ཉེན་སྲུང་ལྕགས་རི།

དེང་སང་དྲ་ཐོག་གི་ཉེས་ཅན་པ་ཚོས། དྲ་ལམ་ནས་མི་རྣམས་ལ་མགོ་སྐོར་གཏོང་བྱེད་ཀྱི་ཐབས་ལམ་སྣ་ཚོགས་ཤིག་བཀོལ་སྤྱོད་བྱེད་ཀྱི་ཡོད་སྟབས། ཉིན་མ་རེ་རེར་དྲ་ཐོག་གི་ཉེན་ཁའི་སྐོར་ལ་རྒྱུས་མངའ་མེད་མཁན་གྱི་མི་མང་པོ་ཞིག་ལས་སླ་པོའི་ཐོག་ནས་ཁོང་ཚོའི་གཡོ་འོག་ཏུ་ཚུད་ཀྱི་ཡོད།དེ་བས། གཤམ་ལ་བདག་གིས་དྲ་ལམ་གྱི་ཆེས་དར་ཁྱབ་ཆེ་བའི་གཡོ་ཇུས་ཁག་ཅིག་དྲ་གྲོགས་ཚོར་མཉམ་སྤྱོད་བྱེད་ཆོག སྤྱི་ཚོགས་འབྲེལ་མཐུད་དྲ་བའི་སྟེང་གི་མགོ་སྐོར། དེང་སང་མི་མང་པོས་ཆུ་ཚོད་འཕྲོ་བརླག་གཏོང་སའི་དྲ་ལམ་གྱི་སྡིངས་ཆ་གཅིག་ནི་སྤྱི་ཚོགས་འབྲེལ་མཐུད་དྲ་བ་ཡིན། དཔེར་ན། མགྱོགས་འཕྲིན་དང་། འཁྱུག་དབྱངས། སྐད་འཕྲིན་སོགས་ཀྱི་ནང་དུ་མི་ཕན་ཚུན་ངོ་མི་ཤེས་རུང་། བྱ་བ་ག་གེ་མོ་ཞིག་གི་ཆེད་དུ་ཞལ་འདེབས་སློང་མཁན་དང་། བྱ་འགུལ་རིགས་སྣ་ཚོགས་སྤེལ་མཁན་ཧ་ཅང་མང་། ཁོང་ཚོར་མིའི་ཚོར་བ་རྩེད་སྤྱད་བྱེད་ཐུབ་པའི་ནུས་རྩལ་འཛོམས་པས། དྲ་ལམ་གྱི་མི་མང་པོ་ཞིག་ཁོང་ཚོའི་་མགོ་སྐོར་འོག་ཚུད་ཀྱི་ཡོད། མི་གཞན་ལ་བརྫུ་བའི་གཡོ་ཁྲམ། གཡོ་ཁྲམ་གྱི་ལས་ཀ་བྱེད་སྟངས་ཤིག་ནི། ཁྱེད་ཀྱི་ཡིད་ཆེས་བློ་གཏད་བྱེད་སའི་མི་སྟེ། དཔེར་ན་སྤུན་ཉེ་དང་།…

བཀོལ་ཆས་ཀྱིས་བྱེད་ལས་ཇི་ལྟར་རྩོམ་གྱི་ཡོད། བཀོལ་ཆས་ནི་འཕྲུལ་ཆས་ཀྱི་དུས་རབས་སུ་མིའི་རིགས་ཀྱི་འཚོ་བར་སྟབས་བདེ་བསྐྲུན་བྱེད་ཀྱི་ལག་ཆ་ཞིག་ཆགས་ཡོད། དེ་བས། འདིར་བཀོལ་ཆས་ནི་ཅི་ཞིག་ཡིན་མིན་དང་། བཀོལ་ཆས་ཀྱི་དབྱེ་བ། བྱེད་ལས་སོགས་ཀྱི་ཐད་ནས་ཅུང་ཙམ་ཞིག་གླེང་འདོད། བཀོལ་ཆས་ནི་ཅི་ཞིག་ཡིན།  བཀོལ་ཆས་སམ  APP ནི་དབྱིན་ཡིག་གི་ཐ་སྙད་“application”ཀྱི་བསྡུས་ཚིག་ཅིག་ཡིན། བཀོལ་ཆས་ནི་མཉེན་ཆས་ཀྱི་ཐུམ་བུ་ཞིག་ཡིན་ལ། དེ་རྩིས་འཕྲུལ་དང་། ཁ་པར། རྩིས་འཕྲུལ་ལེབ་མོ་སོགས་ཀྱི་སྟེང་དུ་ཕབ་ལེན་བྱས་ཚེ། འཛད་སྤྱོད་པར་དམིགས་བསལ་གྱི་བྱེད་ལས་སྣ་ཚོགས་རྩོམ་དུ་འཇུག་ནུས། བཀོལ་ཆས་ཁག་གི་ཇུས་འགོད་བྱེད་སྟངས་མི་འདྲ་སྟེ། དཔེར་ན། ཨན་ཌོ་ཁ་པར་ནང་གི་བཀོལ་ཆས་ཁག་བྱ་རིམ་གྱི་སྐད་ཡིག་Kotlin,…

 HP རྩིས་འཕྲུལ་བཟོ་ལས་ཁང་གི་བདེ་འཇགས་སྐོར་གྱི་ཉམས་ཞིབ་གྲུབ་དོན་ལྟར་ན། དྲ་ཐོག་གི་འཇབ་རྒོལ་པ་ཚོས་ཡིག་ཟམ་ནང་གི་སྔར་ཡོད་ཀྱི་བདེ་འཇགས་ཞིབ་བཤེར་མ་ལག་ལ་གཡོལ་ཏེ་ནད་དུག་བགོས་ཀྱི་ཡོད་འདུག  ལོ་ཤས་སྔོན་དུ། དྲ་ཇག་ཚོས་གནད་ཡོད་ཀྱི་མི་སྣ་དང་། ཚོང་ལས་སྡེ་ཁག གཞུང་ཕྱོགས་ཀྱི་ལས་ཁུངས་སོགས་ལ་འཇབ་རྒོལ་བྱེད་དུས། ཡིག་ཟམ་གྱི་ནང་དུ་འཕྲིན་པ་ཞིག་གཏོང་གི་ཡོད་ལ། འཕྲིན་པ་དེ་དང་མཉམ་དུ་ཟུར་སྣོན་གྱི་ཡིག་ཆ་ཞིག་གཏོང་སྲོལ་ཡོད། གཏང་ཡུལ་གྱི་གང་ཟག་དེས་ཟུར་སྣོན་གྱི་ཡིག་ཆ་དེའི་ཐོག་ཏུ་མནན་ཏེ། ཡིག་ཆ་དེ་རང་ཉིད་ཀྱི་རྩིས་འཕྲུལ་དང་ཁ་པར་སོགས་ཀྱི་ནང་དུ་ཕབ་ལེན་བྱས་མ་ཐག མི་དེའི་གློག་ཆས་ཀྱི་ནང་དུ་མཉེན་འབུ(恶意软件)་ཁྱབ་འགྲོ་གི་ཡོད། ཉེན་ཁ་དེར་ཁ་གཏད་གཅོག་པའི་ཆེད་དུ། ཡིག་ཟམ་གྱི་བཟོ་ཚོང་ཁང་ཁག་གིས་མི་ཞིག་གི་ཡིག་ཟམ་གྱི་ནང་དུ་འཕྲིན་པ་དང་ལྷན་དུ་ཟུར་སྣོན་ཡིག་ཆ་ཞིག་འབྱོར་ཡོད་ཚེ། ཡིག་ཟམ་གྱི་མ་ལག་རང་ངོས་ནས་དང་ཐོག་ཞིབ་བཤེར་བྱས་ཏེ། གལ་ཏེ། ཟུར་སྣོན་དེ་དོགས་གཞི་ཅན་ཞིག་ཡིན་ཚེ། འཛད་སྤྱོད་པར་ཉེན་བརྡ་གཏོང་གི་ཡོད།…

ཨ་རིའི་ཧ་ནེ་ཝིལ་(Honeywell International, Inc)་ཚད་མཐོའི་འཕྲུལ་རིག་བཟོ་ཚོང་ཁང་གིས་ཉམས་ཞིབ་གྲུབ་དོན་ལྟར་ན།མཐེབ་སྡེར་བརྒྱུད་ནས་མཉེན་འབུ་ཁྱབ་སྤེལ་འགྲོ་བའི་ཚད་གཞི་སྔར་བཞིན་མཐོ་བོ་ལྷག་ཡོད་འདུག  བཟོ་ཚོང་ཁང་དེའི་༢༠༢༢་ལོའི་བཟོ་ལས་དྲ་རྒྱའི་བདེ་འཇགས་་མཐེབ་སྡེར་ཉེན་ཁའི་སྙན་ཐོ་ནང་གི་གཞི་གྲངས་ལྟར་ན། དྲ་ཐོག་གི་ནད་དུག་གི་བརྒྱ་ཆ་༥༢་ལྷག་ཙམ་གནས་སྤོ་ཐུབ་པའི་སྨྱན་སྦྱོར་རིགས་ཏེ། མཐེབ་སྡེར་དང་། འཁོར་སྡེར། གསོག་བྱང་སོགས་ལ་དམིགས་ཏེ་བཟོས་ཡོད་པ་གསལ་འདུག་པ་དང་། དེ་ལོ་སྔོན་མ་དང་བསྡུར་ན་བརྒྱ་ཆ་༣༢་ཡར་འཕར་ཡོད་འདུག གྲུབ་དོན་འདིས་གནས་སྤོ་ཐུབ་པའི་སྨྱན་སྦྱོར་ལ་དམིགས་ཏེ་བཟོས་པའི་ནད་དུག་གི་གྲངས་འབོར་ཤུགས་ཆེར་འཕར་ཡོད་པ་གསལ་འགྲེལ་བྱས་ཡོད། འདི་ནི་བཟོ་ལས་ཁང་འདིའི་ཉམས་ཞིབ་ཀྱི་སྙན་ཐོ་འདོན་ཐེངས་བཞི་པ་དེ་ཆགས་ཀྱི་ཡོད་ལ། སྙན་ཐོ་དེའི་ནང་དུ་བཟོ་ལས་ཀྱི་སྒྲིག་བཀོད་ནང་གི་ཟླ་༡༢་རིང་གི་འཕྲུལ་རིག་གི་ཉེན་ཁ་དང་འབྲེལ་བའི་གཞི་གྲངས་ཕྱོགས་བསྡུས་བྱས་ཏེ་དབྱེ་ཞིབ་བྱས་ཡོད། མཐེབ་འཇུག་གམ་མཐེབ་སྡེར་གྱི་ཉེན་ཁ་ཙམ་མ་ཟད། སྙན་ཐོ་དེའི་ནང་དུ་ད་དུང་མཉེན་འབུ་ཁག་གི་ཁོངས་ནས་སིམ་འཛུལ་རྟ་ཕོའི་ནད་དུག་གིས་བརྒྱ་ཆ་༧༦་ཟིན་ཡོད་པ་རྙེད་སོན་བྱུང་ཡོད། གང་ལྟར། ཁྱེད་ཀྱིས་གནས་སྤོ་ཐུབ་པའི་སྨྱན་སྦྱོར་གྱི་རིགས་བཀོལ་གྱི་ཡོད་ཚེ། དེ་དག་རང་ཉིད་ཀྱི་རྩིས་འཕྲུལ་ནང་དུ་བཅུག་ན་ནད་དུག་ཕོག་ཉེན་ཡོད་པས། ཡིད་གཟབ་བྱེད་རྒྱུ་གལ་ཆེའོ།…

འདས་པའི་དུས་ཡུན་རིང་པོ་ཞིག་གི་རིང་ལ། མི་ཚོས་ཀུ་ཤུ་རྩིས་འཕྲུལ་གྱི་ནང་དུ་མཉེན་འབུའི་གནོད་སྐྱོན་ནམ་ནད་དུག་གང་ཡང་ཕོག་མི་ཐུབ་པའི་ཡིད་ཆེས་བྱེད་ཀྱི་ཡོད། འོན་ཀྱང་། དོན་དངོས་ནི་ང་ཚོས་བསམ་པ་ལས་རྒྱབ་འགལ་ཆགས་ཀྱི་ཡོད། གྲངས་འབོར་གྱི་ཐད་ཀྱི་བཤད་ན། ཀུ་ཤུ་རྩིས་འཕྲུལ་ལས་སྐར་ཁུང་རྩིས་འཕྲུལ་གྱི་ནང་དུ་ནད་དུག་བགོ་བའི་ཆེད་དུ་བཟོས་པའི་མཉེན་འབུའི་གྲངས་ཀ་མང་བ་ཡོད་ཀྱང་། ཀུ་ཤུ་རྩིས་འཕྲུལ་ནང་དུ་ནད་དུག་གི་ཉེན་ཁ་མེད་པ་གཏན་ནས་མིན། ལྷག་པར་དུ། ཉེ་བའི་ལོ་ཤས་ཀྱི་ནང་དུ། ཀུ་ཤུ་རྩིས་འཕྲུལ་བཀོལ་སྤྱོད་བྱེད་མཁན་གྱི་གྲངས་འབོར་མགྱོགས་པོར་ཡར་འཕར་ཡོད་སྟབས། དྲ་ཐོག་གི་འཇབ་རྒོལ་པ་ཚོས་ཀུ་ཤུ་རྩིས་འཕྲུལ་ལ་འཇབ་རྒོལ་བྱེད་པར་ཤུགས་སྣོན་བརྒྱབ་ཡོད་པར་བརྟེན། ཀུ་ཤུ་རྩིས་འཕྲུལ་ནང་གི་ནད་དུག་གི་གྲངས་འབོར་ཡང་ཡར་འཕར་ཡོད། དྲ་ལམ་བདེ་འཇགས་ཀྱི་ཐབས་ལམ་ཡག་ཤོས་ཁག་ལག་བསྟར་དང་། ནད་དུག་འགོག་བྱེད་ཀྱི་མཉེན་ཆས་བཀོལ་སྤྱོད་བྱས་ན་མཉེན་འབུ་འགོག་པར་རོགས་པ་བྱེད་ཐུབ་རུང་། འཇབ་རྒོལ་པས་ཆེས་རྒྱུན་ལྡན་མིན་པའི་ནད་དུག་ཡ་མཚན་དེ་འདྲ་བཏང་སྟེ། ཁྱེད་ཀྱི་རྩིས་འཕྲུལ་སྟངས་འཛིན་བྱེད་སྲིད་ཀྱི་ཡོད། གནས་སྟངས་དེ་འདྲར་འཕྲད་སྐབས། ཁྱེད་ཀྱིས་རང་ཉིད་ལ་གཞན་གྱིས་འཇབ་རྒོལ་ཐེབས་ཡོད་པ་ཤེས་པའི་ཐོག་ནས་ནད་དུག་དེ་རྩ་མེད་བཟོ་བའི་ལས་ཀའི་ཐོག་ལ་འབད་དགོས།…

ད་ཆ་མི་མང་པོ་ཞིག་གིས་ཀུ་ཤུ་ཁ་པར་ཐོན་15་པ་ཉོ་བར་བྲེལ་བ་བྱེད་ཀྱི་ཡོད་ལ། དུས་མཚུངས་སུ། ཁ་པར་རྫུན་མ་དང་ངོ་མའི་ཁྱད་པར་འབྱེད་མ་ཐུབ་པར་ལུས་ནས་བསྡད་ཡོད། དེ་བས། དེ་རིང་གི་རྩོམ་ཡིག་འདིའི་ནང་དུ། ཀུ་ཤུ་ཁ་པར་ཐོན་༡༥་པ་ངོ་མ་ཡིན་མིན་ཇི་ལྟར་རྩད་ཞིབ་བྱེད་དགོས་མིན་སྐོར་རོབ་ཙམ་གླེང་རྒྱུ་ཡིན། རིན་གོང་།  ཀུ་ཤུ་ཁ་པར་ཐོན་15་པ་ནི། ཀུ་ཤུ་བཟོ་ཚོང་ཁང་གིས་ལག་རྩལ་ཚད་མཐོ་ཤོས་བཀོལ་ཏེ་བཟོས་པའི་ཐོན་རྫས་གསར་ཤོས་དེ་ཡིན་པས། ཁ་པར་དེའི་རིན་གོང་མཐོ་བོ་ཡོད། དེ་བས། ཚོང་ཁང་ཞིག་གིས་ཀུ་ཤུ་ཁ་པར་ཐོན་15་པ་དེ་རིན་གོང་དམའ་བོའི་ཐོག་ནས་བཙོང་གི་ཡོད་ཚེ། དེ་ནི་དོགས་པ་བྱེད་དགོས་པའི་གཞི་ཡིན་པ་གོར་མ་ཆག དེ་བས། ཀུ་ཤུ་ཁ་པར་ངོ་མ་ཞིག་ཉོ་འདོད་ཚེ། རྒྱལ་ནང་གི་ཀུ་ཤུ་ཁ་པར་གྱི་ཚོང་ཁང་དུ་དངོས་སུ་བསྐྱོད་དེ་ཉོ་རྒྱུའམ། ཀུ་ཤུ་བཟོ་ཚོང་ཁང་གིས་ཆོག་མཆན་ཐོབ་པའི་ཚོང་ཁང་ཁོ་ན་ནས་ཉོ་དགོས། ཕྱི་གཟུགས། …