ཉེན་སྲུང་ལྕགས་རི།

ངས་ཁྱེད་ཀྱི་གསང་ཚིག་ག་རེ་ཡིན་མིན་ཚོད་དཔག་བྱེད་ཐུབ། གསང་ཚིག་གཏོར་བར་ཐབས་ལམ་མང་པོ་ཡོད་ལ།འཇབ་རྒོལ་པ་མང་པོ་ཞིག་གིས།དུས་རྒྱུན་དྲྭ་ཐོག་ཏུ་རིན་མེད་ཡིན་པའི་གསང་ཚིག་གཏོར་བྱེད་ཀྱི་ཡོ་ཆས་རིགས་བེད་སྤྱོད་བྱེད་ཀྱི་ཡོད། སྤྱི་ཚོགས་འཆར་འགོད་ལས་རིགས། དྲྭ་ཐོག་གི་འཇབ་རྒོལ་པས་སྤྱི་ཚོགས་འཆར་འགོད་ལས་རིགས་ཀྱི་ལག་རྩལ་བེད་སྤྱད་དེ། དྲྭ་མྱུལ་བྱེད་མཁན་གྱི་གང་ཟག་གི་གསང་ཚིག་བཙན་གྱིས་ཕྱིར་བསྒྲགས་བྱེད་དུ་འཇུག་གི་ཡོད། ལག་སྒུལ་ཚོད་དཔག  དྲྭ་ཐོག་གི་འཇབ་རྒོལ་པས་སྒེར་གྱི་གནས་ཚུལ་དཔེར་ན། མི་ཞིག་གི་མིང་དང་། སྐྱེས་ཚེས། སློབ་ཨང་སོགས་བེད་སྤྱད་དེ། སྤྱིར་བཏང་གི་གསང་ཚིག་རིགས་ཚོད་དཔག་བྱེད་ཀྱི་ཡོད། བར་གཅོད། གསང་ཚིག་རིགས་དྲྭ་འབྲེལ་གྱི་ལམ་ཁ་བརྒྱུད་ནས་བརྒྱུད་གཏོང་བྱེད་ཀྱི་ཡོད་པས། ལམ་བར་དུ་མི་གཞན་གྱིས་བཀག་འགོག་དང་རྐུ་མ་རྒྱག་གི་ཡོད། གསང་ཚིག་རྐུ་བ། དྲྭ་ཐོག་གི་འཇབ་རྒོལ་པས་བཙན་པོ་ཉར་མེད་པའི་གསང་ཚིག་རིགས་རྐུ་མ་རྒྱག་ཐུབ་ཀྱི་ཡོད། ཕྲག་གོང་ནས་ལྟ་བ། མི་ཞིག་གིས་གསང་ཚིག་གཏགས་དུས།…

དྲྭ་རྒྱ་ཡིས་ཇི་ལྟར་བྱེད་ལས་རྩོམ་གྱི་ཡོད་མེད་ཧ་གོ་བར་བྱེད་པ་ལ། ཐོག་མར་ང་ཚོས་སྦྲག་ཁང་གིས་ཇི་ལྟར་ལས་ཀ་བྱེད་ཀྱི་ཡོད་མེད་ཀྱི་དཔེ་མཚོན་རོབ་ཙམ་ངོ་སྤྲོད་ཅིག་བྱེད། གལ་ཏེ་ཁྱེད་ཀྱིས་ཨ་རིའི་གྲོང་ཁྱེར་ནེག་ཡོག་ནང་ཡོད་པའི་གྲོགས་པོ་ཞིག་ལ་ལྷ་ས་ནས་སྦྲག་ཁང་བརྒྱུད་དེ་ཡི་གེ་ཞིག་གཏང་དགོས་ཚེ། གཤམ་གྱི་གོ་རིམ་འདི་དག་མ་བརྒྱུད་ཐབས་མེད་ཡིན། དང་པོ། ཁྱེད་རང་ཡི་གེ་གཏོང་མཁན་གྱིས། འཕྲིན་ཡིག་དེ་གཏང་ཡུལ་གྱི་གྲོགས་པོའི་ཁ་བྱང་དང་།སོ་སོའི་ཁྱིམ་གྱི་ཁ་བྱང་གཉིས་ཀ་བྲིས་ཡོད་པའི་ཡིག་སྐོགས་ཤིག་གི་ནང་དུ་བླུགས་དགོས་པ་དང་། གཉིས་པ། དེ་ནས་ཁྱེད་ཀྱིས་ཡིག་སྐོགས་དེ་བར་སྐོར་ཉེ་འགྲམ་གྱི་སྦྲག་ཁང་དུ་འཁྱེར་དགོས་ལ། དེར་སྦྲག་རྟགས་ཀྱི་རིན་པའང་སྤྲོད་དགོས། གསུམ་པ། ཡིག་སྐྱེལ་པས་འཕྲིན་ཡིག་གཏང་ཡུལ་གྱི་ཁ་བྱང་ལ་ཞིབ་ལྟ་བྱས་རྗེས། འཕྲིན་ཡིག་དེ་བོད་རང་སྐྱོང་ལྗོངས་ཀྱི་སྦྲག་ཁང་ལྟེ་བའམ། འདིར་ལྷ་ས་གྲོང་ཁྱེར་ཁྲིན་ཀོན་ཆུས་སྦྲག་ཁང་ལ་གཏོང་གི་ཡོད། བཞི་པ། ལྷ་ས་གྲོང་ཁྱེར་ཁྲིན་ཀོན་ཆུས་སྦྲག་ཁང་གིས་གཏང་ཡུལ་གྱི་ཁ་བྱང་ལ་གཞིར་བཞག་སྟེ།འཕྲིན་ཡིག་དེ་པེ་ཅིན་གྱི་རྒྱལ་ཁབ་རིམ་པའི་སྦྲག་ཁང་ལ་གཏོང་གི་ཡོད། ལྔ་པ། པེ་ཅིན་གྱི་རྒྱལ་ཡོངས་སྦྲག་ཁང་གིས་ཡང་བསྐྱར་གཏང་ཡུལ་གྱི་ཁ་བྱང་ལ་བལྟས་ཏེ།འཕྲིན་ཡིག་དེ་ཨ་རིའི་སྦྲག་ཁང་ལ་གཏོང་གི་ཡོད། དྲུག་པ། ཨ་རིའི་རྒྱལ་ཡོངས་སྦྲག་ཁང་གིས་ཀྱང་གཏང་ཡུལ་གྱི་ཁ་བྱང་ལ་བལྟས་ཏེ།འཕྲིན་ཡིག་དེ་ཨ་རིའི་བྱང་ཤར་ཁུལ་གྱི་སྦྲག་ཁང་ལ་གཏོང་གི་ཡོད། བདུན་པ། ཨ་རིའི་བྱང་ཤར་ཁུལ་གྱི་སྦྲག་ཁང་གིས་ཀྱང་གཏང་ཡུལ་གྱི་ཁ་བྱང་ལ་བལྟས་ཏེ།འཕྲིན་ཡིག་དེ་ནེག་ཡོག་གྲོང་ཁྱེར་གྱི་སྦྲག་ཁང་ལ་གཏོང་གི་ཡོད།…