ཉེན་སྲུང་ལྕགས་རི།

ལིག་ཧའོ་ཡུས་ཟེར་བའི་འཕྲུལ་རིག་ཉམས་ཞིབ་པ་ཞིག་དང་ཁོང་གི་ཉམས་ཞིབ་ལས་རོགས་གཉིས་ཀྱིས་ཉམས་ཞིབ་བྱས་པ་ལྟར་ན། རྒྱལ་ནང་ནས་བཟོས་པའི་ཨན་ཌོ་ཁ་པར་གྱི་ནང་དུ་དང་ཐོག་ནས་ནང་འཇུག་བྱས་ཡོད་པའི་བཀོལ་ཆས(APP)་ཁག་གིས་མི་སྒེར་གྱི་གསང་རྒྱ་དང་འབྲེལ་བའི་གཞི་གྲངས་ཁག་འཛད་སྤྱོད་པའི་ཆོག་མཆན་མེད་རུང་ལྐོག་ནས་ཕྱོགས་གསུམ་པར་བརྒྱུད་གཏོང་བྱེད་ཀྱི་ཡོད་པ་”ཕྲ་མཐོང་ཆེ་ཤེལ་འོག་གི་ཨན་ཌོ་མ་ལག་གི་གསང་རྒྱ- ཤར་ཕྱོགས་ནས་འོང་བའི་གཏམ་རྒྱུད་ཅིག”་ཟེར་བའི་ཉམས་ཞིབ་རྩོམ་ཡིག་གི་ནང་དུ་གསལ་འདུག རྒྱ་མི་ཉམས་ཞིབ་པ་དེས་རྒྱལ་ནང་གི་གྲགས་ཆེ་བའི་ཁ་པར་ཚོང་རྟགས་གསུམ་སྟེ། ཞའོ་མིས་དང་།(小米) ཡིས་ཅ།(一加) ཨོ་ཕོ།(OPPO) བཅས་ལ་དབྱེ་ཞིབ་བྱས་ཏེ་ཉམས་ཞིབ་ཀྱི་གྲུབ་དོན་འདོན་སྤེལ་གནང་ཡོད། ཉམས་ཞིབ་པ་དེས། ཁ་པར་གྱི་མ་ལག་གི་ནང་དུ་སྔོན་ཚུད་ནས་ནང་འཇུག་བྱས་ཡོད་པའི་བཀོལ་ཆས་ཁག་གིས་མི་སྒེར་གྱི་གཞི་གྲངས་གང་དག་བརྒྱུད་གཏོང་བྱེད་ཀྱི་ཡོད་མེད་ཞིབ་འཇུག་བྱེད་པའི་ཆེད་དུ། འཛད་སྤྱོད་པས་ནང་འཇུག་བྱས་པའི་བཀོལ་ཆས་ཁག་ཕྱིར་འདོན་བྱས་ཡོད་ལ། ཁོས་དབྱེ་ཞིབ་བྱེད་སྐབས། འཛད་སྤྱོད་པས་ནང་འཇུག་མ་བྱས་པའི་མཉེན་ཆས་ཁག་30ལྷག་ཙམ་རྒྱལ་ནང་ནས་བཟོས་པའི་ཨན་ཌོ་མ་ལག་གི་ནང་དུ་དང་ཐོག་ནས་བཅུག་ཡོད་པ་རྙེད་སོན་བྱུང་ཡོད། དེ་དག་གི་ཁོངས་སུ། རྒྱ་འདུས་(百度)དང་། སུག་ཀུག(搜狗) རྒྱ་འདུས་ས་ཁྲ།(百度地图) དེ་བཞིན།…

ངོ་བོ་ནི་མི་སྒེར་རང་ཉིད་སུ་ཡིན་མིན་དེ་རེད། ངོ་བོ་ནི་ཀུན་འདུས་ཀྱི་ཐ་སྙད་ཅིག་ཡིན་ལ། དེའི་ཁོངས་སུ་མི་སྒེར་གྱི་ལོ་རྒྱུས། དད་མོས། སྤྱོད་ལམ། ཁྱིམ་ཚང་། རིག་གཞུང་སོགས་ཚུད་ཡོད། མི་ཞིག་གི་ངོ་བོ་དེ་རིམ་པ་དང་ངོས་སྣ་ཚོགས་ནས་འགྲེལ་ཆོག བོད་པ་ཞིག་གིས་སོ་སོའི་ལས་རིགས་ཀྱི་སྟེང་ནས་ཞིང་པ་དང་། སྡོད་གནས་ཀྱི་སྟེང་ནས་ལྷ་ས་བ། རིགས་རུས་ཀྱི་སྟེང་ནས་བོད་པ། ཆོས་ལུགས་ཀྱི་སྟེང་ནས་ནང་པ། མིའི་རིགས་རྒྱུད་ཀྱི་སྟེང་ནས་ཡ་གླིང་གི་མི་སོགས་ལ་ངོས་འཛིན་བྱེད་ཆོག་པ་ལྟར་རེད། འཕྲུལ་རིག་གི་འཇིག་རྟེན་དུའང་ང་ཚོར་གློག་རྡུལ་གྱི་ངོ་བོ་ཡོད། གློག་རྡུལ་གྱི་ངོ་བོ་ནི་ཅི་ཞིག་ཡིན།  གློག་རྡུལ་གྱི་ངོ་བོ་ནི་དྲ་སྟེང་དུ་ཡོད་པའི་མི་སྒེར་གྱི་གནས་ཚུལ་དང་འབྲེལ་བའི་ཕྱོགས་བསྡུས་ཀྱི་ཆ་འཕྲིན་ཞིག་ཡིན་ལ། ཐུན་མིན་གྱི་ངོས་འཛིན་ཡོ་ཆས་་བརྒྱུད་ནས་མི་སྒེར་དང་ཁོང་གིས་སྤྱོད་བཞིན་པའི་ཁ་པར་དང་རྩིས་འཕྲུལ་སོགས་ངོས་འཛིན་བྱེད་ཐུབ་ཀྱི་ཡོད། མི་སྒེར་དང་འབྲེལ་བའི་གནས་ཚུལ་དེ་དག་དྲ་ཚིགས་ཀྱི་བདག་པོ་དང་ཁྱབ་བསྒྲགས་གཏོང་མཁན་གྱིས་བཀོལ་སྤྱོད་བྱས་ཏེ།…

དྲ་ལམ་ཉེན་སྲུང་ཆེད་མཁས་པ་ཚོས། དུས་རྒྱུན་མི་ཚོར་དྲ་ཐོག་གི་ཉྭ་འཛིན་གྱི་འཇབ་རྒོལ་སྐོར་ལ་ཟབ་སྦྱོང་སྤྲོད་པ་དང་། ཁྱབ་བསྒྲགས་སྤེལ་བ། ཉེན་བརྡ་གཏོང་བ་སོགས་བྱེད་ཀྱི་ཡོད་རུང་། མི་ཚོས་ད་དུང་ཡང་ཉྭ་འཛིན་གྱི་འབྲེལ་ཐག་གི་གི་ཐོག་ཏུ་བསྣུན་གྱིན་ཡོད། ཉྭ་འཛིན་གྱི་འཇབ་རྒོལ་ལམ་ལྷོང་ཡོང་གི་ཡོད་པའི་རྒྱུ་རྐྱེན་གཙོ་བོ་དེ། མིའི་རིགས་ཀྱི་ཁྱད་མཚར་བའི་སེམས་པ་དང་ཚོར་སྣང་ལ་འབྲེལ་བ་ཆགས་ཡོད་ལ། འཇབ་རྒོལ་པས་ང་ཚོའི་ཚོར་བ་རྩེད་ཆས་བྱས་ཏེ་ང་ཚོར་འཇབ་རྒོལ་བྱེད་ཀྱི་ཡོད།  འཇབ་རྒོལ་ཇི་ལྟར་ཡོང་གི་ཡོད་མེད་སྐོར་གླེང་ན། དང་པོ། དབང་ཆ།  དབང་ཆ་ནི་དྲ་ལམ་འཇབ་རྒོལ་ཁྲོད་ཀྱི་སྟོབས་ལྡན་གྱི་ལག་ཆ་ཞིག་ཆགས་ཀྱི་ཡོད། དཔེར་ན། འཇབ་རྒོལ་པ་ཞིག་ཁྱེད་རང་གི་འགོ་ཁྲིད་དང་། ཡང་ན། སྲིད་གཞུང་དང་ཁྲིམས་འཛིན་ལས་ཁུངས་སོགས་ལ་བརྫུས་སྐབས། ང་ཚོ་ཞེད་སྣང་ཆེན་པོ་སྐྱེས་ཏེ། འཇབ་རྒོལ་པའི་ཅི་བཤད་དང་ལེན་བྱས་ཏེ།…

དྲ་ཐོག་ཏུ་བཀོལ་ཆས་ངོ་མར་བརྫུས་པའི་གནོད་འཚེ་རང་བཞིན་ཅན་གྱི་བཀོལ་ཆས་རྫུན་མ་བརྒྱ་ཕྲག་མང་པོ་འབྱུང་གི་ཡོད་ལ། བཀོལ་ཆས་རྫུན་མ་དེ་དག་བཀོལ་ཆས་ངོ་མའི་མ་དཔེ་ལ་བརྫུས་ཏེ་དེའི་ནང་དུ་མཉེན་འབུ་འཇུག་གི་ཡོད། མཉེན་འབུ་བསྐུངས་བའི་བཀོལ་ཆས་རྫུན་མ་དེས་འཇབ་རྒོལ་པ་ཚོར་འཛད་སྤྱོད་པའི་ཁ་པར་ནང་གི་གཞི་གྲངས་ལྐོག་འཁྱེར་དང་བཀོལ་སྤྱོད་ལོག་པ་གཏོང་བའི་ཆ་རྐྱེན་བསྐྲུན་གྱི་ཡོད།  དེང་གི་འཕྲུལ་རིག་གི་འཇིག་རྟེན་དུ་ཁ་པར་དང་བཀོལ་ཆས་ཁག་ཉིན་མ་རེ་རེར་གལ་ཇེ་ཆེ་རུ་འགྱུར་བཞིན་ཡོད་པ་དེས་དམིགས་བསལ་དྲ་ཐོག་གི་ཉེན་ཅན་པ་ཚོའི་དོ་སྣང་འདྲེན་ཐུབ་ཡོད་ལ། དེའི་མཇུག་འབྲས་ལ་བརྟེན་ནས། ཁ་པར་གྱི་བདེ་འཇགས་དང་འབྲེལ་བའི་ཉེན་ཁ་ཛ་ཇེ་དྲག་ཏུ་འགྲོ་བཞིན་ཡོད། དེ་ན་ང་ཚོས་ཁ་པར་གྱི་བདེ་འཇགས་དང་འབྲེལ་བའི་ཉེན་ཁའི་རིགས་ཁག་ཅིག་ལ་མཉམ་དུ་ཞིབ་ལྟ་བྱེད། གནོད་ཚབས་ཆེ་བའི་བཀོལ་ཆས་དང་དྲ་ཚིགས་ཁག དེང་སང་གི་ཁྱད་ཆོས་སྣ་འཛོམས་ཅན་གྱི་ཁ་པར་ཁག་རྩིས་འཕྲུལ་དང་འདྲ་བར་དྲ་རྒྱར་མཐུད་ཐུབ་ཀྱི་ཡོད་སྟབས། དྲ་ཐོག་གི་ཉེན་ཅན་པ་ཚོས་གནོད་ཚབས་ཆེ་བའི་བཀོལ་ཆས་དང་དྲ་ཚིགས་གང་རུང་བརྒྱུད་དེ་འཛད་སྤྱོད་པའི་ཁ་པར་ལ་འཇབ་རྒོལ་བྱེད་ཀྱི་ཡོད། དེའི་དབང་གིས། ཁྱེད་རང་མི་གཞན་གྱིས་གསང་བའི་མྱུལ་ཞིབ་ཀྱི་འོག་ཏུ་ཚུད་པ་དང་། མི་གཞན་གྱིས་ཁྱེད་ཀྱི་གཞི་གྲངས་་རྐུ་འཁྱེར་བྱེད་པ་ལ་སོགས་པའི་དོན་རྐྱེན་མང་པོ་འབྱུང་གི་ཡོད། གནོད་འཚེ་ལྡན་པའི་བཀོལ་ཆས་དེ་ཚོར་རིགས་མི་འདྲ་བ་སྣ་ཚོགས་ཡོད་ལ། དེ་དག་གི་ཆེས་རྒྱུན་ལྡན་གྱི་རིགས་ཤིག་ནི། སྐད་གྲགས་ཆེ་བའི་བཀོལ་ཆས་ཤིག་ལ་བརྫུས་ཏེ། ཁྲིམས་འགལ་གྱི་ཐོག་ནས་མི་སྒེར་གྱི་དྲ་ལམ་གྱི་ཐོ་ཁོངས་ཀྱི་གསང་གྲངས་རག་ཐབས་བྱེད་པ་དེ་ཡིན། ཉྭ་འཛིན།…

མུ་འགོད་རྩོམ་ཡིག་ཁག་གཉིས་པ། རྩོམ་ཡིག་འདིའི་དམིགས་བྱ་གཙོ་བོ་ནི། དེང་རབས་ཀྱི་ཚན་རྩལ་འཕྲུལ་ཆས་དང་། སྤྱི་ཚོགས་འབྲེལ་མཐུད་དྲ་བ་སོགས་བཀོལ་སྤྱོད་བྱས་པ་ལ་བརྟེན་ནས་འབྱུང་སྲིད་པའི་ཉེན་ཁའི་སྐོར་ལ་གོ་རྟོགས་སྤེལ་རྒྱུ་དང་ཤེས་བྱ་བརྒྱུད་སྤེལ་བྱེད་རྒྱུ་དེ་ཡིན། རིག་ནུས་ཀྱི་ཁ་པར་ལྟ་བུའི་དེང་རབས་ཀྱི་འཕྲུལ་ཆས་དང་དྲ་རྒྱ་སོགས་འགྲོ་བ་མིའི་རིགས་ཀྱི་འཚོ་བའི་ཆ་ཤས་ཤིག་ཏུ་གྱུར་ཡོད་པ་མ་ཟད། འབྱུང་འགྱུར་གྱི་ལོ་ཟླའི་ཁྲོད་དུའང་། ང་ཚོ་དེང་རབས་ཀྱི་འཕྲུལ་ཆས་དེ་དག་ལ་སྔར་ལས་མང་བ་བརྟེན་ངེས་པ་ཡིན། དྲ་རྒྱ་དང་ལག་ཐོགས་ཁ་པར་སོགས་ཀྱི་སྤྱོད་སྒོ་དང་བཀོལ་སྤྱོད་ཀྱི་གཞི་རྒྱ་ཆེ་རུ་ཕྱིན་པ་ལ་བརྟེན་ནས། དྲ་ཐོག་གི་ནག་ཉེས་ཀྱི་དོན་རྐྱེན་ཡང་སྔར་ལས་ལྡབ་འགྱུར་གྱིས་མང་དུ་ཕྱིན་ཡོད་ལ། མ་འོངས་པར་གནས་སྟངས་དེ་སྔར་ལས་ཛ་ཇེ་དྲག་ཏུ་འགྲོ་ངེས། དྲ་ཐོག་གི་ཉེས་ཅན་པ་དེ་ཚོའི་ཚུལ་མིན་གྱི་བྱ་སྤྱོད་དེ་དག་གི་རྒྱབ་ཏུ་དམིགས་ཡུལ་སྣ་ཚོགས་ཤིག་ཡོད་དེ། དཔེར་ན། ཁ་ཤས་ཀྱིས་སྤྲོ་སྣང་ཙམ་གྱི་ཆེད་དང་། ཁ་ཤས་ཀྱིས་དགྲ་ཤ་ལེན་པའི་ཆེད། ཡང་ཁ་ཤས་ཀྱིས་དངུལ་སྒོར་གཡོ་འཕྲོག་བྱེད་པའི་ཆེད་དུ་མི་གཞན་ལ་འཇབ་རྒོལ་བྱེད་ཀྱི་ཡོད། ད་དུང་། དེ་མ་ཟད། དྲ་ཐོག་གི་ཉེས་ཅན་པ་ཁ་ཤས་ཀྱི་རྒྱབ་ཏུ་སྲིད་གཞུང་ཡང་ཡོད། …

མི་ཞིག་གིས་གཞི་རྩའི་དྲ་རྒྱའི་བདེ་འཇགས་ཀྱི་སྐོར་ལ་ཤེས་དགོས་པའི་དོན་གནད་གལ་ཆེན་ཁག ཏོག་དབྱིབས་ནད་དུག་གིས། དངོས་སུ་ལས་ཞུགས་བྱེད་མ་དགོས་པར་རང་གནས་ནས་ལས་ཀ་བྱེད་ཆོག་པའི་ཁོར་ཡུག་གསར་པ་ཞིག་བསྐྲུན་པར་བརྟེན། དྲ་ཐོག་གི་འཇབ་རྒོལ་གྱི་དོན་རྐྱེན་སྔར་ལས་མང་དུ་ཕྱིན་ཡོད་རུང་། མི་མང་པོ་ཞིག་ད་དུང་འཇབ་རྒོལ་དེ་འདྲའི་རིགས་ལ་གདོང་ལེན་བྱེད་རྒྱུའི་གྲ་སྒྲིག་གང་ཡང་མེད། དེར་བརྟེན། བདག་གིས་སྙིང་ཉེ་བའི་དྲ་གྲོགས་ཚོར། དེང་སང་ཁྱབ་ཆེ་བའི་དྲ་ཐོག་གི་འཇབ་རྒོལ་གྱི་ཐབས་རྩལ་སྣ་ཚོགས་ལ་གདོང་ལེན་བྱ་ཐབས་ཀྱི་མུ་འབྲེལ་རྩོམ་ཡིག་ཁག་ཅིག་སྤེལ་བའི་སེམས་ཐག་བཅད་པ་ཡིན།  དེ་ན་གཤམ་དུ་རྩོམ་ཡིག་དེ་དག་གི་བརྗོད་གཞི་ཁག་ལ་རགས་ཙམ་ལྟ། རང་ངོས་ནས་དྲ་རྒྱའི་གོ་རྟོགས་མཐོ་རུ་གཏོང་བ་དང་སྔོན་འགོག་གི་བྱེད་སྒོ་རྩོམ་པ།  མ་ལག་དང་མཉེན་ཆས་བཟོ་སྐྲུན་ཁང་དག་གིས་འཛད་སྤྱོད་པ་སྲུང་སྐྱོབ་བྱེད་པའི་ཆེད་དུ། ཐབས་ཤེས་གང་ཡོད་བཏོན་ཏེ་འབད་པ་བྱེད་ཀྱི་ཡོད་རུང་། མི་སྒེར་གྱི་དྲ་རྒྱའི་བདེ་འཇགས་ནི། སོ་སོའི་ཁྱིམ་གྱི་རྒྱལ་སྒོའི་ཟྭའམ་སྒོ་ལྕགས་དང་ཆ་འདྲ་པོ་ཡོད། ཉེན་རྟོག་པ་ཚོས་ཁྱེད་ཀྱི་ཁྱིམ་སྲུང་སྐྱོབ་བྱེད་ངེས་ཀྱང་། ཁྱེད་ཀྱིས་རང་ཁྱིམ་གྱི་རྒྱལ་སྒོར་ཟྭ་རྒྱག་དགོས། མདོར་དེད་ནས་བཤད་ན། དྲ་རྒྱའི་བདེ་འཇགས་འགན་ལེན་བྱེད་རྒྱུ་ནི་མི་ཚང་མའི་འགན་འཁྲི་ཡིན་ནོ།།…