ཉེན་སྲུང་ལྕགས་རི།

ང་ཚོས་དུས་རྒྱུན་རང་ཉིད་ཀྱི་གློག་ཀླད་ནང་དུ་ཡིག་ཆ་གསར་བ་མང་པོ་གསོག་གིན་གསོག་གིན། དགོས་མེད་ཀྱི་ཡིག་ཆ་རྙིང་པ་མང་པོ་ཞིག་གསུབ་ཀྱིན་ཡོད་ལ། ཡིག་ཆ་གསུབ་སྟངས་དེ། Shift+Delete མནན་ཏེ་གསུབ་པའམ། ཡང་ན། གློག་ཀླད་ཀྱི་སྙིགས་སྣོད་（回收站♻️）ནང་དུ་བླུགས་ནས་གསུབ་ཀྱི་ཡོད། མི་ཕལ་ཆེ་བས། རང་ཉིད་ལ་ཕན་ཐོགས་མེད་པའི་ཡིག་ཆ་ཁག་སྙིགས་སྣོད་ནང་དུ་བླུགས་ཏེ། བསུབས་པ་ཡིན་ན། ཡིག་ཆ་དེ་དག་གཙང་གསུབ་བྱས་ཚར་བ་རེད་སྙམ་གྱི་ཡོད། འོན་ཀྱང་། དངོས་ཡོད་ནི་དེ་དང་རྦད་དེ་ཐ་དད་ཡིན། ང་ཚོས་དུས་རྒྱུན་ཡིག་ཆ་གང་རུང་ཞིག་གློག་ཀླད་ནང་དུ་གསོག་ཉར་བྱེད་དུས། གློག་ཀླད་ཀྱིས་ཡིག་ཆ་དེ་གསོག་ཉར་བྱེད་སའི་ས་ཆ་ཞིག་མཁོ་སྤྲོད་བྱེད་ཀྱི་ཡོད་ལ།  མི་དགོས་པའི་ཡིག་ཆ་རིགས་གློག་ཀླད་ཀྱི་སྙིགས་སྣོད་ནང་དུ་བླུགས་ཏེ་བསུབས་པ་ཡིན་ན། དོན་དངོས་ཐོག  ཡིག་ཆ་དེ་དག་གསོག་འཇོག་བྱེད་སའི་ས་ཆ་དེ་གསུབ་ཀྱི་ཡོད་པ་མ་གཏོགས། ཡིག་ཆ་ངོ་མ་དེ་གསུབ་ཐུབ་ཀྱི་མེད། …

༡   གློག་རྡུལ་ཡིག་ཆ་གསོག་མཁན་ནི། རིན་ཐང་གང་ཡང་མེད་པ་དང་། རང་ཉིད་ལ་ཕན་ཐོགས་མེད་པའི་གློག་རྡུལ་གྱི་ཡིག་ཆའི་རིགས་གཏན་ནས་གསུབ་འདོད་མེད་མཁན་གྱི་གང་ཟག་ལ་གོ་ཞིང་། གང་ཟག་དེའི་བྱ་སྤྱོད་ཀྱི་ཁོངས་སུ། གློག་རྡུལ་གྱི་ཡིག་ཆ་ཕོན་ཆེན་པོ་གསོག་འཇོག་བྱེད་པ་དང་། དགོས་མེད་དང་འབྲེལ་མེད་ཀྱི་གློག་རྡུལ་གྱི་ཡིག་ཆ་གང་མང་ཉར་ཚགས་བྱེད་པ་སོགས་ཚུད་ཡོད། ༢   གློག་རྡུལ་གྱི་ཡིག་ཆ་ཕོན་ཆེན་པོ་ཡོད་པ་དེ་ནམ་རྒྱུན་གློག་རྡུལ་གྱི་རྙོག་འཛིང་ཞིག་ལ་ངོས་འཛིན་བྱེད་ཀྱི་ཡོད། དཔེར་ན་མཉེན་ཆས་གང་མང་དུས་ནས་དུས་སུ་ནང་འཇུག་བྱས་ཏེ། གློག་ཀླད་ཀྱི་ཤེལ་ངོས་སུ་མཉེན་ཆས་ཀྱི་རི་མོས་ཁེངས་འགྲོ་བ་ལྟ་བུར་མཚོན་ན། ཡིག་ཆ་གང་མང་གསོག་ཉར་བྱས་ཏེ། གློག་ཀླད་ཀྱི་ཤེལ་ངོས་རྙོག་འཛིང་བཟོས་ཡོད་པ་དེས་གློག་ཀླད་བེད་སྤྱོད་གཏོང་མཁན་གང་ཟག་གི་མངོན་འདོད་མཚོན་མི་ཐུབ། ༣    གློག་རྡུལ་ཁྱིམ་ལས་ནི་དུས་རྒྱུན་གློག་རྡུལ་གྱི་རྙོག་འཛིང་དེ་དག་གཙང་བཟོ་བྱེད་པ་ལ་གོ་ཞིང་། དེས་མཉེན་ཆས་ཁ་ཤས་བེད་སྤྱད་དེ། མིང་གཅིག་ཡིན་པའི་ཡིག་ཆ་རིགས་ངོས་འཛིན་བྱས་ཏེ།…

ཁ་པར་གྱིས་ཁྱེད་ལ་ཁ་པར་གཏོང་དུ་འཇུག་གི་ཡོད་པ་ཙམ་མ་ཟད། ད་དུང་། གཞན་ཅི་ཞིག་བྱེད་ཐུབ་ཀྱི་ཡོད་དམ། དེང་གི་དུས་སུ་ང་ཚོའི་མི་ཚེ་འཕྲུལ་ཆས་དང་ལྷག་པར་ལག་ཐོག་ཁ་པར་སོགས་ལ་ཤུགས་ཆེར་བརྟེན་པའི་ཚད་གཞི་དེ།  གནའ་སྔ་མོའི་དུས་སུ། བོད་པ་ཚོ་གང་དུ་ཆས་ཀྱང་།རང་ཉིད་དང་མཉམ་དུ་འཁྱེར་ནས་འགྲོ་གི་ཡོད་པའི་སྲུང་གོར་རམ་སྲུང་མདུད་ལས་ཀྱང་ཤུགས་ཆེ་རུ་ཕྱིན་ཡོད། ལག་ཐོག་ཁ་པར་དེ་སོ་སོའི་གྲོགས་པོ་དང་ནང་མི་སོགས་ལ་ཁ་པར་གྱི་ལམ་ནས་འབྲེལ་མཐུད་བྱེད་སྤྱད་ཅིག་ཡིན་པ་མ་ཟད། འབྲེལ་ཐོ་དང་། ཁ་པར་གྱི་འབྲེལ་མཐུད་ལོ་རྒྱུས། པར་དང་བརྙན་སོགས་བསག་སའི་གནས་ཚུལ་གྱི་མཛོད་ཁང་ལྟ་བུ་ཡིན་པས། ཁ་པར་གྱིས་ང་ཚོའི་ཉིན་རེའི་འཚོ་བའི་ཁྲོད་ཀྱི་ཆ་ཤས་གལ་ཆེན་ཞིག་བཟུང་ཡོད། ང་ཚོའི་མི་ཚེའི་ནང་བྱུང་བའི་གནས་ཚུལ་ཆེ་མ་ཆུང་གསུམ་ཡོངས་རྫོགས་ཁ་པར་ནང་གསོག་ཉར་བྱེད་ཀྱི་ཡོད་སྟབས། སོ་སོའི་ཁེ་ཕན་སྒྲུབ་མཁན་གྱི་དྲ་ཐོག་གི་འཇབ་རྒོལ་བ་དང་གསང་མྱུལ་བ་སོགས་ལ།ལྐོག་ཏུ་ཁྱེད་ཀྱི་ཡོ་ཆས་ནང་འཛུལ་ཏེ།གནས་ཚུལ་བསྡུ་ལེན་བྱེད་པའི་རེ་འདོད་ཤུགས་ཆེན་པོ་ཡོད། དེར་བརྟེན། ཁ་པར་དང་འབྲེལ་བའི་ཉེན་ཁ་དང་སྐྱོན་ཆའི་རིགས་ཧ་གོ་བའི་ཐོག་ནས། རང་ཉིད་ཀྱི་གསང་རྒྱ་ཇི་ལྟར་ཉར་དགོས་མིན་སྐོར་ཤེས་རྟོགས་ཐུབ་པ་བྱེད་རྒྱུ་དེ་ཧ་ཅང་གནད་འགག་ཅིག་ཆགས་ཡོད། བདེ་འཇགས་ངོས་ཐད་ནས། རང་ཉིད་ཀྱི་ཁ་པར་བརྟན་པོ་དང་བཙན་པོ་བཟོ་བའི་ལམ་ཁ་མང་པོ་ཡོད་པ་དེ་དག་རེ་རེ་བཞིན་མ་གླེང་བའི་སྔོན་དུ།…

དུས་རབས་ཉེར་གཅིག་པའི་འཐབ་འཛིང་གི་གཡུལ་ས་ཆེན་པོ་དེ་དྲ་རྒྱའི་ནང་དུ་ཡོད་ཅེས་གསུངས་པ་བཞིན། འཛམ་གླིང་གི་རྒྱལ་ཁབ་སོ་སོས་རང་རང་གི་ས་ཁོངས་སུ་དྲ་རྒྱའི་བཅའ་ཁྲིམས་ནན་པོ་བཟོས་ཏེ། མི་སྒེར་དང་རྒྱལ་ཁབ་ཀྱི་བདེ་འཇགས་སྲུང་སྐྱོབ་བྱེད་ཀྱི་ཡོད་པ་བཞིན། རང་རྒྱལ་གྱིས་ཀྱང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངའ་ཁོངས་བདེ་འཇགས་དང་། སྤྱི་ཚོགས་ཁྱོན་ཡོངས་ཀྱི་ཐུན་མོང་གི་ཁེ་ཕན་སྲུང་སྐྱོང་བྱེད་པའི་འབོད་ཚིག་ཁྲོད་དུ། ཕྱི་ལོ་༢༠༡༧་ལོའི་དྲུག་གཅིག་བྱིས་པའི་དུས་ཆེན་ཉིན་ནས་བཟུང་སྟེ། «ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དྲ་བའི་བདེ་འཇགས་བཅའ་ཁྲིམས»«中华人民共和国网络安全法»དངོས་སུ་ལག་བསྟར་བྱས་ཡོད། དེ་ན་《དྲ་བའི་བདེ་འཇགས་བཅའ་ཁྲིམས》ཀྱི་སྤྱིའི་རྩ་དོན་ལྟེ་བ་ཁག་གང་དག་ཡིན་ཞེ་ན། ༡  ༽  ཁ་པར་དང་དྲ་རྒྱའི་བཟོ་ཚོང་ཁང་ཆེ་ཁག་གིས་ངོས་ནས། རྒྱལ་ཁབ་ཀྱིས་བཀག་སྡོམ་བྱས་པའི་གནས་ཚུལ་རིགས་ཞིབ་བཤེར་བྱེད་དགོས་པ་དང་། དྲ་ལམ་གྱི་མི་མིང་མེད་རིགས་དམ་དྲག་བྱེད་དགོས། དེ་མ་ཟད། བཟོ་ཚོང་ཁང་ཁག་གིས་དྲ་རྒྱ་བེད་སྤྱོད་བྱེད་མཁན་གྱི་གང་ཟག་གི་མིང་དངོས་དང་སྒེར་གྱི་གནས་ཚུལ་རིགས་བསྡུ་རུབ་བྱེད་དགོས། ༢  ༽…

གསལ་བཤད། མཉེན་ཆས་གསར་སྣོན་ཟེར་དུས། དང་པོ། རྩིས་འཁོར་དང་ཁ་པར་གྱི་ཉེར་སྤྱོད་མ་ལག་གསར་སྣོན་(更新操作系统)དང་། གཉིས་པ། རྩིས་འཁོར་དང་ཁ་པར་ནང་དུ་ཕབ་ལེན་བྱས་ཡོད་པའི་མཉེན་ཆས་རིགས་གསར་སྣོན་(APP和软件更新)གཉིས་ཀ་ཚུད་ཡོད།  དེ་གཉིས་ནང་གི་གང་རུང་གཅིག་གསར་སྣོན་མ་བྱས་ཚེ། ཁྱེད་ལ་བདེ་འཇགས་དང་འབྲེལ་བའི་ཉེན་ཁ་ཆེན་པོར་འཕྲད་སྲིད། ཉེར་སྤྱོད་མ་ལག་དང་མཉེན་ཆས་གཉིས་ཀ་གསར་སྣོན་བྱས་ཚེ། མ་ལག་དང་མཉེན་ཆས་ཁོངས་ཀྱི་བདེ་འཇགས་ཀྱི་སྐྱོན་ཆའི་རིགས་དུས་ཐོག་ཏུ་དག་སེལ་བྱས་པ་དང་གཅིག་མཚུངས་ཡིན་པས། དྲ་ཐོག་གི་འཇབ་རྒོལ་གྱི་ཉེན་ཁ་རང་བཞིན་གྱིས་ཆུང་དུ་འགྲོ་ཡི་ཡོད།

VPN རྟོག་བཟོས་མི་སྒེར་དྲ་བ་ནི་དྲྭ་བའི་ཞབས་ཞུ་ཞིག་ཡིན་ལ། ཞབས་ཞུ་དེས་དྲྭ་མྱུལ་བྱེད་མཁན་ཚོར། VPN ཞབས་ཞུ་ཡི་IP ཁ་བྱང་གཡར་དུ་འཇུག་གི་ཡོད་པ་མ་ཟད། དྲྭ་མྱུལ་བྱེད་མཁན་གྱི་གང་ཟག་དང VPN ཞབས་ཞུ་གཉིས་དབར་གྱི་འབྲེལ་མཐུད་གསང་སྡོམ་བྱེད་ཀྱི་ཡོད། དེར་བརྟེན།མདོར་བསྡུས་ནས་བཤད་ན། དྲྭ་བའི་ཞབས་ཞུ་འདིས་ཁྱེད་རང་དྲྭ་མྱུལ་བྱེད་དུས། ཁྱེད་ཀྱི་གློག་ཀླད་དང་ཁ་པར་གྱི་ཚབ་བྱས་ཏེ་ལས་ཀ་བྱེད་ཀྱི་ཡོད། དྲྭ་བའི་ཞབས་ཞུ་འདི་ཧ་ཅང་བཙན་པོ་དང་བརྟན་པོ་ཡོད། གང་ཡིན་ཞེ་ན་ཁྱེད་རང་གི་དྲྭ་ཐོག་གི་གནས་ཚུལ་དང་གཞི་གྲགས་ཚང་མ་གསང་སྡོམ་དང་སྦ་གསང་བྱེད་ཀྱི་ཡོད། ཁྱེད་རང་གིས་འཛམ་གླིང་གི་ས་ཕྱོགས་གཞན་པ་ཞིག་གི་ནང་དུ་ཡོད་པའི་ VPN ཞབས་ཞུ་ཡི་IP ཁ་བྱང་བེད་སྤྱོད་བྱེད་ཐུབ་ཀྱི་ཡོད་པའི་ཆ་ནས།…