ཁ་ཤེས་ཀྱི་མེད། དེར་བརྟེན། རྩོམ་ཡིག་འདིའི་ནང་དུ། བདག་གིས་སྤྱི་སྤྱོད་སྐུད་མེད་དྲ་བ་བཀོལ་སྤྱོད་བྱས་པ་བརྟེན་ནས་འོང་བའི་ཉེན་ཁ་ཁག་ཅིག་གྲངས་འདྲེན་བྱེད་རྒྱུ་ཡིན།  ༡ མི་སྒེར་གྱི་གནས་ཚུལ་རྐུ་འཁྱེར། ཆེས་རྒྱུན་ལྡན་དང་ཚབས་ཆེ་བའི་ཉེན་ཁ་ཞིག་ནི་མི་སྒེར་གྱི་གནས་ཚུལ་རྐུ་མ་ཤོར་བ་དེ་ཡིན། མི་སྒེར་གྱི་གནས་ཚུལ་ལམ་ཆ་འཕྲིན་རིགས་རྣམ་པ་དུ་མའི་ཁོངས་སུ་འདུས་ཡོད། ཐོ་ཁོངས་སུ་འཛུལ་བྱེད་ཀྱི་གསང་ཚིག དངུལ་རྩིས་ཀྱི་གནས་ཚུལ།…