མཉེན་ཆས་གླིང་ག

ཧེང་ཀྲིག་གཏིང་ཟབ་འཚོལ་ཞིབ་མིས་བཟོས་རིག་ནུས(杭州深度求索人工智能基础技术研究有限公司)་གཞི་རྩའི་འཕྲུལ་རིག་ཉམས་ཞིབ་ཁང་ནི། སྤྱི་ལོ་༢༠༢༣་ལོར་ཨ་སྒོར་ས་ཡ་དྲུག་གི་མ་རྩ་བེད་སྤྱད་དེ་གསར་དུ་རྩ་འཛུགས་བྱས་པའི་བཟོ་ལས་ཁང་ཞིག་ཡིན་ལ། བཟོ་ཚོང་ཁང་འདིས་འདོན་སྤེལ་བྱས་པའི་མིས་བཟོས་རིག་ནུས་ཀྱིས་འཛམ་གླིང་གི་དཔལ་འབྱོར་ལ་གཡོ་འཁྱོམ་ཐེངས་ཤིག་བཟོས་ཡོད།   OpenAI བཟོ་ཚོང་ཁང་གིས་ཨ་སྒོར་ས་ཡ་བརྒྱ་ལྷག་གི་མ་རྩ་བེད་སྤྱད་དེ་Chat GPT ་མིས་བཟོས་རིག་ནུས་བཟོ་སྐྲུན་བྱས་པ་ཡིན་ལ། རིག་ནུས་འདི་ད་ལྟའི་ཆར་འཛམ་གླིང་ནང་གི་མིས་བཟོས་རིག་ནུས་ཚད་མཐོ་ཤོས་དང་ནུས་པ་ཆེ་ཤོས་སུ་ངོས་འཛིན་བྱེད་ཀྱི་ཡོད། འོན་ཀྱང་། ལོ་གཉིས་མ་གཏོགས་འགོར་མེད་པའི་གཏིང་ཟབ་འཚོལ་ཞིབ་མིས་བཟོས་རིག་ནུས་འདི་ཁྲོམ་རར་སླེབས་དུས། འགྲན་རྩོད་ཀྱི་ཞེད་སྣང་གིས་ཨ་རིའི་མ་རྐང་ཁྲོམ་རའི་རིན་ཐང་ཨ་སྒོར་ཐེར་འབུམ་༢་གཉིས་ལྷག་ཤུལ་མེད་དུ་བཟོས་ཡོད། གང་ཡིན་ཞེ་ན། ཨ་རིའི་ནང་གི་འཕྲུལ་རིག་བཟོ་ལས་ཁང་ཆེ་ཁག་གིས་དྲ་ལམ་གྱི་འཚོལ་བཤེར་དང་། སྤྲིན་མཛོད། ད་དུང་དེ་མིན་གྱི་ཞབས་ཞུ་མང་པོ་ཞིག་མིས་བཟོས་རིག་ནུས་ལ་ཤུགས་ཆེར་བརྟེན་ཡོད་པས། Chat GPT ་མིས་བཟོས་རིག་ནུས་ལྟ་བུ་ལའང་འགྲན་རྩོད་བྱེད་ནུས་པའི་གྲངས་རིག་གི་རྩིས་ཚུལ་ཚད་མཐོ་བོ་ཞིག་སླེབས་དུས།…

Safari བཤེར་ཆས་ནི། རང་ངོས་ཕབ་ལེན་བྱེད་མ་དགོས་པར། ཀུ་ཤུ་ཁ་པར་གྱི་ནང་དུ་དང་ཐོག་ནས་ཡོད་པའི་ཀུ་ཤུ་བཟོ་ཚོང་ཁང་གི་གཞུང་ཕྱོགས་ཀྱི་དྲ་རྒྱ་བཤེར་ཆས་དེ་ཡིན། ངས་དུས་རྒྱུན་དུ། དྲ་གྲོགས་ཚོར། དྲ་ཚིགས་འདྲ་མིན་ཁ་འབྱེད་པར། སྐད་འཕྲིན་མ་ཡིན་པའི་ཚད་ལྡན་གྱི་དྲ་རྒྱ་བཤེར་ཆས་ཤིག་དགོས་ཞེས་ནན་སྐུལ་བྱེད་ཀྱི་ཡོད་པ་བཞིན། ཀུ་ཤུ་ཁ་པར་ནང་གི་Safari བཤེར་ཆས་་དང་། ཨན་ཌོ་ཁ་པར་ནང་དུའང་བཀོལ་སྤྱོད་བྱེད་ཆོག་པའི་སེང་གདོང་དང་མེ་ཝ་དྲ་རྒྱ་བཤེར་ཆས་སོགས་ནི། འཛམ་གླིང་ནང་གི་དྲ་རྒྱ་བཤེར་ཆས་ཁུངས་བཙན་ཤོས་དང་། བདེ་འཇགས་ཀྱི་ཆ་ནས་ཚད་མཐོ་ཤོས་དེ་ཆགས་ཀྱི་ཡོད་སྟབས། ག་དུས་ཡིན་ཡང་། དྲ་ཚིགས་ཤིག་ཁ་འབྱེད་སྐབས། དྲ་རྒྱ་བཤེར་ཆས་འདི་དག་གི་ནང་དུ་ཁ་འབྱེད་ཐུབ་ན། སོ་སོའི་གསང་རྒྱ་དང་བདེ་འཇགས་ལ་ཕན་ཐོགས་ཆེ། གང་ཡིན་ཞེ་ན།…

ཉེ་ལམ་བདག་གིས་(འགྲུལ་བཞུད་ཁྲོད་ཀྱི་དྲ་ལམ་བདེ་འཇགས་)སྐོར་གྱི་གཏམ་བཤད་ཅིག་སྤེལ་བའི་སྐབས་སུ། དྲ་གྲོགས་ཤིག་གིས་Claude ཟེར་བའི་བཀོལ་ཆས་དེ་ཇི་ལྟར་བཀོལ་སྤྱོད་བྱེད་དགོས་མིན་དང་། དེའི་ནང་དུ་བོད་ཡིག་རྒྱབ་སྐྱོར་བྱེད་ཀྱི་ཡོད་མེད་ཐད་ལ་དྲི་བ་དྲིས་བྱུང་བས། 
འདིར་མ་ལག་དེའི་སྐོར་ལ་རོབ་ཙམ་གླེང་འདོད། 
 Claude བཀོལ་ཆས་དེ་ནི། 2021 ལོར། Anthropic PBC ཟེར་བའི་མིས་བཟོས་རིག་ནུས་ཀྱི་ལག་རྩལ་ཐད་ལ་ཉམས་ཞིབ་བྱེད་མཁན་གྱི་ཨ་རིའི་ནང་གི་བཟོ་ལས་ཁང་ཞིག་བཟོས་པ་ཡིན་འདུག བཀོལ་ཆས་དེ་བཀོལ་སྤྱོད་བྱེད་པར། རང་གི་ཡིག་ཟམ་བརྒྱུད་ནས་ཐོ་འགོད་བྱེད་དགོས་ཀྱི་འདུག མ་ལག་དེའི་ནང་དུ་སྐད་ཡིག་འདྲ་མིན་ནང་། དྲི་བར་ལན་འདེབས་པ་དང་། རྩོམ་ཡིག་འབྲི་བ།…

ལོ་ངོ་ཁ་ཤས་ཀྱི་གོང་དུ།  ༼དུང་དཀར་བོད་ཡིག་འཇུག་ཐབས།༽ཟེར་བའི་བོད་པའི་སྐད་ཆ་ཡིག་ཐོག་ཏུ་འབེབ་ཐུབ་པའི་བཀོལ་ཆས་གསར་པ་ཞིག་འདོན་སྤེལ་གནང་བ་དེས། བོད་སྐད་བཤད་ཤེས་ཀྱང་བོད་ཡིག་འབྲི་མི་ཤེས་མཁན་གྱི་བོད་པ་ཚོར་ཁེ་ཕན་ཆེན་པོ་བསྐྲུན་ཡོད་པ་མ་ཟད། བཀོལ་ཆས་ནང་གི་ཡིག་སྒྱུར་གྱི་ཁྱད་ཆོས་དེས་བོད་མི་མང་པོ་ཞིག་གི་དགོས་མཁོ་མི་ཉུང་བ་ཞིག་སྐོང་ཐུབ་ཡོད། དུང་དཀར་བཀོལ་ཆས་ནི་བོད་སྐད་ངོས་འཛིན་བྱེད་ཐུབ་པའི་བཀོལ་ཆས་ཐོག་མ་དེ་ཡིན་སྟབས། བཀོལ་ཆས་འདོན་ཐེངས་སྔོན་མའི་ནང་གི་ཨམ་སྐད་ཀྱི་སྒྲ་གདངས་ངོས་འཛིན་ཚད་ལྡན་མིན་པ་མ་ཟད། ཁམས་སྐད་ཀྱི་གདམ་ག་བཟོ་ཐུབ་མེད། ཡིན་ནའང་། དགའ་འོས་པའི་གཏམ་བཟང་ཞིག་ནི། ཉེ་ལམ་གསར་དུ་འདོན་སྤེལ་གནང་བའི་ཨན་ཌོ་ཁ་པར་གྱི་ཆེད་དུ་བཟོས་པའི་དུང་དཀར་བཀོལ་ཆས་ཐོན་རིམ་༤.༠་དེའི་ནང་དུ། སྐད་སྒྲ་ངོས་འཛིན་མ་ལག་ལ་ལེགས་བཅོས་རབ་དང་རིམ་པ་མང་པོ་ཞིག་བྱས་མཐར། མདོ་དབུས་ཁམས་གསུམ་གྱི་ཡུལ་སྐད་ཆེན་པོ་གསུམ་ཅིག་ཅར་དུ་ངོས་འཛིན་ཐུབ་པ་དང་། དམིགས་བསལ་ཁམས་གྱི་ཡུལ་སྐད་ངོས་འཛིན་མ་ལག་ལེགས་འགྲུབ་བྱུང་ཡོད་འདུག བཀོལ་ཆས་འདོན་ཐེངས་གསར་པ་འདིའི་ཁོངས་སུ། སྟོད་མངའ་རིས་ཁུལ་གྱི་སྒེར་རྩེའི་ལུང་སྐད། བྱང་གི་ནག་ཆུའི་ལུང་སྐད་སོགས་བྱང་འབྲོག་ཁུལ་གྱི་ལུང་སྐད་གཙོར་བྱས་པའི་ཁམས་སྐད་ལས་མཆེད་པའི་ལུང་སྐད་གཞན་དག་གི་ངོས་འཛིན་ཚད་ཀྱང་མཐོ་རུ་བཏང་ཡོད་འདུག་པས། རྒྱ་ཆེའི་རོང་འབྲོག་མང་ཚོགས་གང་མང་ཞིག་ལ་ཕན་ཐོགས་ཡོང་བར་གདོན་མི་ཟའོ།། བཀོལ་ཆས་ཐོན་རིམ་༤.༠་ནང་གི་ལེགས་བཅོས་བཏང་ཡོད་པ་ཁག་གཤམ་གསལ་ལྟར། 1：མདོ་དབུས་ཁམས་སྐད་ཅིག་ཅར་ངོས་འཛིན། 2：གདོང་རིས་ནང་གི་ཡིག་གཟུགས་བརྗེ་སྒྱུར།…

Clubhouse བཀོལ་ཆས་ནི། སྤྱི་ཚོགས་འབྲེལ་མཐུད་དྲ་བའི་བཀོལ་ཆས་གཞན་དག་དང་འདྲ་བར། ཏོག་དབྱིབས་ནད་དུག་གི་ཁྱིམ་སྡོད་བཀའ་རྒྱའི་དུས་སྐབས་སུ་དར་ཁྱབ་ཤུགས་ཆེར་ཕྱིན་པའི་བཀོལ་ཆས་ཤིག་ཡིན། ད་ཆ་ཉིན་རེར་བཀོལ་ཆས་འདི་བཀོལ་སྤྱོད་བྱེད་མཁན་གྱི་མི་གྲངས་ས་ཡ་མང་པོ་ཡོད། ལྷག་པར་དུ། ཉེ་ལམ་ཁྲེ་སི་ལ( Tesla)བཟོ་ཚོང་ཁང་གི་སྤྱི་ཁྱབ་འགན་འཛིན་ཨེ་ལོང་མ་སི་ཁིག་དང་། ངོ་དེབ་བཟོ་ཚོང་ཁང་གི་འགོ་གཙོ་མའར་ཁིག་ཛོ་ཁར་བྷིར་གཉིས་ཀྱང་Clubhouse བཀོལ་ཆས་ཀྱི་ནང་དུ་མངོན་པས། བཀོལ་ཆས་འདི་སྔར་ལས་ལྷག་པའི་སྐད་གྲགས་རྒྱས་ཡོད། Clubhouse བཀོལ་ཆས་ནི་ཅི་ཞིག་ཡིན། Clubhouse བཀོལ་ཆས་ནི། སྐད་ཀྱི་ལམ་ནས་འཛམ་གླིང་གི་ས་ཕྱོགས་སོ་སོའི་ནང་གི་མི་གཞན་པ་དང་ལྷན་དུ། འཕྲུལ་རྩལ་དང་། རྩེད་རིགས།…