རིན་མེད་བཤེར་ཆས། (Free Browser)

རིན་མེད་བཤེར་ཆས་ཀྱིས་ཁྱེད་ལ་རྟོག་བཟོས་མི་སྒེར་དྲ་བ་བཀོལ་སྤྱོད་བྱེད་མ་དགོས་པའི་ཐོག་ནས་འཛམ་གླིང་གི་སྤྱི་ཚོགས་འབྲེལ་མཐུད་དྲ་བ་སྐད་གྲགས་ཆེ་ཤོས་ངོ་དེབ་དང་ཐོས་ཐར། ད་དུང་རྒྱལ་ནང་དུ་བཀག་སྡོམ་བྱས་ཡོད་པའི་དྲ་ཚིགས་སོགས་ལ་ལྟ་ཀློག་བྱེད་དུ་འཇུག་ནུས། རིན་མེད་བཤེར་ཆས་བཀོལ་སྤྱོད་བྱེད་པར་འཛད་སྤྱོད་པའི་ཁ་པར་གྱི་སྟེང་ནས་ཐོ་འགོད་དང་། སྒྲིག་འགོད་སོགས་གང་ཡང་བྱེད་མི་དགོས། བཀོལ་ཆས་འདི་ནི་འཛམ་གླིང་ས་ཕྱོགས་གང་སར་གནས་པའི་མི་ཚང་མས་རིན་མེད་ཀྱི་ཐོག་ནས་བཀོལ་སྤྱོད་བྱེད་ཆོག་པ་མ་ཟད། བཀོལ་སྤྱོད་ལ་ཚད་བཀག་གང་ཡང་མེད། ཚོད་ལྟ་བྱས་པའི་གྲུབ་འབྲས་ལྟར་ན། རིན་མེད་བཤེར་ཆས་ནི། སྤྱི་ལོ་༢༠༢༡༦་ལོའི་རྒྱལ་ནང་གི་དྲ་རྒྱ་བཀག་སྡོམ་ལ་གཡོལ་བྱེད་ཀྱི་རིན་མེད་ཀྱི་ཡོ་ཆས་མྱུར་ཤོས་དེ་ཡིན་འདུག བཀོལ་ཆས་དེས་ཁྱིམ་དང་། སློབ་གྲྭ ལས་ཀ་སོགས་སུ་ལག་བསྟར་བྱེད་ཀྱི་ཡོད་པའི་བཀག་སྡོམ་རང་བཞིན་གྱི་མེ་གྱང་ཆ་ཚང་ལ་གཡོལ་ཐུབ་ཀྱི་ཡོད། བཀོལ་ཆས་འདི་ནི་གྷོ་གྷིལ་ཁི་རོམ་བསྐྲུན་སའི་འབྱུང་ཁུངས་ཨང་ཚབ་ཀྱི་སྟེང་ལ་གཞི་བཅོལ་ནས་བཟོས་ཡོད་ལ། བཟོ་སྐྲུན་བྱེད་མཁན་ནི་རྒྱ་ནང་གི་མིང་མེད་ཀྱི་ཚོགས་པ་ཞིག་ཡིན་འདུག 

བཀོལ་ཆས་འདི་གཤམ་གྱི་དྲ་ཚིགས་འདི་གསུམ་ཀའི་སྟེང་ནས་རྙེད་ཐུབ། www.en.greatfire.org, www.freebrowser.org, https://s3.amazonaws.com/loklad.com/freebrowser.html

བཀོལ་ཆས་འདི་ཨན་ཌོ་ཁ་པར་ཁོ་ནའི་ནང་དུ་མ་གཏོགས་བཀོལ་སྤྱོད་བྱེད་མི་ཐུབ།

རིན་མེད་བཤེར་ཆས་བཀོལ་སྤྱོད་ཀྱི་ཁེ་ཕན། 

༡ ༽  བཀག་སྡོམ་བྱས་ཡོད་པའི་ཆ་འཕྲིན་གྱི་ནང་དོན་ལྟ་ཀློག་བྱེད་ཐུབ།

༢ ༽  བཀོལ་སྤྱོད་བྱེད་བདེ་པོ་ཡོད།

༣ ༽  སྒྲིག་འགོད་གང་ཡང་བྱེད་མི་དགོས།

ཨན་ཌོ་ཁ་པར་ནང་དུ་ཁ་པར་བྱེད་སྟངས། 

གོང་གི་དྲ་ཚིགས་ཁག་ནས་ཐད་ཀར་ཕབ་ལེན་བྱེད་ཐུབ། 

གོ་རིམ་དང་པོ། ཁྱེད་ཀྱི་ཁ་པར་སྟེང་གི་དྲ་རྒྱ་བཤེར་ཆས་ཀྱི་ནང་དུ། གཤམ་གྱི་དྲ་ཚིགས་འདིའི་ཁ་བྱང་གཏགས་དགོས། 

https://s3.amazonaws.com/loklad.com/eng/freebrowser.html

གོ་རིམ་གཉིས་པ། དྲ་ངོས་གཡས་ཀྱི་སྟེང་ཕྱོགས་ནས་རང་གི་འདོད་མོས་ལྟར་སྐད་ཡིག་བརྗེ་ཆོག